iKɔlɔsi 2:13 - ɛWee ne ìTsɛm iHywas

¹³ ˆƐ kaa so ɛn nyini ikpom ɛlɔ ne ɛfɔt mon no gbik ne iyɔm ne hyɛ itee ne tul nyini ndɔ ne ishwɛɛ ne ibek ge, ɛTaanggbey ya ne yiisik nyini niken nɛ ndɔ ɛKiriti gha, ɛtsim mɛ ne ɛ kɛ hana njwɛɛn ne ɛfɔt njwɛɛn no.

iKɔlɔsi 2:13 ပူးပေါင်းရင်းမြစ်များ

iFisus 2:1

Ne ile de, ˆɛ kaa so ɛn ikpom ndɔ ne ikabyik lenɛ ne ˆɛ kɛ ben ɛn ikpii ɛTaanggbey da nɛ ɛ mɔn ɛn ɛfɔt.

iRooma 8:11

Wu iKabyik ɛTaanggbey de, ne iphɛ kaa yiisik ɛYɛso yegha tsik ne ikpuu da, i shɛɛ ndɔ ne irway mon da, ɛnyi gha ne ɛ kaa yiisik ɛKiriti yegha tsik ne ikpuu da sɛ ne ma nang ibek mon de ne iphɛ soye idee ne iku de iken de, lenɛ ne iKabyik ɛbhɛ de ne iphɛ shɛɛ ndɔ ne irway mon da.

2 iKɔrɔntos 3:6

Ɛbhɛ kɛ te njwi kɛ yɛɛ ne teye ninaa ɛtomɛ ne ibol ne ìtsɛm ihywas de ne kɛ rop po, izee ne sɔng i lenɛ ne ikpii ne kɛ haa nang, i yang lenɛ ne iKabyik, daa ɛli ne iKpii da ne kɛ haa wo i yɛɛs ne iku, iKabyik ge i ne nang iken.

iBirani 9:14

Neyi ɛKiriti na ne phyin neyi nikɔn nɛnaa nggyɛ wo gbom. Kɛ lenɛ ne iKabyik ne inat tɛdee nggyɛ wo ɛKiriti gha ne ɛ sang ɛkɔn ne tok ka ne nang ɛTaanggbey yegha ito ɛbhɛ gbik. ˆƐ kɛ mɔn ɛlɛ wo te ɛ kuus icwas ne irway njwɛɛn, te njwɛɛn tek nikɔn na nɛ nibhɛ aa sang phyik njwɛɛn no, njwɛɛn yaa re ɛTaanggbey ne iken na ntsong.

2 iKɔrɔntos 5:19

iBol mos de bo wu i lenɛ ne ɛKiriti gha ɛTaanggbey ya te ninyi na gbik nibhɛ tes en nitaay ɛbhɛ, sɔng ɛɛ ne tas ɛfɔt ninyi wo nang. Ɛ kɛ ne ta nang njwɛɛn ɛtomɛ ne tɔng ninyi na ibol ɛli ne aa te nibhɛ tes en nitaay ɛbhɛ na.

iFisus 2:11

iPhɛ ɛlɛy ne ˆɛ taate ɛn ɛli ne ˆɛ kɛ so ɛn ne ile de. Sɔng ˆɛ kaa so ɛn iyɛk niYahodawa da nang. niYahodawa na nɛ nibhɛ kaa i yeres itso nibhɛ ninaa ne hyɛghɛ icwee da kaa i yeres nyini ninaa ne sang hyɛghɛ icwee. Nzo ihyɛghɛ icwee yɛdaa wo ne so idee ne ibek ne i hyɛghɛ ne ibɔ.

ɛLuka 15:32

iPhɛ kɛ ne jam mɛ njwɛɛn tɔɔl irway ihwala ba, daa ɛli ne ɛgwaa mo gha kaa ku ɛ kɛ ne bhɛ kyii, ɛ kaa birit kɛ ne sɛ ɛbhɛ.’ ”

ɛLuka 15:24

Daa ɛli ne ɛNgɔn ngeghaa wo kaa ku, ɛ kɛ ne bhɛ kyii dɔng. Ɛ kaa birit, kɛ ne ta sɛ ɛbhɛ.” Nibhɛ ho ne ijɔwɔ de.

ɛYakub 2:26

iPhɛ ɛlɛy, ɛli ne ibek ge ne iphɛ sang ikabyik ge so ikom be, ɛlɛy ne ìnang ne itin de ne iphɛ sang nitomɛ na ne ma so ikom.

iFisus 5:14

Daa ɛli ne iwɛwɛy de iphɛ tɔɔsel nikɔn na gbik a ɛli nɛ nibhɛ so. iPhɛ phɛ kɛ te kɛ haa i bo, “Seme! iGyɛ wo ne ˆɛ so inwa da! Yilitsik ɛlɔ ne ikpom ba! ɛKiriti gha yaa ne tol lɛ.”

