iKɔlɔsi 2:8 - ɛWee ne ìTsɛm iHywas

⁸ Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

iKɔlɔsi 2:8 ပူးပေါင်းရင်းမြစ်များ

ɛMacu 10:17

Wɛɛ ɛn nyini yɛnɛng ɛlɔ ninyi na, nibhɛ sɛ nang nyini ɛlɔ ne itɔrɔng nibhɛ, i ji bhɛ hal nyini ndɔ ne idee ne itsɔɔy nibhɛ de.

ɛMacu 16:6

ɛYɛso gha ne yaak nibhɛ, “Wɛɛ ɛn nyini yɛnɛng, ryɔng nyini ɛlɔ ne iyis niFarisawa de ne idee niSadukyawa de.”

ɛMacu 7:15

“Wɛɛ ɛn nyini yɛnɛng ɛlɔ ninabawa ne irywɛɛk ka. Nibhɛ yɛɛset ɛlɔ mon na te ntsabhak, ɛlɛy ndɔ nibhɛ, nibhɛ ne so tɛ nibabu ne izaram nɛ nibhɛ.

ɛTomɛ 17:18

Nidɛng nikyɛɛ ne icwam ne kaa i bok nibhɛ niBikuriya nɛ niSitɔkya kaa ne i re ishamas ne ɛBulus sa. Nidɛng ne yɔngɔ, “iKyee ne ɛnyi ne irwɛrɛ yɛghaa wo i sim aa bol le?” Nidɛng ne ji yɔngɔ, “Njwii wɛɛ te ɛ bol ibol nidɛng nitaanggbey de ne hame nibhɛ so ɛbɛ wo.” Nibhɛ kaa bol ɛlɛ wo daa ɛli ne ɛBulus sa kɛ tɔng nibhɛ ibol ɛYɛso ne idee ne yiisik tsik ne ikpuu.

ɛTomɛ 17:32

Ne sɛ ninyi na kɛ phok bol ne yiisik ɛYɛso yede ne ikpuu da, nidɛng ne sɛ ɛbhɛ ishwɛ ne bɛɛs, nidɛng ne yaa yɔngɔ, “Njwi sim njwi sɛ kyi ta phok kɛ ɛɛ bol ibol ne iyiisik ɛYɛso yɛdee wo ɛhak ɛtuk.”

iRooma 16:17

Nigwaa ɛn, nzi bok nyini te ɛ wɛɛ ɛn nyini yɛnɛng ɛlɔ ninyi na nɛ nibhɛ te nyini ɛ hosop ɛn nyini wo, nibhɛ yɛɛset ne imɛmɛ ifas ne ifɛ soye nikɔn kyibhɛ nɛ nibhɛ labhe nɛ nikɔn na ne kɛ ku mɛmɛ nyini nɛ wo. Shɛɛ ɛn kyakyak nɛ nibhɛ!

1 iKɔrɔntos 10:12

iPhɛ ɛlɛy, gbik ɛnyi gha ne ɛ ne wɛɛ te ɛ kɛ kyinak gɛgɛy, te ne ɛ wɛɛ ye yɛnɛng ɛlɔ ne aa yung ho.

1 iKɔrɔntos 8:9

Ne ɛ wɛɛ ɛn nyini yɛnɛng ɛlɔ ne aa yung le ɛn ne sɔnɔ da ne kɛ sɔnɔ nyini wo ɛ te ɛn nyini ikɛɛ ne kyibhɛ ninaa nɛ nibhɛ so kyɔkyɔt to.

2 iKɔrɔntos 10:5

Njwii bunga ishamas ninaa ne hal ɛgyɛy de gbik nɛ nikɔn na nɛ nibhɛ ring ne seng ɛTaanggbey yegha, njwii ne yaak ninyi nɛ nibhɛ kyii ne icwas nibhɛ ndɔ ne roos ibol ɛKiriti de.

iGalatiya 1:14

Ɛ ta yɛɛ ɛn ɛli ne mee nggaa some ɛhaa ɛyisɛ yɛ ndɔ nitaay nge na daa ne ibol ne roos ikpii niYahodawa da, n da bok irway ne roos ikpii nikyɛɛ nikyɛɛ mos da.

iGalatiya 4:3

Ɛlɛy ne iphɛ ne so ne njwɛɛn no, ɛli ne njwɛɛn kɛ tɔ tɛ ninɔn na, njwɛɛn kaa so nikpuru daa ne igbɔm ne ikpabyik ɛzay da.

iGalatiya 4:9

ɛLyilyɛghaa wo ne ɛ kɛ ji seng ɛn ɛTaanggbey ririk, hang naa yɔng ɛTaanggbey ya kɛ seng nyini ririk yɔɔ. iKyee iphɛ kɛ ne te ɛ sim ɛn aa ta kyii ɛn ɛlɔ nigɔm ne ikpabyik ɛzay yɛghaa wo nɛ nibhɛ so buu wo nibhɛ sang kyi ta so ɛkɔn naa? iKyee phɛ te ɛ sim ɛn aa ta tes nyini nikpuru nibhɛ naa?

