iKɔlɔsi 1:7 - ɛWee ne ìTsɛm iHywas

⁷ ˆƐ kɛ phok ɛn ibol ne izɛɛng ɛTaanggbey de ɛlɔ ɛPafaras ne njwii sim ɛbhɛ, ɛtaay ɛtomɛ mos, ɛ so sɛ kyinak daa ne ibol ɛbhɛ ndɔ ɛtomɛ ɛKiriti gha. Ɛ kaa ne mɔn ɛtomɛ gha ne ncwincway mos gbik.

iKɔlɔsi 1:7 ပူးပေါင်းရင်းမြစ်များ

ɛMacu 18:29

ɛTaay ɛtomɛ ɛbhɛ gha ne ho ne irwa-nggburuk, ɛ roro ɛbhɛ ɛ yaak ɛbhɛ, ‘Bo me ɛbɔk, na tal lɛ ijam mo de gbik.’

ɛMacu 24:45

“ɛHay ɛbhɛ soye ɛkpuru ne itin na ne ɛhaa ne ntsɛntsɛng nga? ɛHaa ne ɛkyɛɛ ne ijwee ɛbhɛ gha sɛɛ tek ɛbhɛ ne ijwee wu te ɛ wɛɛ ɛbyin nikpuru gha, ɛ ji naas nibhɛ ire de nɛ nten nɛ woo?

ɛMacu 25:21

“ɛKyɛɛ ne ijwee ɛbhɛ gha ne yɔngɔ, ‘Yaa, ɛ soyɛ ɛkpuru ɛyɛnɛng ne ɛhaa ne itin ne ibol. Ɛ kɛ tɔɔrek itin nɛ daa ɛkɔn ɛncɛt, naa ne nang ngɛ nikɔn na gbom, yɛɛs te ɛ phyik me ne irway ihwala da!’

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

1 iKɔrɔntos 4:2

ɛKɔn na ne i sim ɛlɔ nikpuru na ne kɛ tek nibhɛ ne ɛtomɛ gha ndɔ ne iwɔ nibhɛ wo so ɛlɛ, tɛ nibhɛ so ninyi ne sɛ kyinak daa ne ibol nibhɛ.

1 iKɔrɔntos 7:25

Daa ne bol nikuk ge nɛ nibhɛ tɔ tang niras sa, sɔng ɛDaray ya kɛ mɔng me ibol nang. Gbik ne iphɛ ɛlɛy, nzi ne naas icwas nge te ɛnyi ne ɛ kɛ hɔn sɛ kyinak daa ne ibol ɛbhɛ lenɛ ne isan iyɔm ɛDaray de.

2 iKɔrɔntos 11:23

Wu nibhɛ so ninaa ne mɔn ɛtomɛ ɛKiriti, ne n phyin nibhɛ. Nzi bol te ɛhaa nisan! N phyin nibhɛ ne mɔn ɛtomɛ ɛKiriti gha, nggɛ sɔ nggbang gbom, kɛ robhos me ndɔ ne ijwee ne nyang, kɛ hal me gagak tang ɛgak, nggɛ wɛɛ iku gbom.

iFisus 5:21

Te ˆɛ ɛrɔngɔ nang ɛrɔngɔ ne ndiinday daa ɛli ne ˆɛ kɛ nang ɛ ɛKiriti yegha ne ndiinday de.

iFilibi 2:25

Nzi ne yaang iphɛ kɛ jam mɛ nggyi tom nyini ne ɛBafaratus se ne ɛ so ɛgwaa nge, ɛtaay ɛtomɛ nge, ɛsooja te me ne ˆɛ kɛ tom ɛn ɛbhɛ te ɛ phyik me wo.

iKɔlɔsi 4:12

ɛPafaras ne ɛ so ɛdaan ndɔ mon, ɛ ta soye ɛkpuru ɛYɛso ɛKiriti gha i kyiisi nyini. Ɛ kyangase ne bol ne ɛTaanggbey ya gbom ɛlɔ mon na te ɛ kyinak ɛn gɛgɛy ndɔ ne ìnang ne itin mon de, ɛ te ɛn hyɔrɔ ndɔ nikɔn na ne ɛTaanggbey ya sim gbik, wɛlɛng ito irway.

iKɔlɔsi 4:7

ɛTikyikus yaa tɔng nyini ibol nge gbik. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ, ɛtaay ɛtomɛ mos ndɔ ɛDaray ya.

iKɔlɔsi 4:9

Ɛ sɛ yaaso gbik ne ɛNisimos ne ɛ soye ɛhaa ɛlɔ mon. Ɛ so ɛgwaa mos ne njwii sim ɛbhɛ gbom, ɛnyi ne sɛ kyinak daa ne ibol ɛbhɛ. Nibhɛ sɛ ne tɔng nyini gbik nikɔn na nɛ nibhɛ tes ɛbɛ wo.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

2 ɛTimɔti 2:2

Gbik nɛ nikɔn na ne ˆɛ kɛ phok nzi bol ɛnu ɛyisɛ nishɛɛda ne gbom ma, te ˆɛ nang nikɔn nɛnaa wo ndɔ ne iwɔ ninaa nɛ nibhɛ so sɛ kyinak daa ne ibol nibhɛ de tɛ nibhɛ ma bhɛ mɛmɛ nidɛng ngɛ ne mang.

ɛFilimɔn 1:23

ɛPafaras sa ne kɛ rop njwii ne ɛbhɛ ndɔ ne nyang ngge ɛlɔ ɛYɛso ɛKiriti gha i kyiisi yɛ.

iBirani 2:17

iPhɛ ɛlɛy, iphɛ ne so nggbinggbing i ma te ɛbhɛ ɛ te tɛ nigwaa ɛbhɛ na ndɔ nikɔn na gbik, te ɛ teye ɛgɔm nibo ɛTaanggbey, ɛhaa ne ɛ so sɛ kyinak daa ne ibol ɛbhɛ, ɛhaa ne san iyɔm ndɔ ɛtomɛ gha ne ɛ mɔn ɛTaanggbey yegha nɛ wo, te ɛ teye ɛkɔn ne hap itsanga te ɛTaanggbey ya han ninyi ne ɛfɔt.

iBirani 3:2

Ɛ kaa so i sɛ kyinak daa ne ibol ɛbhɛ ɛlɔ ɛnyi gha ne ɛ kɛ nang ɛbhɛ ɛtomɛ gha, te ɛli ne ɛMuusaa gha kaa ma so i sɛ say ibol ɛbhɛ ndɔ ɛtomɛ ɛTaanggbey ya ne ɛ kaa mɔn ndɔ ninyi ɛbhɛ na.