iKɔlɔsi 3:15 - ɛWee ne ìTsɛm iHywas

¹⁵ Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

iKɔlɔsi 3:15 ပူးပေါင်းရင်းမြစ်များ

ɛYohana 14:27

Naa tek nyini ne irway ne laal; irway ne laal nge ne naa nang nyini. Sɔng nzi nang ifɛ ɛli ne ɛzay ya nang ngo nang. Sɔng ɛ tek ɛn irway mon tak nyini iyɔm mang, sɔng ne ɛ wum ɛn ɛnik kang.”

iRooma 15:13

Te ɛTaanggbey ya ne ɛ so ɛhaa ne te ɛnyi gha ɛ sit irwisɛ da, yɛk nyini ne irway ihwala hyɔrɔ, ne irway ne laal ndɔ nang ne itin de ne ɛ kɛ nang ɛn nɛ ne ɛbhɛ wo, te iKabyik ɛTaanggbey de te nyini ɛ raras ɛn ndɔ ne sit irwisɛ mon da.

1 iTasɔlɔnika 5:18

Nang ɛn ɛTaanggbey yegha irway ihwala ndɔ nikɔn na gbik, daa ɛli ne ɛbɛ wo ne ɛTaanggbey ya i sim ɛlɔ mon ndɔ ne ishwɛɛ ne ìtsɛm mon de ne ɛYɛso ɛKiriti gha.

iRooma 5:1

iPhɛ ɛlɛy, ɛlyilyɛghaa wo ne kɛ say njwɛɛn wu njwɛɛn so icik ɛnu ɛyisɛ ɛTaanggbey ya lenɛ ne nang ne itin de, njwɛɛn ne bok irway ne laal ɛnu ɛyisɛ ɛTaanggbey lenɛ ne ɛDaray njwɛɛn ɛYɛso ɛKiriti.

iKɔlɔsi 3:17

Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

ɛYohana 16:33

“Nggɛ tɔng nyini nikɔn nɛnaa wo te ɛ bok ɛn irway ne laal ndɔ me wo. Aa sɔ ɛn nggbang ndɔ ɛzay ya. Nzi ne bok, te ɛn irway nviit daa ɛli ne nggɛ ku phoo ɛzay ya nɛ.”

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

2 iKɔrɔntos 9:11

ɛTaanggbey ya yaa ku i naas nyini te ˆɛ maa naas ɛn ne irway ihwala, tɛ ninyi na gbom ne i tɔɔsel ɛTaanggbey yegha irway ihwala lenɛ ne ìnang mon da nɛ nibhɛ kɛ say yo ɛlɔ mos sa.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

1 ɛTimɔti 2:1

Naa tsa n yaak nyini, te roro ne ɛTaanggbey, i bol ne ɛbhɛ, i phomos ɛbhɛ nikɔn, i tɔɔsel ɛbhɛ irway ihwala ɛlɔ ninyi na gbik.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

iFisus 5:1

Daa ɛli ne ˆɛ so ɛn ninɔn ɛTaanggbey ya ne ɛɛ sim nyini gbom mo, ne ˆɛ roos ngkɔɔl ɛTaanggbey da.

2 iKɔrɔntos 4:15

Kɛ mɔn ɛlɛ wo gbik te iphɛ phyik nyini, sɛ ne sɛ izɛɛng ɛTaanggbey de i hanas ne sɛɛs ninyi na gbom nang, iphɛ ne teye ɛkɔn ne hanas tɔɔsel ɛTaanggbey ye irway ihwala gbom, te nang ɛbhɛ ne ndiinday.

Nikɔn ne kɛ Phaal 7:12

Nibhɛ bo, “Ɛɛy! Te yɔngɔ idɛp, ne ndiinday, ne ntsɛntsɛng, ne irway ihwala, ne igbom, ne ito-ndiinday, ne ihwet, soye ivaa ɛTaanggbey njwɛɛn ne ishay-ishay. Ɛɛy!”

iFisus 4:16

Ɛbhɛ ɛ bok igbɔm ndɔ ne idira ninaa ne roos de nɛ nibhɛ so tɛ nilɔ ne ibek ka. Nilɔ ne ibek ka ne kɛ byingis lenɛ ne ᐩitsibhi de, ɛrɔngɔ i mɔn ɛtomɛ ɛbhɛ gha te ibek ge ne i hanas ne hɔnɔs sɛ ndɔ ne ishwim ba.

iKɔlɔsi 1:12

Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

iBirani 13:15

iPhɛ ɛlɛy nɛ njwɛɛn ku i dɛp ɛTaanggbey yegha lenɛ ne ɛYɛso gha, te iphɛ so te ihap itsanga njwɛɛn. iDɛp njwɛɛn da iphɛ so ihap itsanga de ne njwɛɛn i bol ne ɛnu, i bo wu ɛbhɛ ɛ so ɛDaray ya.

1 iKɔrɔntos 7:15

Wu ɛhaa ne ɛ sang so ɛhaa ne roos sa i ne sim te ɛ sɛɛ hosobhe ne ɛhaa ne roos sa, hay, tɛ nibhɛ ne hosop en. Sɔng iphɛ ne ta tɔ ɛgwaa gha ne ɛ so ɛhaa ne roos sa nggbinggbing ɛ roos ibol lɛdee wo nang, daa ɛli ne ɛTaanggbey ya kɛ yel-le njwɛɛn te njwɛɛn shɛɛ ncaang.

iRooma 1:21

Ɛli nɛ nibhɛ yɛɛ ɛTaanggbey yegha, gbik ne phɛ ɛlɛy sɔng nibhɛ kɛ ne nang ɛbhɛ ne ndiinday wo ɛ so ɛTaanggbey yang, sɔng nibhɛ kɛ ne ta tɔɔrek ɛbhɛ irway ihwala nang. iCwas nibhɛ da kɛ ne yang kyi te buu, irway nibhɛ da ne ifɛ sang seng ɛkɔn na kɛ ne te gbyik.

1 iKɔrɔntos 10:17

ɛLi ne ibɛrɛdi de so iphɛ idaan de, njwɛɛn no ne so maa wo, ne ma so ibek idaan, daa ɛli ne ibɛrɛdi idaan nɛ ne njwɛɛn ne i re.

1 ɛTimɔti 6:12

Tel nggbiy ne ìnang ne itin da yɛnɛng. Wum ibol ne iken ne inat de ne kɛ yel-le yɛnɛ wo ne ihwet. iBol de ne ɛ kɛ ku nang ishɛɛda iyɛnɛng ngɛ ɛnu ɛyisɛ nishɛɛda na gbom mo.