iKɔlɔsi 2:11 - ɛWee ne ìTsɛm iHywas

¹¹ Ndɔ ɛbhɛ dɔng ne kɛ ne hyɛ nyini ne itee de. Sɔng ne so ihywee ne idee ne i hyɛ ne iwɔ nang, yang so idee ne ɛKiriti gha kɛ hyɛ nyini nɛ lenɛ ne ɛ kɛ tul nyini ndɔ ne ishwɛɛ ne ibek ne iphɛ so ishwɛɛ ɛten ɛsii.

iKɔlɔsi 2:11 ပူးပေါင်းရင်းမြစ်များ

ɛMarakus 14:58

“Njwi kɛ phok ɛbhɛ ɛ bo, ‘Naa tobhos iDeng ngɛdee wo nɛ ninyi na kɛ lɔl lo ne nggyii ta lɔl idɛng, idee ne hame ɛten ɛsii sɛɛ lɔl, ndɔ ne tuk itwat.’ ”

ɛLuka 2:21

ɛTuk ɛnaras sɛ, ne yaa hyɛ ɛbhɛ itee, nibhɛ ne yaak ɛbhɛ ɛYɛso; irywɛɛk ko ne ɛMalɛka gha kaa ku nang ngo ɛli ne tang say isik ɛbhɛ de.

ɛTomɛ 17:24

“ɛTaanggbey ya ne ɛ kɛ ryɔng ɛzay ya nɛ nikɔn na nɛ nibhɛ sonɛ wo, ɛbhɛ so ɛDaray ɛzay ya ne ɛdaa ne irywa wo gbik. Sɔng ɛ ne shɛɛ ndɔ ne idweng nɛ niten nisii kɛ ryɔng nang.

ɛTomɛ 7:48

“Gbik ne phɛ ɛlɛy, sɔng ɛTaanggbey ɛdaa ne nyu ne irywa gha ne shɛɛ ndɔ ne idee nɛ niten nisii kɛ lɔl nang. Ɛli ne ɛnɛbi gha kɛ boote ɛ yɔngɔ,

iRooma 2:29

ɛYahodawa ne itin na so ɛnyi ne ɛ kɛ nang ɛTaanggbey irway ɛbhɛ gbik. iHyɛ itee ntin da ne so hyere irway lenɛ ne iKabyik ɛTaanggbey. Sɔng iphɛ so ibol ne hyep ɛkɔn ne kɛ haa ne ɛwee ɛShara zɔng nang. iHywee ɛnyi yɛdee nggyɛ wo ɛTaanggbey ɛbhɛ dɛp ɛbhɛ, sɔng ɛten ɛsii ɛbhɛ dɛp ɛbhɛ nang.

iRooma 6:6

Njwɛɛn i yɛɛ kɛ gangat irway ne ile njwɛɛn da ne ɛYɛso gha daa ne ihon no te phoo ihwet ne ɛfɔt da ne ɛbhɛ so ndɔ ne ibek njwɛɛn de. Kɛ mɔn ɛlɛ wo te njwɛɛn sang tɔye nikpuru ne ɛfɔt ta.

iRooma 7:24

Aa! Nggɛ ne te me ɛkɔn ne san iyɔm! ɛHay ɛbhɛ aa ne ji phɔt me ɛlɔ ne ibek kɛdee wo ne iphɛ phɛɛs ne me ndɔ ne iku dee?

2 iKɔrɔntos 5:1

Njwii yɛɛ, sɛ́ sɛ ipho yɛdee wo ne njwɛɛn sonɛ ndɔ ɛzay yɛghaa, kaabi ibek ge ne njwɛɛn bok ndɔ ɛzay yɛghaa wo, kɛ bees se; ɛTaanggbey ya ne ito ɛbhɛ sɛ ne ryɔng njwɛɛn ijwee daa ne irywa. Sɔng ɛten ɛsii bhɛ sɛ ryɔng ijwee yɛwoo nggyɛ wo nang, ifɛ sɛ soye ihoo ne inat.

2 iKɔrɔntos 5:17

iPhɛ ɛlɛy, gbik ɛnyi gha ne ɛ so ndɔ ɛKiriti gha ɛ kɛ ne teye ɛnyi ɛphas, nikɔn nitɛl la kɛ ne phebhe ɛ kɛ ne teye ɛphas sɛ!

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

iGalatiya 5:24

Ninyi na nɛ nibhɛ soye ninaa ɛYɛso ɛKiriti na, nibhɛ kɛ ne ku phoo ihyop ne bek nibhɛ de daa nikɔn ne ɛfɔt ta ne ibek ge sim mo gbik.

iFisus 4:22

iPhɛ ɛlɛy hana ɛn ishwɛɛ icwɛl mon da ne ˆɛ kaa i shɛɛ ɛn nɛ wo. iShwɛɛ icwɛl mon da ne ifɛ i bees ibek ge lenɛ ne iluk ga ne ibek ge i sim mo.

iFilibi 3:3

Njwɛɛn, njwɛɛn yang soye ninaa ne kɛ hyɛghɛ njwɛɛn icwee ne itin da. Njwɛɛn no ne njwɛɛn i re ɛTaanggbey yegha ntsong ngga lenɛ ne iKabyik Ɛbhɛ de. Njwɛɛn no ne njwɛɛn i hal ɛggyɛy ya ne ɛYɛso ɛKiriti gha. Njwɛɛn no ne njwɛɛn i sang hal ɛggyɛy ya daa ne ikpii ɛten ɛsii da ne i yaang ne irwisɛ da.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

iBirani 9:11

ɛKiriti gha kɛ yɛɛs ɛ soye ɛGɔm Nibo ɛTaanggbey. Ɛ kɛ ne yɛɛs nɛ nikɔn niyɛnɛng nga nɛ nibhɛ so ɛbɛ wo ɛlyilyɛghaa wo. Kaa ne sɛ ɛ kɛ yɛɛs ɛlɛ wo, ne ɛbhɛ lel ndɔ ne ipho de ne iphɛ phyin ne igbom, iphɛ ta phyin ne iyɛnɛng. Sɔng ɛten ɛsii ɛbhɛ kɛ ryɔng iphɛ nang, sɔng iphɛ ne so idee ɛzay yɛdee nang.

iBirani 9:24

Sɔng ɛKiriti gha kaa lel ɛLɔ gha ne kɛ Tul Kang i Shɛs ne ɛten ɛsii ɛbhɛ kɛ ryɔng nang. ɛLɔ gha ne ɛten ɛsii gha kɛ ryɔng ngo soye izazurum ninaa ɛdaa ne irywa de. ɛKiriti gha kɛ ne bhɛ lel daa ne irywa wo, te ɛbhɛ tɔɔrek ito ɛbhɛ ɛnu ɛyisɛ ɛTaanggbey ya ɛlɔ njwɛɛn ɛlyilyɛghaa wo.