iGalatiya 5:15

Wu ɛ kɛ ne yaa lɛng ɛn nyini te inyam ɛhay de, ne ɛ wɛɛ ɛn nyini yɛnɛng, ɛlɔ ne aa bees ɛn nyini.

iFisus 2:2

Nten nɛdee nggyɛ wo ˆɛ kaa ne i roos ɛn icwas ɛzay yɛdaa wo nɛ, ˆɛ roos ɛn ɛShɛtan ne ne ɛ re igbɔm daa ikpabyik ɛzay ne i sang yaang. Ɛbhɛ ɛ soye ikabyik kɛdee nggyɛ wo ne iphɛ mɔn ɛtomɛ gha ndɔ ne irway nisang-phok.

iFisus 4:20

Sɔng ɛkɔn nɛghaa wo ne ˆɛ kɛ ne mɛmɛ ɛn nɛ daa ɛKiriti gha nang.

iFisus 5:6

Sɔng ɛdɛ ɛnyi gha luk nyini ne ivol ɛbuu da nang. Nzo ihywee nikɔn nɛnaa wo bhɛ hɔ njenjek ɛTaanggbey de daa nisang-phok ka.

iFilibi 3:2

Wɛɛ ɛn nyini yɛnɛng ɛlɔ ninyi nibebhe yɛnaa nggyɛ wo, ninyi na nɛ nibhɛ so tɛ nibabu na. Ninyi na nɛ nibhɛ bo wu iphɛ so nggbinggbing i hyɛ ɛhaa ne ɛ kɛ nang ne itin nɛ ne ɛDaray ya itee de.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iKɔlɔsi 2:20

ˆƐ kɛ ku ɛn ne ɛKiriti gha, kɛ ne phɔt nyini ndɔ ne ihwet ne ikpabyik ɛzay yɛdaa wo. iKyee iphɛ kɛ ne te ˆɛ shɛɛ ɛn te ˆɛ tɔɔ ɛn nyini ninaa ɛzay yaa? iKyee iphɛ kɛ te ˆɛ kɛ nang ɛn itso mon da daa ne ikpii ɛzay yɛdaa woo?

iKɔlɔsi 2:22

Gbik nikɔn nɛnaa wo so ninaa nɛ nibhɛ sɛ sa, daa ɛli ne kɛ see nibhɛ lenɛ ne ikpii ɛten ɛsii gbik ne imɛmɛ ɛbhɛ.

iKɔlɔsi 2:23

iHywee ne ikpii yɛdaa wo yang so te ifɛ bok ntsɛntsɛng, ɛli ne ifɛ i hante ne cwacwat ne roos ikpii da nɛ ninyi na i yɛɛset nɛ, nibhɛ ring itso nibhɛ ne phok iyɛnɛng ngge, nibhɛ ta i baasek ibek ɛbhɛ de nggbang ngga te tal nibhɛ wo. Sɔng ikpii yɛdaa wo ne bok ihwet ne ring ne ihyop ne ibek ge nang.

1 ɛTimɔti 6:20

ɛTimɔti, wɛɛ ɛkɔn na ne kɛ tek kɛ nɛ ne iwɔ wo yɛnɛng. Hosop pɛ ne ivol ɛbuu da ne ifɛ sang bok ɛnik ɛTaanggbey yo gbik ne ishamas ne iwamang ngge gbik nɛ ninaa nɛ nibhɛ bok iphup ne igyɛ wo nibhɛ ji yɔng wu iphɛ so ishweng ngga, kaabi irywɛɛk ga.

2 ɛTimɔti 3:13

Ninyi nibebhe na nɛ ninaa ne irywɛɛk ka ya ne i hanas ne bees en. Yaa i luk nibhɛ, nibhɛ ne maa luk ninyi na.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

iBirani 3:12

Nigwaa nge ninaa ne roos, wɛɛ ɛn nyini, sɔng ɛdɛ mon sim iyɔm ne ìnang ne itin de, ne irway ivebhe da te ɛbhɛ ɛ hyereey, ɛ tek ɛTaanggbey ne iken na nang.

1 ɛBiturus 1:18

Ɛɛ yɛɛ ɛn wu kɛ phɔt nyini ndɔ ne nkiinɛ ɛbebhe wo nɛ nikyɛɛ-nikyɛɛ mon na kaa sonɛ wo. Ɛɛ ne yɛɛ ɛn, sɔng kɛ ne say nyini ne ɛkɔn ɛyɔyɔk te izinariya ne ɛzurufa ne iphɛ phyɔngɔle iphɛ bees se nang.

2 ɛBiturus 3:17

iPhɛ ɛlɛy, nigwaa nge ne nzi sim, daa ɛli ne ɛ ku yɛɛ ɛn ɛlɛ wo, ne ɛ shɛɛ ɛn ɛkanang, ɛlɔ nɛ imɛmɛ ne irywɛɛk ne ninaa ne sang roos ikpii da yaa yung hɔ ihywɛɛ mon nibhɛ te nyini ɛ ho ɛn.

2 ɛYohana 1:8

Wɛɛ ɛn nyini yɛnɛng ɛlɔ ne ˆɛ sɛ yung wɔs ɛn ilong ɛtomɛ mɔn de, te yang bhɛ tal nyini ilong mon de hyɔrɔ.