iKɔlɔsi 2:5 - ɛWee ne ìTsɛm iHywas

⁵ Gbik ɛli ne n sang so ne nyinɛn ndɔ ne ibek ge, icwas nge ne so daa mon. Ne n bok irway ihwala gbom ɛli ne nzi phok ɛ kɛ kyinak ɛn ne ihwet da, ɛ yɛk ɛn irway nviit da ndɔ ne ìnang ne itin mon de ne ɛKiriti gha.

iKɔlɔsi 2:5 ပူးပေါင်းရင်းမြစ်များ

ɛTomɛ 2:42

Nibhɛ ne nang irway nibhɛ gbigbik daa nikɔn na ne ninɔn ne tom ma mɛmɛ nibhɛ nɛ wo, nibhɛ ne i byingis ìtsɛm, nibhɛ re ire ɛlɔ ɛdaan, nibhɛ ne jii roro.

ɛTomɛ 20:21

Nggɛ kpɛng niYahodawa na gbik nɛ ninyi na ne hame nibhɛ soye niYahodawa na, n nzi bo tɛ nibhɛ hyere irway nibhɛ ɛlɔ ɛTaanggbey nibhɛ san ɛbɔk nibhɛ nang ne itin nɛ ne ɛDaray njwɛɛn ɛYɛso gha.

1 iKɔrɔntos 11:34

Wu ɛnyi gha ne ɛ so kpyak, te nɛ ɛ re ire de ne ijwee ɛbhɛ ɛlɔ ne itumɛ mon da ya yung hɔ nyini ɛshara. Daa ɛbyin nikɔn na nang, sɛ sɛ̀ nggɛ yɛɛs nzɛ ne kyi tɔng nyini.

1 iKɔrɔntos 14:40

Te ne mɔn nikɔn na byirik ɛli ne iphɛ kɛ jam mɛ, nɛ ne nkiinɛ yɛ gbik.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

1 iKɔrɔntos 16:13

Shɛɛ ɛn ɛ ɛkanang, kyinak ɛn nting ndɔ ne ìnang ne itin mon de, rop ɛn irway te ɛ yɛk ɛn ihwet.

iKɔlɔsi 2:1

Nzi sim te ˆɛ sɛ seng ɛn ihywee ɛtomɛ de ne nzi kyangas me nɛ ɛlɔ mon na, nɛ ninyi ne iLɔdakiya na, gbik nɛ ninyi na ne hame nibhɛ kɛ ku yaang me wo.

1 iTasɔlɔnika 2:17

Nigwaa en, nten de ne kaa hobhose njwii nɛ nyinɛn no, ihobhose da ne ifɛ so ivaa ne ibek ga ifɛ sang so ivaa ne irway da, njwii ne has irway, njwi bok iyɔk kɛ te njwi sɛɛ yaang nyini ɛyisɛ ne ɛyisɛ.

1 iTasɔlɔnika 3:8

ɛLyilyɛghaa wo, njwi yaa ne hante ne te niken daa ɛli ne ˆɛ kɛ kyinak ɛn ne ihwet da ndɔ ɛDaray ya.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

iBirani 6:19

Sit ne irwisɛ njwɛɛn da ne so ngkangat te ɛgangat ne ɛ kɛ wum ivel gɛgɛy. iPhɛ ne te njwɛɛn sang to irway wɛlɛng ɛnik. iPhɛ ne bhɛ lel ndɔ ne ideng ngge, iphɛ phee ɛlɛbhɛlɛ gha, iphɛ bhɛ hɔn ɛlɔ ne shɛɛ ɛTaanggbey.

1 ɛBiturus 5:9

Sɔng ɛ nang ɛn ɛbhɛ ikɛk nang, kyinak ɛn gɛgɛy daa ne ìnang ne itin mon de, daa ɛli ne ɛɛ yɛɛ ɛn ninaa ne roos sa nɛ nibhɛ so ndɔ ɛzay ya gbik, nibhɛ ma sɔ nggbang ngga ɛli ne ɛ sɔ ɛn no.