iKɔlɔsi 2:19 - ɛWee ne ìTsɛm iHywas

¹⁹ iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

iKɔlɔsi 2:19 ပူးပေါင်းရင်းမြစ်များ

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

1 iTasɔlɔnika 4:10

ɛTsak, nyinɛn ninaa ne ivel ne iMakyidɔniya na gbik, ɛrɔngɔ i sim ɛrɔngɔ. Gbik ne iphɛ ɛlɛy nigwaa en, njwii ne bok nyini te ˆɛ hante ɛn nɛ gbom.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFisus 5:29

Wɛlɛng ɛnyi gha ne ɛ kɛ ku mbaray ibek ɛbhɛ de. ɛNyi gha i yang sal ibek ɛbhɛ de, ɛ ryɔng iphɛ yɛnɛng ɛli ne ɛKiriti gha i ryɔng idira ninaa ne roos de.

iFisus 4:3

Mɔn ɛn gbik ɛkɔn na ne ˆaa mɔn ɛn te ˆɛ shɛɛ ɛn ishwɛɛ ne byinki ito da ne iKabyik ge ne kɛ nang nyini wo lenɛ ne irway ne laal da ne ifɛ kɛ byinki nyini wo.

iFisus 1:22

ɛTaanggbey ya kɛ ne tek nikɔn na gbik ndɔ ne ita ɛKiriti de, ɛ ta yɛk ɛbhɛ nɛ ɛ teye ito nikɔn na gbik te ɛ re igbɔm ɛ phyik idira ninaa ne roos de.

1 iKɔrɔntos 3:6

Mee nggɛ tubhus, ɛPolos sa ne ramas, ɛTaanggbey ɛbhɛ ne yɛk ngɛ ɛkɔn na ne kɛ tup po raras.

1 iKɔrɔntos 1:10

Nigwaa en, nzi roro ne nyinɛn ndɔ ne irywɛɛk ɛDaray njwɛɛn ɛYɛso ɛKiriti, nzi bo te ɛnu mon teye ɛdaan nɛ. Sɔng ɛ hosop ɛn nyini wo nang, yang byinki ɛn nyini te icwas mon te ijwaan nɛ, ivol mon ta te ijwaan nɛ.

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

ɛTomɛ 4:32

Gbik ninaa ne roos sa kaa ne ku bok irway ijwaan ne icwas ijwaan, sɔng ɛdɛng kaa bok ɛkɔn kang nang. Gbik ɛkɔn na ne ɛrɔngɔ bok ɛ kaa ne so ɛhaa nibhɛ ɛte.

ɛYohana 17:21

ɛTaa, nzi roro te gbik nibhɛ ne teye nidaan nɛ, ɛli ɛ so ndɔ nge de ma nzo ndɔ ne mo de. Tɛ nibhɛ shɛɛ ndɔ mos, te ɛzay ya ne nang ne itin nɛ wu igyɛ ɛ kɛ tom me.

1 iKɔrɔntos 11:3

ɛLyilyɛghaa wo, nzi ne sim te ɛ sɛ seng ɛn wu ɛKiriti gha ɛbhɛ ɛ so ɛndiinday ninyi na gbik, ɛras sa ɛbhɛ ne ɛ ma so ɛndiinday ɛkuk ɛbhɛ, ɛTaanggbey ɛbhɛ ne ɛ ma ji so ɛndiinday ɛKiriti gha.

iFisus 1:23

iDira ninaa ne roos de ne soye ibek ɛKiriti de. iDira ninaa ne roos de i ne te ɛKiriti yegha te hyɔrɔ ɛli ne ɛbhɛ wo ɛ kɛ shwaasek nikɔn na gbik ndɔ nilɔ na gbik ko.

iFisus 2:21

Ndɔ ɛKiriti gha ne kɛ wum ijwee wo gbik ɛlɔ ɛdaan, ndɔ ɛbhɛ ne ijwee wo kɛ ne hɔn ifɛ teye ideng ne kɛ tul ɛDaray ye nɛ kang.

ɛLuka 5:38

I yang banas iguut de ndɔ ne izong ne ifɛ tɔ ne ihwet!