iKɔlɔsi 3:24 - ɛWee ne ìTsɛm iHywas

²⁴ Daa ɛli ne ˆɛ yɛɛ ɛn ɛDaray ya bok isha ne iphɛ so iyɛnɛng mon ne ɛ sɛ́ nang nyini, ɛlɔ ne ɛDaray ɛKiriti gha ne ˆɛ mɔn ɛn ɛbhɛ ɛtomɛ gha.

iKɔlɔsi 3:24 ပူးပေါင်းရင်းမြစ်များ

iFisus 6:8

Daa ɛli ne ˆɛ yɛɛ ɛn, gbik iyɛnɛng ngge ne ɛrɔngɔ kɛ mɔn, hang ɛkpuru yɔɔ, hang ɛngɔn ne ijwee yɔɔ, ɛ sɛ́ bhɛ say iphɛ ɛlɔ ɛDaray ya.

ɛLuka 14:14

Yaa ne ji sit tɛ ne ɛwɛng, daa ɛli ne hame nibhɛ sɛ yɛɛ ne tal lɛ. ɛTaanggbey ya bhɛ sɛ ne ji tal lɛ ɛtuk ka nɛ ninyi nicik ka sɛ yilitsik ne ikpuu ba.”

iGalatiya 1:10

Ɛ wɛɛ ɛn te nzi mɔn ɛlɛ wo tɛ ninyi ton me naa? Yɛwɛy, nzi sim te ɛTaanggbey ɛbhɛ aa sim ɛkɔn na ne nzi mɔn no. Ɛ wɛɛ ɛn te nzi sim naa laasek niten irway ye? Yɛwɛy, sɛ yɔng ɛlɛy, sɔng nzɛ ne te me ɛkpuru ɛKiriti gha nang.

1 iKɔrɔntos 7:22

Gbik ɛnyi gha ne ɛ kaa soye ɛkpuru gha nyɛɛn kyi yel-le ɛbhɛ ɛlɔ ɛDaray ya, sɔng ne ɛ ta tɔye ɛkpuru nang, ɛDaray ya kɛ sɔnɔ ɛbhɛ. ɛLɛy ne ɛnyi gha ne ɛ kaa sang so ɛkpuru gha nyɛɛn ɛDaray ya kyi yel-le ɛbhɛ wo, ɛ kɛ ne teye ɛkpuru ɛKiriti.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

iBirani 11:6

Wɛlɛng ɛnyi ne aa te ɛTaanggbey yegha phok iyɛnɛng tang ɛ kɛ nang ne itin nɛ. Daa ɛli ne gbik ɛnyi gha ne ɛ yaaso ɛlɔ ɛTaanggbey ya, iphɛ so nggbinggbing ɛ nang ne itin nɛ wu ɛTaanggbey ya sonɛ. Wu ɛ mɔn ninyi na nɛ nibhɛ tɔk ɛbhɛ wo iyɛnɛng.

iBirani 10:35

iPhɛ ɛlɛy, ne ɛ hante ɛn ne irway nviit mon da, sɛ mɔn nyini iyɛnɛng gbom.

iFisus 6:6

Sɔng ˆɛ mon ɛn ɛtomɛ gha nten de nɛ nibhɛ sonɛ wo, wu tɛ nibhɛ ji ton nyini wo nang. Yang mɔn ɛn ɛkɔn na ne ɛTaanggbey i sim ne irway mon ijwaan daa ɛli ne ˆɛ so ɛn nikpuru ɛKiriti na.

ɛMacu 5:46

Wu ɛ ne sim ɛn ninyi na nɛ nibhɛ ma sim nyini wo, ɛyakɔn ne ɛ sɛ ne ji pha ɛn ne? Nzo nzi shɛɛ bo ɛlɛy nɛ ninaa ne saasel ijam ne ivel la ma mɔn.

