iKɔlɔsi 3:16 - ɛWee ne ìTsɛm iHywas

¹⁶ Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

iKɔlɔsi 3:16 ပူးပေါင်းရင်းမြစ်များ

iFisus 5:19

Bol ɛn ndɔ mon ndɔ ne ighel, ne ighel ne dɛp ɛTaanggbey ye gbik ne ighel ikabyik. Yaak ɛn ne ighel te ˆɛ dɛp ɛn ɛTaanggbey ye ndɔ ne irway mon.

ɛYohana 15:7

Wu ɛ kɛ ne shɛɛ ɛn ndɔ me wo, ibol nge de ma shɛɛ ndɔ mon no, aa ne phom ɛn gbik nikɔn na ne ɛ sim ɛn, yaa ne mɔn nyini nɛ.

iRooma 10:17

iPhɛ ɛlɛy i ne nang ne itin nɛ wo lenɛ ne kɛ phok ibol de, i ne phok ko lenɛ ne sanga ibol ɛKiriti.

1 ɛYohana 2:24

Nyinɛn no, te imɛmɛ da ne ˆɛ kɛ phok ɛn ne ile ne ɛtum mɛ wo shɛɛ ndɔ ne irway mon. Wu iphɛ kɛ ne shɛɛ ndɔ ne irway mon da, ˆaa ne ma shɛɛ ɛn ndɔ ɛNgɔn na ne ɛTaa gha.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

2 ɛYohana 1:2

Njwii sim nyini wo daa ɛli ne itin ne ibol so ndɔ mos, iphɛ yaa ne ku i shɛɛ ndɔ mos so ishwɛɛ ne inat.

2 ɛTimɔti 3:15

Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

1 ɛYohana 2:27

Nyinɛn no nang, ɛKiriti gha kɛ ne tul nyini kang lenɛ ne ɛ kɛ sit nyini ne iKabyik ɛbhɛ. ɛLi ne iKabyik ɛbhɛ de so ndɔ mon no, sɔng ne ˆɛ ta tɔtɔk ɛn ɛdɛ ɛkyɛɛ ne icwam ma kang ne aa mɛmɛ nyini nɛ nang. Daa ɛli ne iKabyik ɛbhɛ de i mɛmɛ nyini nɛ nikɔn na gbik, imɛmɛ ɛbhɛ da ne so itin nɛ sɔng irywɛɛk nang. iPhɛ ɛlɛy, ne ˆɛ roos ɛn imɛmɛ ne iKabyik ge te ˆɛ shɛɛ ɛn ndɔ ne ìtsɛm be ne ɛKiriti gha.

iKɔlɔsi 4:6

Te ivol mon da jam byirik ɛli ne yaa phok iyɛnɛng ngɛ, te ne ˆɛ yɛɛ ɛn ɛli ne aa kyii ɛn ɛrɔngɔ ne ibol de ne kɛ phom nyini.

iFisus 5:17

iPhɛ ɛlɛy, sɔng ˆɛ te ɛn nyini niwamang nang, yang seng ɛn ɛkɔn na ne ɛ so icwas ɛDaray da.

ɛYakub 5:13

ɛDɛng ndɔ mon no i sɔ nggbang nge? Te ne ɛ boote ne ɛTaanggbey. ɛDɛng ndɔ mon no bok irway ihwala? Te ne ɛ yɛk ne iywel ne dɛp ɛTaanggbey ye.

ɛTitus 3:6

iKabyik ɛTaanggbey yɛdee wo ne kɛ sit njwɛɛn nɛ gbom lenɛ ne ɛYɛso ɛKiriti ne ɛ soye ɛHaa ne Phɔt njwɛɛn.

1 iKɔrɔntos 14:26

Nigwaa en, ɛkɔn na ne nzi bol lo ɛbhɛ ghaa lɛ, i sɛ ɛ kɛ sɛm ɛn nyini ɛlɔ ne re ntsong ngga, ɛdɛng yaa ne bok iywel, ɛdɛng ne i mɛmɛ ninyi nɛ, ɛdɛng ne tɔɔl ɛkɔn na ne ɛTaanggbey kɛ phaal ɛbhɛ nɛ, ɛdɛng ne bol ne ihak ilem, ɛdɛng ne ji kpɛl ɛkɔn na ne i bol ne ihak ilem be. iPhɛ ne so nggbinggbing te mɔn nikɔn nɛnaa wo gbik ɛli nɛ nibhɛ yaa phyik ninaa ne roos sa.

