iKɔlɔsi 3:1 - ɛWee ne ìTsɛm iHywas

¹ Kɛ yiisik nyini ne ikpuu da ne ɛKiriti gha, iphɛ ɛlɛy ne ˆɛ kyii ɛn ne ihywɛɛ mon daa nikɔn nɛ nibhɛ so daa ne irywa, ɛlɔ gha ne ɛKiriti gha kɛ soos nɛ ne iwɔ ne irwye ɛTaanggbey yo.

iKɔlɔsi 3:1 ပူးပေါင်းရင်းမြစ်များ

ɛMacu 22:44

Phok ɛn ɛkɔn na ne ɛDoda gha kaa yɔngɔ, ‘ɛDaray ya kaa yaak ɛDaray nge gha, “Soos ne iwɔ ne irwye nge, naa yɛk ngɛ ninaa ne iphup mo na teye ɛkɔn ne tek ita mo.” ’

ɛMacu 26:64

ɛYɛso gha ne yaak ɛbhɛ, “Ɛ kɛ mɔng ɛlɛy. Nzi ne tɔng nyini, yaa tsa izenge wo aa yaang ɛNgɔn ɛNyi gha kɛ soos ne iwɔ ne irwye ɛHaa ne iTo Gbik ka ne ɛ yaaso ndɔ ne inɔp ɛdaa ne irywa.”

ɛMacu 6:20

Yang tumɛ ɛn iryat mon de dak ne irywa, ɛnggyɛ wo sɔng nzuu yaa re nang, sɔng ihywɛ yaa ne phulɛm nang, sɔng ninaa ɛyi yaa ne ta bala ɛlɔ yɛ, nibhɛ yibhɛ nang.

ɛMacu 6:33

Yang tsa ɛ tɔk ɛn igbɔm ɛTaanggbey da ne ihywel icik ga ne ɛTaanggbey ya sim mo, yaa ne hanas nyini nɛ nikɔn nɛnaa wo gbik.

ɛMarakus 12:36

iKabyik ɛTaanggbey de kaa yɛk ɛDoda yegha nɛ ɛ boote ibol daa ne ito ne ɛKiriti de ɛ yɔngɔ, “ɛTaanggbey ne Inat ta kaa yaak ɛDaray nge gha, Soos ne iwɔ ne irwye nge, naa ne te ninaa ne iphup mo na teye ɛkɔn ne tek ne ita mo.”

ɛMarakus 14:62

ɛYɛso gha ne kyii nɛ ɛ yaak ɛbhɛ, “Me nzo me ɛbhɛ.” Ɛ sɛ yaang ɛn ɛNgɔn ɛNyi gha, kɛ soos ne iwɔ ne irwye ɛDaray ɛTaanggbey yo, n yaaso ndɔ ne inɔp ɛdaa ne irywa.

ɛMarakus 16:19

Kɛ ne sɛ ɛYɛso gha kɛ taal ɛ tɔng ninɔn ne icwam ɛbhɛ na ivol lɛdaa wo gbik, ne bo ɛbhɛ i waray nɛ dak ne irywa, ɛbhɛ soos gɔɔ ne iwɔ ne irwye ɛTaanggbey.

ɛLuka 12:33

Lɛbhɛl ɛn nikɔn mon na gbik, te ɛ nang ɛn nihala. Aa ne ji sɛ ɛn irambak ne ijam ne hame iphɛ bees se, iryat ɛdaa ne irywa ne hame ihywɛ taal le, sɔng ninaa ɛyi ne bo nang, sɔng nzuu ne ta bees sang.

ɛLuka 20:42

ɛDoda gha ne ito ɛbhɛ, ɛ kaa boote ndɔ ne ɛWee ne iYwel, ɛ yɔngɔ, “ɛDaray ya kɛ yaak ɛDaray nge gha, ‘Soos ne iwɔ ne irwye nge,

ɛLuka 22:69

Yaa ne lenɛ ɛlyilyɛghaa wo, aa ne yaang ɛn ɛNgɔn ɛNyi gha kɛ soos ne iwɔ ne irwye ɛTaanggbey ne ɛ Bok iTo Gbik.”