ɛMacu 5:12

Taasey ɛn ne irway ihwala, daa ɛli ne ɛ sɛ bhɛ pha ɛn gbom dak ne irywa wo. Ɛlɛy ne kaa ma baasek ninabawa na nggbang ngga nɛ nibhɛ ka so ɛyisɛ mon na.

ɛYahuza 1:1

ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

1 iKɔrɔntos 3:8

Sɔng ɛhaa ne tubhus sa labhe ne ɛhaa ne ramas sa nang, ɛTaanggbey ya sɛ bhɛ mɔn ɛrɔngɔ iyɛnɛng ngge kancɛng ne ɛtomɛ gha ne ɛ kɛ mɔn.

ɛLuka 6:35

Yang sim ɛn ninaa ne iphup mon na, te ɛ mɔn nibhɛ nikɔn niyɛnɛng. Kɔp ɛn nibhɛ ɛkɔn na, sɔng ne ɛ tas ɛn wu sɛ bhɛ kyii nyini nɛ nang. Sɛ ne bhɛ mɔn nyini iyɛnɛng gbom, ɛ ta te nyini ninɔn ɛTaanggbey ne ɛ so daa Nyu ne irywa na nɛ ne itin nɛ, daa ɛli ne ɛTaanggbey ya tɔɔsel ninaa ne bɛɛs nikɔn na nɛ nibebhe na iyɛnɛng ɛbhɛ de gbik.

ɛMacu 6:16

“Wu aa ne kuma ɛn no, sɔng ne ɛ bees ɛn ɛyisɛ mon na ɛli nɛ niluk ka i mɔn no nang, daa ɛli nɛ nibhɛ bees ɛyisɛ nibhɛ gha tɛ ninyi ji seng wu nibhɛ kuma. Nzi tɔng nyini itin nɛ nibhɛ kɛ ne ku say ilong nibhɛ.

ɛMacu 6:5

“Wu ˆaa ne bol ɛn ne ɛTaanggbey ya, sɔng ne ˆɛ roo ɛn tɛ niluk ka nang, daa ɛli nɛ nibhɛ kyinasek tsik ndɔ ne idee ne itsɔɔy gbik nɛ nilamas ne nkpiinɛ nibhɛ roro tɛ ninyi ji yaang nibhɛ. Nzi tɔng nyini itin nɛ nibhɛ kɛ ku say ilong nibhɛ.

iRooma 14:18

Gbik ɛnyi gha ne ɛ re ɛKiriti yegha ntsong ngga ɛlɛ wo, aa ne i naas ɛTaanggbey ye irway ihwala ninyi na ne i sim ɛbhɛ.

iRooma 1:1

ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.

ɛYohana 12:26

ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”

ɛMacu 10:41

ɛNyi gha ne ɛ kɛ say ɛnɛbi gha daa ɛli ne ɛ so ɛnɛbi gha, sɛ ne mɔn ɛbhɛ iyɛnɛng ɛli ne yaa ma mɔn ɛnɛbi gha iyɛnɛng gha nɛ wo. ɛNyi gha ne ɛ kɛ ne say ɛnyi ɛcik ka daa ɛli ne ɛ so cik ko, sɛ ne mɔn ɛbhɛ iyɛnɛng ɛli ne yaa ma mɔn ɛnyi ɛcik ka iyɛnɛng ngge.

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.

1 iKɔrɔntos 11:23

ɛKɔn nɛghaa wo ne nggɛ mɛmɛ nɛ ɛlɔ ɛDaray, ɛbhɛ ne nzi ne ma tɔng nyini; wu ɛtuk ka ne kaa nang ɛDaray ɛYɛso yegha ndɔ ne iwɔ ninaa ne iphup po, ɛ kaa bo ibɛrɛdi,

1 ɛBiturus 1:4

iPhɛ ɛlɛy, ìyɛk ne irway njwɛɛn da so daa ne isha ne ɛTaanggbey ya kɛ tek njwɛɛn nɛ daa ne irywa. Sɔng isha yɛdee nggyɛ wo sɛ sa nang, sɔng ihywɛ bees se nang, sɔng ihywɛ taal le nang.