iKɔlɔsi 3:12 - ɛWee ne ìTsɛm iHywas

¹² ɛTaanggbey ya kɛ kasa nyini te ˆɛ te ɛn nyini ninyi ɛbhɛ ne kɛ tul kang, ninaa ne ɛ sim gbom. iPhɛ ɛlɛy, ne ˆɛ yɛk ɛn irway ne san iyɔm nigwaa, ˆɛ mɔn ɛn nikɔn niyɛnɛng, ˆɛ te ɛn lyaak, ˆɛ laasek ɛn ito, ˆɛ bo ɛn ɛbɔk.

iKɔlɔsi 3:12 ပူးပေါင်းရင်းမြစ်များ

iFisus 4:32

Yang yaa mɔn ɛn iyɛnɛng ndɔ mon, te ne ˆɛ san ɛn iyɔm nigwaa. Te ɛrɔngɔ hana ɛrɔngɔ nɛ ɛli ne ɛTaanggbey ya kɛ hana nyini ne wo lenɛ ne ɛKiriti gha.

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

1 ɛYohana 4:19

Njwɛɛn bok ishwim ba daa ɛli ne ɛTaanggbey ya ɛbhɛ kɛ tsa ɛ sim njwɛɛn.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

2 ɛBiturus 1:10

iPhɛ ɛlɛy, nigwaa en ne ɛ mɔn ɛn ɛkɔn na ne aa yɛɛ ne mɔn ɛn te iphɛ tɔɔrek wu ɛTaanggbey ɛbhɛ kɛ yel-le ɛ ta kasa nyini. Wu ɛ kɛ mɔn ɛn ɛlɛ wo, sɔng aa ne kyibhɛ ɛn ɛ ta ho ɛn nang.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

2 ɛTimɔti 2:10

iPhɛ ɛlɛy, nggɛ ne tɔɔk nggbang nikɔn da gbik, ɛlɔ ninaa ne kɛ kasa nibhɛ wo, tɛ nibhɛ sɛ iphɔrɔt da ne ifɛ so ndɔ ɛYɛso ɛKiriti gha, nibhɛ ne ta sɛ ndiinday ne inat de.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

ɛMacu 24:31

Sɛ ne wuute ɛntuntuung, ne ɛ tom nimalɛka ɛbhɛ ndɔ ne ibap naas ɛzay de. Nibhɛ sɛ ne bhɛ tumɛ ninyi ɛbhɛ ne ɛ kɛ ku kasa wo ne ibap naas ɛzay de gbik. Nibhɛ sɛ ne tsa ne iwap ɛdak nibhɛ te ɛzay ya gyɔɔ gbik.

ɛLuka 18:7

Yaa ne mɔn ɛli ɛTaanggbey ya sang nang ninyi ɛbhɛ na ne ɛ kɛ ku kasa wo, nɛ nibhɛ san ɛbhɛ ishwin da ne ɛtuk ka ne igbey yo ɛkɔn na ne ɛ so ɛhaa nibhɛ ghaa? Aa maa shɛɛ tang phyik nibhɛ naa?

ɛLuka 1:78

ɛTaanggbey njwɛɛn na so ɛhaa ne san iyɔm, ne ɛ ta bok ɛbɔk. Ɛ sɛ́ ne yɛk ngɛ iwɛwɛy ne phɔt ɛzay de le ne irywa iphɛ tol njwɛɛn.