ɛYakub 1:5

Wu ɛdɛ mon ne sang ntsɛntsɛng, te ne ɛ roo ɛTaanggbey ye ne ɛbhɛ ɛ so ɛhaa ne nang izɛɛng ngge walala tang kyii bol ivol ne ɛdak kɛ, ɛTaanggbey ya yaa ne nang ɛbhɛ.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

Nikɔn ne kɛ Phaal 15:3

Nibhɛ ne i yaak ne iywel ɛMuusaa ne ɛ soye ɛkpuru ɛTaanggbey gbik ne ihoo ɛNgɔn ne ɛpharak ko, nibhɛ bo, “ɛTomɛ mo gha so gbom, nibhɛ so ɛkɔn ne kparat, ɛDaray ɛTaanggbey ne iTo gbik ɔɔy. Nkpiinɛ mo da so cik, ifɛ so itin nɛ, ɛGɔm ne igbagha gbik.

1 ɛYohana 2:14

Nyinɛn nikyɛɛ, nzi haa nyini nɛ, daa ɛli ne ˆɛ yɛɛ ɛn ɛhaa ne ɛ ku sonɛ ne ile ne tum mɛ. Nyinɛn ninɔn niphas, nzi haa nyini nɛ daa ɛli ne ˆɛ bok ɛn ihwet, ibol ɛTaanggbey de i ta shɛɛ ndɔ ne irway mon, ˆɛ kɛ ne ta re ɛn ɛwɛng daa ɛbebhe yɛghaa wo.

1 ɛTimɔti 6:17

Kpɛng ninaa ne iryat ndɔ ɛzay yɛghaa wo, sɔng nibhɛ tɔɔk ito, nibhɛ kyii ne irway nibhɛ daa ne iryat de ne ihywɛ so te igbil lo ne ifɛ phebhe wo nang. Tɛ nibhɛ ne yang sit irwisɛ daa ɛTaanggbey ne ɛbhɛ naas njwɛɛn nikɔn na walala te njwɛɛn i phok iyɛnɛng ngɛ.

2 iTasɔlɔnika 3:15

Gbik ne iphɛ ɛlɛy, sɔng ne ˆɛ bo ɛn ɛbhɛ te ɛhaa ne iphup mon nang, yang bol ɛn ne ɛbhɛ te ɛgwaa.

1 iTasɔlɔnika 4:18

iPhɛ ɛlɛy, ne ɛ laasek ɛn itso mon irway ne ibol lɛdee wo.

1 iKɔrɔntos 14:15

iKyee ne naa ne mɔn ne? Naa boote ne ɛTaanggbey ya ne ikabyik, ne n da boote ne ɛbhɛ ne irway nge dɔng. Na yɛk ne iywel ne tɔɔk ɛTaanggbey ye ne ikabyik nge, ne n da yɛk ngɛ ne irway nge dɔng.

ɛMacu 26:30

Ne sɛ nibhɛ kɛ yaak ne iywel, nibhɛ ne wuru nibhɛ phɛ daa ne iGol Niphaa.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

ɛLuka 2:51

iPhɛ ɛlɛy, ɛYɛso gha ne kungus nibhɛ ɛ phɛ iNazarat de, ne ɛbhɛ roos ibol nikyɛɛ de gbik. ɛGyinɛ gha ne boos ibol lɛ ndɔ ne irway ɛbhɛ.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.

Nikɔn ne kɛ Phaal 14:3

Nibhɛ ne i yaak ne idɛ iywel lo ifas sɛ ɛnu ɛyisɛ ɛcuruu ne igbɔm ma nɛ nikɔn niken nwaas sa gbik nɛ ninu nikɔɔn na. Sɔng ɛnyi i ne yɛɛ ne mɛmɛ ne iywel lɛwoo nggyɛ wo kang nɛ ninyi ninom ikɔl ne nzuwubɔ nwaas nɛ nibhɛ nwaas (144,000) sa nang. Ninyi na ne kɛ ku say nibhɛ ndɔ ninaa ɛzay ya.

iFisus 5:26

ɛKiriti gha kɛ mɔn ɛlɛ wo te ɛ tul ɛTaanggbey ye idira ninaa ne roos de kang lenɛ ne ibol ɛbhɛ, ɛtsim mɛ ne ɛ kɛ kuus nibhɛ ne inɛn.

1 iTasɔlɔnika 1:8

iBol ɛDaray de kɛ ne le ɛlɔ mon na iphɛ shwalat nilɔ na gbarang, sɔng iphɛ kɛ ne kyinak ne iMakyidɔniya de ne iKaya de zɔng nang. Gbik ɛlɔ gha ne njwi kɛ bok ngɛ njwi ne phok i darat ngka ne ìnang ne itin mon de ne ɛTaanggbey ya. iPhɛ ɛlɛy sɔng njwi ne ta bok ihak ibol ne njwi yaa ta yɔngɔ dɔng nang.