ɛTomɛ 2:34

“Yaang ɛn! Sɔng ɛDoda gha ɛbhɛ kaa wara dak ne irywa wo nang, Ɛbhɛ kaa yang yɔngɔ, ‘ɛDaray ya kaa yaak ɛDaray nge gha, soos ne iwɔ ne irwye nge,

ɛTomɛ 7:55

ɛSitivin na ne ɛ kaa so hyɔrɔ ne iKabyik ɛTaanggbey de ne kyii yɛɛn ɛdaa ne irywa, ne ɛ yaang ndiinday ɛTaanggbey ne ɛYɛso ɛ kɛ kyinak ne iwɔ ne irwye ɛTaanggbey yo.

iRooma 8:34

ɛHay ɛbhɛ ɛ kɛ hɔn ɛ sɛ yɛɛ ne hyɛ ɛnyi gha ɛshara ne iku ghaa? Wɛlɛng ɛnyi! ɛYɛso ɛKiriti gha ne ɛ kɛ ku, iphɛ phyinti ɛlɛy, ɛ kɛ ne yilitsik ne ikpuu da, ɛ so ne iwɔ ne irwye ɛTaanggbey yo ɛɛ bol ne ɛTaanggbey ya ɛlɔ njwɛɛn.

iRooma 8:6

iKyii ne ihywɛɛ de daa ɛkɔn na ne ibek ge i sim mo i yɛɛs ne iku, ikyii ne ihywɛɛ de daa ɛkɔn na ne iKabyik ge i sim mo i yɛɛs ne iken ne irway ne laal.

2 iKɔrɔntos 4:18

Sɔng njwi kɛ ne sit irwisɛ mos da daa nikɔn na ne i yaang nang, njwi kɛ yang sit daa nikɔn na ne i sang yaang. Daa ɛli nɛ nikɔn na ne i yaang ngo so ninaa ne phee, ninaa ne i ne sang yaang ngo ne so ninaa ne inat.

iFisus 4:10

ɛNyi gha ne ɛ kaa tɔm mo ɛbhɛ kaa ne ta wara daa ne nyu ne irywa wo te ɛzay ya te hyɔrɔ ne ihyɔrɔ ɛbhɛ gbik.

iFisus 5:22

Nyinɛn nikuk ko, nang ɛn ito mon daa ne niras mon na, ɛli ne ˆɛ kɛ nang ɛn ito mon de daa ɛDaray ya.

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

iKɔlɔsi 3:2

Kyii ɛn ne ihywɛɛ mon daa nikɔn ɛdaa ne irywa, sɔng nikɔn ɛzay yɛnaa wo nang.

iBirani 1:13

Sɔng ɛdɛng sonɛ ndɔ nimalɛka na ne ɛTaanggbey ya kɛ ku yaak ɛbhɛ, “Soos ne iwɔ ne irwye nge, te n yɛk ninaa ne iphup mo na nɛ nibhɛ teye ɛkɔn ne tek ita mo nang.”

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

iBirani 10:12

ɛKiriti gha kɛ ne nang ibek ɛbhɛ ɛdaan zɔng te hap itsanga ne kuus ɛfɔt ne ishay-ishay, ne ɛ kɛ ne ji bhɛ soos ne iwɔ ne irwye ɛTaanggbey.

iBirani 12:2

Nɛ njwɛɛn sit irwisɛ daa ɛYɛso gha ne ɛbhɛ ɛ kɛ phaal ɛnkiinɛ ne ìnang ne itin de, ɛ ta so ɛhaa ne te ìnang ne itin njwɛɛn de te hyɔrɔ wo. Kaa lenɛ ne irway ihwala da ne ifɛ hyep ɛbhɛ wo, ne ɛ rop iku daa ne ihon ne gangat to, sɔng ne ɛ bo ncwa yɛ te mpɛ ɛkɔn nang. Ɛ kɛ ne ji bhɛ soos ne iwɔ ne irwye ɛcuruu ne igbɔm ɛTaanggbey ya.

iBirani 8:1

ɛKɔn na ne njwii bol lo so ɛlɛ, njwɛɛn bok ɛGbaang ɛGɔm nibo ne ɛ shɛs ne ɛ kɛ soos ne iwɔ ne irwye ɛcuruu ne igbɔm ɛTaanggbey ɛHaa ne Ndiinday Gbik.

1 ɛBiturus 3:22

ɛYɛso ɛKiriti gha kɛ ɛbhɛ kɛ ne waray daa ne irywa. Ne ɛbhɛ so ne iwɔ ne irwye ɛTaanggbey, ɛɛ re igbɔm daa nimalɛka, nɛ nigɔm, gbik ne ikpabyik.