ɛMarakus 13:27

Ɛ sɛ ne tom niMalɛka ɛbhɛ nibhɛ bhɛ tumɛ ninyi ɛbhɛ ne ɛ kɛ ku kasa nɛ nibhɛ so ne ibap inwaas ɛzay de gbik. Nibhɛ sɛ́ ne roos niduk ɛzay ya gbik.

iFisus 4:24

Bo ɛn ishwɛɛ ifas da ne ɛTaanggbey ya kɛ ryɔng ɛli ne ɛ so wo. iShwɛɛ yɛdaa nggyɛ wo i tɔɔrek ghe ndɔ ne ishwim gbik ne ishwɛɛ ne tul le kang.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

iFilibi 1:8

ɛTaanggbey ya ɛbhɛ so ɛshɛɛda nge, ɛ yɛɛ ɛli ne nzi has irway ne yaang nyini gbik, ne ishwim ɛYɛso ɛKiriti.

iFisus 1:4

Ɛbhɛ kaa kasa njwɛɛn lenɛ ne ɛYɛso ɛKiriti. Ɛ kaa ne kasa njwɛɛn no ɛli ne kaa tang tum ɛzay ya wu te njwɛɛn tul en kang, wɛlɛng ɛkɔn ne tok. Kaa ne lenɛ ne ishwim ne ɛ bok ne njwɛɛn,

iRooma 9:11

Kaa ne tang yɛk ninaa ifaa yɛnaa nggyɛ wo. Nibhɛ kaa tɔ tang ku shɛɛ yaa mɔn ɛkɔn ɛyɛnɛng hang ɛkɔn ɛbebhe yɔɔ, ɛTaanggbey ya ne boote ne ɛRɛbɛka gha te i sɛ i shwaak ibol ɛnyi de ne ɛ kɛ ku kasa wo. Sɔng yaa ne shwaak ko daa ɛtomɛ nibhɛ nang, yang so daa ne yel-le ɛTaanggbey.

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛMarakus 13:20

Sɛ sang yɔng ɛTaanggbey ya kɛ tɛ nituk ka ne sɛ́ sɔ ne nggbang ngɛdaa nggyɛ wo nang, sɔng ɛnyi ne sonɛ ne ɛ saa shɛɛ ɛken nang. ɛTaanggbey ya kɛ ne tɛ nituk kɛ nibhɛ te ncɛt daa ɛli ne ɛ kɛ san iyɔm ninyi ɛbhɛ ne ɛ kɛ ku kasa.

ɛMacu 24:22

Sɛ́ sang yɔng ɛTaanggbey ya kɛ tɛ nituk kɛnaa nggyɛ wo, sɔng ɛnyi ne sonɛ ne ɛ saa ne shɛɛ ɛken nang. ɛTaanggbey ya kɛ ne ku tɛ nituk kɛ nibhɛ te ncɛt ɛlɔ ninyi na ne kɛ kasa wo.

Nikɔn ne kɛ Phaal 17:14

Nibhɛ sɛ́ ne ta itsom ne ɛNgɔn ne ɛpharak ka. ɛNgɔn ne ɛpharak ka sɛ́ ne re nibhɛ ne itsom be, daa ɛli ne ɛbhɛ ɛ soye ɛDaray ne niDaray ne ɛGɔm niGɔm. ɛNgɔn ne ɛpharak ka sɛ́ ne re itsom be nɛ ninaa ne ɛbhɛ ɛ kɛ yel-le, ɛ kasa, nibhɛ so sɛ kyinak daa ne ibol nibhɛ.”

2 ɛYohana 1:13

Ninɔn ɛgwaa mo ɛkuk ka ne ɛTaanggbey ya kɛ kasa ɛbhɛ wo i kyiisi yɛ.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

iRooma 13:14

Te njwɛɛn yang boos ɛDaray ɛYɛso ɛKiriti yegha cɛcɛk ne ibek te ɛtura ne njwɛɛn kɛ yɛk ngɛ, sɔng njwɛɛn sim i roos icwas ne irway njwɛɛn da ne ifɛ aa te njwɛɛn yaa sim ibebhe de nang.

1 iKɔrɔntos 13:4

iShwim ba i yɛɛs ne ɛbɔk, ne iyɛnɛng; sɔng ishwim ba bok ɛnkyis nang, sɔng ifɛ bok hal ɛggyɛy nang, sɔng ifɛ ne bok ibɛɛs nang,