iKɔlɔsi 2:1 - ɛWee ne ìTsɛm iHywas

¹ Nzi sim te ˆɛ sɛ seng ɛn ihywee ɛtomɛ de ne nzi kyangas me nɛ ɛlɔ mon na, nɛ ninyi ne iLɔdakiya na, gbik nɛ ninyi na ne hame nibhɛ kɛ ku yaang me wo.

iKɔlɔsi 2:1 ပူးပေါင်းရင်းမြစ်များ

ɛLuka 22:44

ɛYɛso gha kaa ne so ndɔ nggbang gbom ne ɛ hante ne roro ne ɛTaanggbey ya. iLong ne ɛbhɛ ne yaa wuusi iphɛ tongot tɛ ᐩihyɔn neyi.

ɛTomɛ 20:25

“ɛLyilyɛghaa wo nzi yɛɛ gbik mon no, ne nggɛ roos nyini n tɔng nyini ibol ne igbɔm ɛTaanggbey da, sɔng aa tang yaang ɛn mɛɛn nang.

ɛTomɛ 20:38

ɛKɔn na ne ɛ kɛ nang nibhɛ irway ishwii da gbom mo ɛ so ibol de ne ɛBulus sa kɛɛ yaak nibhɛ wu hang nibhɛ yaa tang yaang ɛbhɛ wo. Nibhɛ ne bhɛ hyeeng ɛbhɛ ɛlɔ gha ne aa bhɛ lel lɛ ɛgyirigyi inɛn na.

iGalatiya 4:19

Ninɔn nge! iBol mon de rɔ me te ɛli ne ɛngɔn i rɔ ɛkuk. Naa ne maa sɔ nggbang ngɛdaa wo bhɛ hɔn nten de ne yaa yaang ɛKiriti ndɔ mon no.

iFilibi 1:30

ɛLyilyɛghaa wo, ˆɛɛ ne ma sɔ ɛn ihywee ne nggbang ngga ne ˆɛ kɛ yaang ɛn nggɛ sɔ, ˆɛ ta phok ɛn ndɔ sɔ wo.

iKɔlɔsi 1:24

ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

iKɔlɔsi 1:29

ɛKɔn nɛghaa wo ɛbhɛ kɛ te nzi luu me, nzi kyangas me ne ihwet da ne ɛKiriti gha i naas me. iHwet da ne ifɛ mɔn ɛtomɛ ndɔ me wo.

iKɔlɔsi 2:5

Gbik ɛli ne n sang so ne nyinɛn ndɔ ne ibek ge, icwas nge ne so daa mon. Ne n bok irway ihwala gbom ɛli ne nzi phok ɛ kɛ kyinak ɛn ne ihwet da, ɛ yɛk ɛn irway nviit da ndɔ ne ìnang ne itin mon de ne ɛKiriti gha.

1 iTasɔlɔnika 2:2

Nyinɛn no ˆɛ yɛɛ ɛn ihywee ne nggbang ngga ne kɛ baasek njwii, ne ihywee ne towos da ne kɛ towos njwi ndɔ ne iFilibi nyɛɛn njwi kyi yɛɛs ɛlɔ mon na ne iTasɔlɔnika. Kaa baasek njwii nggbang, i bees njwi irway, gbik ne iphɛ ɛlɛy ɛTaanggbey mos sa ne phyik njwii, njwi ne te irway nviit njwi tɔng nyini iBol iYɛnɛng ngge ne iphɛ le ɛlɔ ɛbhɛ gha.

iBirani 5:7

Nten de ne ɛYɛso gha kaa ne so ndɔ ɛzay ya, ɛ kaa ne bol ne ɛTaanggbey ya ne ɛbhɛ ɛ so ɛhaa ne aa yɛɛ ne phɔt ɛbhɛ ɛlɔ ne iku de. Ɛ kaa ne bol, ɛɛ roro ne ishwin gbom nɛ niyilis. ɛTaanggbey ya kaa ne phok ɛbhɛ daa ɛli ne ɛ so ɛhaa ne nang ɛTaanggbey ye ne ndiinday, ɛɛ roos ɛbhɛ nɛ.

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”