iKɔlɔsi 2:3 - ɛWee ne ìTsɛm iHywas

³ Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

iKɔlɔsi 2:3 ပူးပေါင်းရင်းမြစ်များ

ɛMacu 10:26

“iPhɛ ɛlɛy, sɔng ne ɛ phok ɛn ɛnik nibhɛ wo nang, sɔng ɛkɔn sonɛ ne kɛ rɛɛ ɛbhɛ ne hame sɛ phaal nang, sɔng ɛkɔn ɛgying ne sonɛ ne hame sɛ seng ɛbhɛ nang.

ɛLuka 11:49

iPhɛ, iphɛ kɛ te ɛTaanggbey ya, ndɔ ne ntsɛntsɛng ɛbhɛ de, ɛ kaa boote ɛ yɔngɔ, “Naa tom nibhɛ nɛ niNabawa na, gbik nɛ ninɔn ne tom nge, nibhɛ sɛ ne bhɛ phobho nidɛng, nibhɛ ne ji baasek nidɛng nggbang.

iRooma 11:33

ɛTsak ntsɛntsɛng ɛTaanggbey de ne ishweng ɛbhɛ da sang ɛgak! iHyɛ ɛshara ɛbhɛ da ne phyin ihwet ne phɛl lɛ! Sɔng sɛɛ yɛɛ ne seng nikɔn na ne ɛ mɔn no nang.

1 iKɔrɔntos 1:24

Ɛlɔ ninyi na ne ɛTaanggbey ya kɛ yel-le wo inang, niYahodawa na gbik nɛ ninyi ne hame nibhɛ soye niYahodawa na, ibol lɛdee wo ne soye ɛKiriti ne ɛ so igbom ne ntsɛntsɛng ɛTaanggbey.

1 iKɔrɔntos 1:30

ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.

iFisus 1:8

iZɛɛng ngɛdee wo ne ɛ kɛ nang njwɛɛn walala ndɔ ne ntsɛntsɛng ne iseng ɛbhɛ ne ifɛ sang ɛgak.

iKɔlɔsi 1:19

Daa ɛli ne iphɛ so ɛTaanggbey yegha ɛkɔn ne irway ihwala ɛ shɛɛ ndɔ ɛYɛso gha hyɔrɔ ne iTaanggbey ɛbhɛ.

iKɔlɔsi 1:28

iPhɛ ɛlɛy, njwii ne tɔng ninyi na gbik ibol ɛKiriti de, njwii sin ninyi na itoro, njwii mɛmɛ nibhɛ nɛ ndɔ ne ntsɛntsɛng ne ɛTaanggbey kɛ nang njwii, te njwi nang ɛTaanggbey yegha ɛrɔngɔ hyɔrɔ tang ɛkɔn ne tok ndɔ ne ìtsɛm nibhɛ de ne ɛKiriti gha.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

iKɔlɔsi 3:3

Daa ɛli ne ˆɛ kɛ ku ku ɛn, kɛ ne rɛɛ iken mon de ne ɛKiriti gha ndɔ ɛTaanggbey.

2 ɛBiturus 1:5

iPhɛ ɛlɛy, ne ɛ mɔn ɛn ɛkɔn na ne aa yɛɛ ne mɔn ɛn te ɛ hante ɛn ne ìnang ne itin mon de ne iyɛnɛng, ɛ ji hante ɛn iyɛnɛng ngge ne iyɛɛ ɛTaanggbey ye.

Nikɔn ne kɛ Phaal 2:17

Gbik ɛnyi gha ne ɛ bok itoro, te ne ɛ tenes ɛkɔn na ne iKabyik ge i tɔng idira ninaa ne roos de. Gbik ɛnyi gha ne ɛ kɛ ne re ɛwɛng daa ne itsom mɛdee wo, naa ne nang ɛbhɛ idɛng ndɔ ne imana de ne kɛ rɛɛ wo. Naa ne ta nang ɛbhɛ ikɛɛ ihala ne kɛ haa ne irywɛɛk ifas ne hame ɛnyi iyɛɛ kang ne ɛnyi gha ne ɛ kɛ say iphɛ wo.