iKɔlɔsi 3:11 - ɛWee ne ìTsɛm iHywas

¹¹ Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

iKɔlɔsi 3:11 ပူးပေါင်းရင်းမြစ်များ

1 iKɔrɔntos 12:13

Daa ɛli ne gbik njwɛɛn no, hang ɛYahodawa yɔɔ, hang ma sang so ɛYahodawa yɔɔ, hang nikpuru yɔɔ, hang ninɔn ne ijwee yɔɔ, kɛ yɛk njwɛɛn ne ibatisima idaan ne ikabyik idaan, njwɛɛn kɛ teye ibek idaan. Kɛ ne ta nang njwɛɛn iKabyik idaan ndɔ ne irway njwɛɛn.

iRooma 10:12

Ɛlɛy, sɔng niYahodawa na ne labhe nɛ ninyi na ne hame nibhɛ soye niYahodawa na nang. ɛDaray ɛdaan nɛghaa wo ɛbhɛ so ɛDaray ninyi na gbik, ɛbhɛ ɛ ne ta sit gbik ɛnyi gha ne ɛ kɛ yel-le ndɔ ne irywɛɛk ɛbhɛ ne ɛwɛng gbom.

iFisus 3:6

ɛKɔn ɛgying ɛTaanggbey ya so ɛlɛ, te lenɛ ne iBol iYɛnɛng ɛYɛso ɛKiriti de, tɛ ninaa nɛ nibhɛ sang so niYahodawa na teye ninaa ne re isha ɛTaanggbey de gbik nɛ niYahodawa na. Nibhɛ teye ibap ne ibek idaan nɛ, nibhɛ sɛ ihop ndɔ ɛkɔn na ne ɛTaanggbey ya kɛ sim-mɛ lenɛ ne ɛKiriti gha.

iFisus 1:23

iDira ninaa ne roos de ne soye ibek ɛKiriti de. iDira ninaa ne roos de i ne te ɛKiriti yegha te hyɔrɔ ɛli ne ɛbhɛ wo ɛ kɛ shwaasek nikɔn na gbik ndɔ nilɔ na gbik ko.

iRooma 3:29

ɛTaanggbey ya so ɛTaanggbey niYahodawa zɔng naa? Hang ɛ ma sang so ɛTaanggbey ninaa ne hame nibhɛ so niYahodawa na naa? Ɛɛy! Ɛ ma so ɛTaanggbey ninyi na ne hame nibhɛ so niYahodawa na.

iGalatiya 5:6

Daa ɛli ne ndɔ ɛYɛso ɛKiriti gha, sɔng ibol ne hyɛghɛ icwee da ne idee ne sang hyɛghɛ wo iphɛ soye ɛkɔn nang. Ɛkɔn na ne i sim, te ɛnyi gha nang ne itin nɛ ne ɛDaray ya, te ne ɛ tɔɔl iphɛ daa ne ishwim nigwaa.

ɛYohana 17:23

Nzo ndɔ nibhɛ, ne ɛ ma so ndɔ mee. Tɛ nibhɛ ne byinkit gbik te ɛzay ya seng wu igyɛ ɛ kɛ tom me, wu ɛ sim nibhɛ ɛli ne ɛ ma sim me wo.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 iKɔrɔntos 7:19

iHyɛ itee de, ne sang hyɛ itee de, sɔng iphɛ phɛ soye ɛkɔn nang, iroos ikpii ɛTaanggbey da iphɛ phɛ shɛs.

ɛTomɛ 15:17

ɛByin ne igbagha gha sɛ ne tɔk me ne nzo ɛDaray ya. Tɛ ninyi na nɛ ne hame nibhɛ so niYahodawa na, ne nggɛ kasa nibhɛ wo tɛ nibhɛ teye ninaa nge.

iKɔlɔsi 2:10

ˆƐ kɛ ne ma te ɛn hyɔrɔ ndɔ ɛKiriti gha ne ɛbhɛ ɛ soye ɛndiinday ne ikpabyik ga gbik ne igbɔm ba.

iRooma 1:14

iRighitik ninyi de gbik ne so daa ne ito nge, ninaa ɛhay nɛ ninaa ne ijwee, ninyi nibhɛ bok ishweng nɛ ninaa ne hame bhɛ bok ishweng.

