iKɔlɔsi 3:17 - ɛWee ne ìTsɛm iHywas

¹⁷ Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

iKɔlɔsi 3:17 ပူးပေါင်းရင်းမြစ်များ

1 iKɔrɔntos 10:31

Gbik ɛkɔn na ne ɛ mɔn ɛn, hang ɛ re ɛn yoo, hang ɛ sɔ ɛn yoo, mɔn ɛn nikɔn na gbik ɛli ne ɛTaanggbey yaa sɛ ndiinday.

iKɔlɔsi 3:23

Gbik ɛkɔn na ne ˆaa mɔn ɛn, mɔn ɛn ɛbhɛ ne irway mon gbik te ɛtomɛ ɛDaray ne ˆɛ mɔn ɛn, sɔng ɛhaa ɛnyi nang.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

1 ɛBiturus 4:11

Gbik ɛnyi gha ne kɛ nang ɛbhɛ izɛɛng ne sanga ibol ɛTaanggbey de, te ne ɛ bol te ɛTaanggbey ya ne ito ɛbhɛ bhɛ bol. Gbik ɛnyi gha ne kɛ ne nang ɛbhɛ izɛɛng ne mɔn nigwaa ɛtomɛ, te ne ɛ mɔn gbik ne ihwet da ne ɛTaanggbey kɛ nang ɛbhɛ. Te mɔn ɛlɛ wo te nang ɛTaanggbey ye ne ndiinday ndɔ nikɔn na gbik lenɛ ne ɛYɛso ɛKiriti. Te sɛ yɔngɔ ɛTaanggbey ya bhɛ bok igbɔm ne ndiinday ne ishay-ishay. Ɛɛy.

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

1 ɛBiturus 2:5

Ne ɛ so ɛn te ikpɛɛ ne iken ne i lɔl ne ijwee ne ikabyik, te ɛ mɔn ɛn nitomɛ tɛ nibo ne kɛ tul ɛTaanggbey ye nɛ ndɔ ne ijwee yɛwoo nggyɛ wo, ɛ hap ɛn itsanga ne ikabyik lenɛ ne ɛYɛso ɛKiriti gha, ihywee de ne ɛTaanggbey i sim.

iBirani 13:15

iPhɛ ɛlɛy nɛ njwɛɛn ku i dɛp ɛTaanggbey yegha lenɛ ne ɛYɛso gha, te iphɛ so te ihap itsanga njwɛɛn. iDɛp njwɛɛn da iphɛ so ihap itsanga de ne njwɛɛn i bol ne ɛnu, i bo wu ɛbhɛ ɛ so ɛDaray ya.

1 ɛYohana 3:18

Nyinɛn ninɔn nge ne nzi sim, sɔng njwɛɛn tɔɔrek ishwim ba daa ne igbɛrɛ ɛnu nang, te njwɛɛn yang tɔɔrek ifɛ daa ɛtomɛ ne njwɛɛn i mɔn nɛ ne itin nɛ.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

iFilibi 2:11

Tɛ ilwem ba gbik nang ishɛɛda wu, ɛYɛso ɛKiriti gha ɛbhɛ ɛ soye ɛDaray ya. Te ne nang ɛTaanggbey ye ne ɛ soye ɛTaa ne ndiinday.

ɛTomɛ 4:30

Tɔɔrek igbom mo tes nisha na niken, te tɔɔrek nyu nikɔn ne kparat nɛ nikɔn ne ɛnik lenɛ ne irywɛɛk ɛkpuru mo ɛYɛso ɛKiriti ne ɛ so kang.”

2 iTasɔlɔnika 2:17

te nyini itsɔngɔl gɛgɛy, ɛ nang nyini ihwet ne mɔn nikɔn niyɛnɛng gbik ne bol ivol iywɛnɛng.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

ɛTomɛ 19:17

Ne sɛ niYahodawa na nɛ ninaa ne hame nibhɛ soye niYahodawa na nɛ nibhɛ so ne iFisus de kɛ phok ibol lɛ de wo gbik, nibhɛ ne wum ɛnik gbom. Nibhɛ ne ya naas irywɛɛk ɛDaray ɛYɛso wo ne ndiinday.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

1 ɛYohana 2:23

Gbik ɛnyi gha ne ɛ kɛ mbaray ɛNgɔn na, sɔng ne ɛ bok ɛTaa yegha nang. Gbik ɛnyi gha ne ɛ kɛ ne say ɛNgɔn na ne ɛ bok ìtsɛm ne ɛTaa gha.

iRooma 1:8

Naa tsa n tɔɔrek ɛTaanggbey irway ihwala lenɛ ne ɛYɛso ɛKiriti gha daa mon no gbik, daa ɛli ne i tɔng ngka ne ìnang ne itin de mɔn ndɔ ɛzay ya gbik.

iBirani 1:5

Daa ɛli ne hame ɛTaanggbey ya kɛ ku yaak ɛdɛ ɛmalɛka gha, “Ɛ soyɛ ɛngɔn nge, izenge wo nggɛ te me ɛkyɛɛ mo.” Sɔng ɛ kɛ ku boote daa ɛdɛng, ɛ yɔngɔ, “Naa te me ɛkyɛɛ ɛbhɛ, ˆaa ne teye ɛngɔn nge” mang.

1 iTasɔlɔnika 1:1

ɛWee yɛwoo wo le ɛlɔ ɛBulus, ne ɛSila gbik ne ɛTimɔti ɛbhɛ phɛɛs ɛlɔ idira ninaa ne roos ne iTasɔlɔnika nɛ nibhɛ soye ninaa ɛTaanggbey ne ɛ so ɛTaa, nibhɛ ta soye ninaa ɛDaray ɛYɛso ɛKiriti. Te izɛɛng ne irway ne laal shɛɛ ne nyinɛn.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.