1 iKɔrɔntos 15:45

ɛLɛy ne kɛ haa ndɔ ne ɛWee ne iBol ɛTaanggbey i bo, “ɛDɛmu gha ne ɛ kaa so ɛnyi ɛyisɛ gha, kaa ryɔng ɛbhɛ i nang ɛbhɛ iken.” ɛDɛmu ɛtsim ma ne soye ikabyik ne iphɛ nang iken.

iRooma 6:13

Sɔng ɛ nang ɛn nilɔ ne ibek mon na ndɔ ne ɛfɔt to nibhɛ teye nikɔn ne mɔn ibebhe de nang. Yang nang ɛn ɛTaanggbey yegha ito mon gbik tɛ ninyi ne kɛ tul nibhɛ ndɔ ne iku i phɛ nɛ ndɔ ne iken. Nang ɛn ɛTaanggbey ye nilɔ ne ibek mon na tɛ nibhɛ teye nikɔn nitomɛ nicik.

1 ɛYohana 2:12

Nyinɛn ninɔn nge ne nzi sim, nzi haa nyini nɛ, daa ɛli ne kɛ hana nyini ne ɛfɔt mon no lenɛ ne irywɛɛk ɛYɛso.

1 iKɔrɔntos 15:36

iGyɛ ne iwamang! iPhɛ so nggbinggbing ɛkɔn na ne ɛ kɛ tup po ku nyɛɛn ɛ kyi wuru.

ɛYohana 5:21

ɛLi ne ɛKyɛɛ gha kyii tes ninyi na nɛ nibhɛ kɛ kus niken na, ɛlɛy ne ɛNgɔn na yaa ne tes ninyi na nɛ nibhɛ kɛ kus so niken ne mang.

ɛLuka 9:60

ɛYɛso gha ne kyii nɛ ɛ yaak ɛbhɛ, “Tek te ikpom ba rɛrɛs ikpom, igyɛ wo ne ɛ cwi ɛbhɛ tɔng ibol ne igbɔm ɛTaanggbey de.”

iBirani 6:1

iPhɛ ɛlɛy, ne ɛ njwɛɛn re ɛnu ɛyisɛ te hɔn ndɔ ne imɛmɛ ne ibol ɛKiriti de, te njwɛɛn tek tɔk ɛli ne yaa kyii ta mɛmɛ njwɛɛn ne ilwing ne ibol ɛTaanggbey de. Sɔng njwɛɛn kyi ta yaa tɔk ɛli sɛɛ phok ibol ne ilwing ne ibol ɛTaanggbey de ne iphɛ tɔɔsel njwɛɛn ɛli ne yaa san ɛbɔk ka i tek nikɔn nikpɛɛ na, ne ìnang ne itin de ne ɛTaanggbey ya nang.

1 ɛTimɔti 5:6

ɛKusang nga ne ɛ ne roos ɛnggɔnggɔɔt ɛzay yo zɔng ngo nang, ne ɛ ku soye ikom gbik ɛli ne ɛ kyi so ɛken na.

iRooma 4:17

Kɛ haa i bo, “Nggɛ yɛk kɛ nɛ ɛ teyɛ ɛkyɛɛ ne igbagha ɛzay yo gbom.” ɛBaraying nga so ɛkyɛɛ njwɛɛn ɛnu ɛyisɛ ɛTaanggbey ya. ɛTaanggbey ya ne ɛBaraying nga kɛ nang ne itin nɛ ne ɛbhɛ wo, ɛTaanggbey ya ne ɛ nang ninyi na nibhɛ kɛ kus so iken de, ɛ ta yɛk ne ɛkɔn na ne ɛ kɛ sang ku sonɛ wo ɛ te wo.

ɛYohana 6:63

iKabyik ɛTaanggbey de iphɛ phɛ so ɛkɔn na ne iphɛ nang iken; sɔng ibek bok ito ne nang iken nang. iVol da ne nggɛ ne bol ne nyinɛn no ne so ivaa ne iKabyik ɛTaanggbey ne ifɛ ne nang iken.

ɛYakub 2:20

iGyɛ niwamang ngo, ˆɛ sim te sɛ ji ta tɔɔrek kɛ wu ìnang ne itin de tang nitomɛ na so buu woo?

ɛYakub 2:17

Ɛlɛy ne ìnang ne itin de ne iphɛ sang tɔɔrek ghe ndɔ nitomɛ na ne so, iphɛ soye ikom mɛ.

1 ɛTimɔti 6:13

Nzi bol ne igyɛ ɛnu ɛyisɛ ɛTaanggbey ne ɛbhɛ ɛ naas nikɔn na iken de gbik ko gbik ne ɛnu ɛyisɛ ɛYɛso ɛKiriti ne ɛ kaa nang ishɛɛda iyɛnɛng ngge ɛnu ɛyisɛ ɛBilatus ɛBuntus sa.

iKɔlɔsi 2:12

ɛLi ne kaa yɛk nyini ne ibatisima de, iphɛ ne so te kɛ rɛɛ nyini ne ɛKiriti gha. Kaa ne ta lenɛ ne ibatisima de, ne yiisik nyini ne ɛbhɛ lenɛ ne ìnang ne itin mon daa ne ihwet ɛTaanggbey da ne ɛ kɛ yiisik ɛbhɛ ndɔ ne ikpuu da.