ɛYohana 15:5

“Mee nzo me ɛhon ne inabi gha, ɛ ji so ɛn ilaak ge. Wu ɛnyi gha shɛɛ ndɔ me ma nzi shɛɛ ndɔ ɛbhɛ, aa ne yɛk ikpam gbom, daa ɛli ne sɔng ɛ sɛ yɛɛ ne mɔn ɛn ɛkɔn tang me wo nang.

ɛTomɛ 28:4

Ne sɛ ninaa ikop pɛnaa nggyɛ wo kɛ yaang izɔ de laalaa ne iwɔ ɛBulus so, nibhɛ ne yaa bol ndɔ nibhɛ, nibhɛ bo, “iPhɛ so nggbinggbing, ɛnyi yɛghaa wo so ɛhaa ne phobho ninyi, yaang ɛn ɛli ne ɛ kɛ jung wuru ndɔ inɛn da ɛken nɛ wo, gbik ne iphɛ ɛlɛy ibebhe ɛbhɛ de ne jung roos ɛbhɛ sɔng aa ne shɛɛ ɛken nang.”

ɛTomɛ 28:2

Ninyi ne ikop pɛnaa nggyɛ wo kaa ne tɔɔrek njwii iyɛnɛng gbom. Nibhɛ kaa say njwii ne ibɔ iphaa, nibhɛ murak njwii igboo njwi saa daa ɛli ne inɛn kaa reey ɛlɔ yɛ ne so ntsentseng.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

2 ɛYohana 1:9

Gbik ɛnyi gha ne ɛ kɛ sang kyinak daa ne imɛmɛ ɛKiriti da, ɛ ta hante ne ɛkɔn ne ɛdak kɛwo, sɔng ne ɛ bok ɛTaanggbey ye nang. Gbik ɛnyi gha ne ɛ kɛ ne kyinak daa ne imɛmɛ ɛKiriti da, ne ɛ bok ɛTaa yegha gbik ne ɛNgɔn na.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

iFisus 6:8

Daa ɛli ne ˆɛ yɛɛ ɛn, gbik iyɛnɛng ngge ne ɛrɔngɔ kɛ mɔn, hang ɛkpuru yɔɔ, hang ɛngɔn ne ijwee yɔɔ, ɛ sɛ́ bhɛ say iphɛ ɛlɔ ɛDaray ya.

iFisus 3:17

Te ɛKiriti gha shɛɛ ndɔ ne irway mon lenɛ ne ìnang ne itin. Nzi ne bol ne ɛTaanggbey ya te ˆɛ see ɛn iling kyukyum ndɔ ne ishwim,

1 iKɔrɔntos 14:11

Wu nggɛ ne sang seng ilem be ne i bol lo, ninaa nɛ nibhɛ ne bol lo ne so te tɛ ninaa ne kpoo ɛlɔ nge gha, naa ne ma so te ɛhaa ne kpoo ɛlɔ nibhɛ gha.

iRooma 3:22

iCik kɛdee wo ne iphɛ le ɛlɔ ɛTaanggbey ya, i sɛ iphɛ lenɛ ne kɛ nang ne itin nɛ ne ɛYɛso ɛKiriti. ɛTaanggbey ya i nang gbik ninaa nɛ nibhɛ kɛ nang ne itin nɛ icik kɛdee wo, sɔng ɛ kasa nang,

iFisus 2:14

Nzo ɛKiriti gha ɛbhɛ soye irway ne laal njwɛɛn. Ɛ kɛ byinki niYahodawa na nɛ ninaa nɛ nibhɛ sang so niYahodawa na nibhɛ teye nidaan nɛ. Ɛ kɛ ne bunga iwabha ne ifɛ kaa hosop niYahodawa na nɛ ninaa nɛ nibhɛ sang so niYahodawa na, kaabi iwabha ishishim be ne iphɛ kaa so ɛceree nibhɛ gha.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.