iKɔlɔsi 1:5 - ɛWee ne ìTsɛm iHywas

⁵ Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iKɔlɔsi 1:5 ပူးပေါင်းရင်းမြစ်များ

ɛLuka 12:33

Lɛbhɛl ɛn nikɔn mon na gbik, te ɛ nang ɛn nihala. Aa ne ji sɛ ɛn irambak ne ijam ne hame iphɛ bees se, iryat ɛdaa ne irywa ne hame ihywɛ taal le, sɔng ninaa ɛyi ne bo nang, sɔng nzuu ne ta bees sang.

ɛTomɛ 10:36

Ɛ yɛɛ ɛn ibol de ne ɛ kaa tom niSɛrɛla na nɛ wo, iphɛ phɛ so ibol iyɛnɛng ne irway ne laal da ne ɛYɛso ɛKiriti gha kaa yɛɛs nɛ wo. ɛYɛso ɛKiriti gha ɛbhɛ ne ɛ so ɛDaray ninyi na gbik.

ɛTomɛ 13:26

“Nigwaa en, ninɔn ɛBaraying gbik ne nyinɛn no ne hame ɛ so ɛn niYahodawa na, ne ɛ re ɛn ɛTaanggbey yegha ntsong ngga, njwɛɛn ne kɛ tom njwɛɛn ne ibol ne phɔrɔt tɛdee wo.

ɛTomɛ 23:6

Ne sɛ ɛBulus sa kɛ seng wu itɔrɔng ngge kɛ byingis se nɛ niSadukyawa gbik nɛ niFarisawa na ne ɛ yinɛ izɔlɔs ɛbhɛ ɛ yɔngɔ, “Nigwaa nge, nzo me ɛdaan ndɔ niFarisawa na, ɛkyɛɛ nge so ɛdaan ndɔ niFarisawa na; i ne bol me ɛshara daa ɛli ne nggɛ yɛk irway nge ne yilitsik ne ikpuu.”

ɛTomɛ 24:15

Ne n bok iyɛk ne irway ijwaan nɛ ne ɛTaanggbey ɛli nɛ ninyi yɛnaa wo ma bok ko, nɛ nibhɛ bo wu sɛ yiisik tsik ninyi ne icik gbik nɛ ninaa nɛ nibhɛ sang so cik ne ikpuu.

iRooma 10:8

ɛWee ne bol ɛTaanggbey yo i bo: “iBol ɛTaanggbey de so cɛcɛk ne igyɛ, iPhɛ so ndɔ ɛnu mo, ne ndɔ ne irway mo dɔng.” iBol lɛdee wo ne so idee ne nang ne itin nɛ ne ibol de ne njwii sanga wo.

1 iKɔrɔntos 13:13

Nikɔn itwat tɛnaa wo ku sonɛ. Nibhɛ naa lɛ, ìnang ne itin nɛ, iyɛk ne irway, ne ishwim; ɛgbaang ngɛ gbik ndɔ nibhɛ wo ne soye ishwim ba.

1 iKɔrɔntos 15:19

Wu iyɛk ne irway njwɛɛn da ndɔ ɛKiriti gha so ivaa ne iyɛnɛng ndɔ ɛzay yɛghaa wo zɔng, njwɛɛn sɛ ne te en ɛkɔn ne san iyɔm i phyin ɛbyin ninyi na gbik.

2 iKɔrɔntos 5:19

iBol mos de bo wu i lenɛ ne ɛKiriti gha ɛTaanggbey ya te ninyi na gbik nibhɛ tes en nitaay ɛbhɛ, sɔng ɛɛ ne tas ɛfɔt ninyi wo nang. Ɛ kɛ ne ta nang njwɛɛn ɛtomɛ ne tɔng ninyi na ibol ɛli ne aa te nibhɛ tes en nitaay ɛbhɛ na.

2 iKɔrɔntos 6:7

ne ivol ne itin mos, gbik ne ihwet ɛTaanggbey. Njwi ne so cik, iphɛ ne so te ɛkɔn ne itsom ne njwi bok ne njwii hal ne irywen njwi ta kyɛngɛ ye nɛ.

iGalatiya 2:14

Ne sɛ nggɛ yaang ɛli nɛ nibhɛ sang roos itin de, ne nggu wuru ɛBiturus segha kpas ɛnu ɛyisɛ nibhɛ n yaak ɛbhɛ; “Yaang! Ɛ soyɛ ɛdɛng ndɔ niYahodawa na, sɔng ɛ ne mɔn te ɛnyi ne niYahodawa gha nang, aa ne mɔn ɛli ɛ yɛk ninyi na nɛ ne hame nibhɛ soye niYahodawa na nggbinggbing wu tɛ nibhɛ roos ikpii niYahodawa daa?”

iGalatiya 2:5

Sɔng njwi kaa ne roos ibol nibhɛ de nang, daa ɛli ne njwii sim te itin ne bol iyɛnɛng ngge sɛ shɛɛ ndɔ mon.

iGalatiya 5:5

Njwit to ne njwi shɛɛ ishwɛɛ ne iKabyik ga, njwi kɛ yɛk ne irway sɛ lenɛ ne ìnang ne itin ndɔ ɛKiriti gha; ɛTaanggbey ya say njwii wu njwi so cik ɛli ne ɛ kaa ku sim-mɛ wo.

iFisus 1:13

Kɛ lenɛ ne ɛKiriti gha, nyinɛn no ne hame ˆɛ so ɛn niYahodawa na, ˆɛ kɛ ne phok ɛn ibol ne itin de, kaabi iBol iYɛnɛng ne iphɔrɔt da. Nten de ne ˆɛ kaa nang ɛn ne itin nɛ ne ɛYɛso gha, ɛTaanggbey ya ne nang nyini iKabyik ɛbhɛ ɛli ne ɛ kaa ku sim nyini nɛ aa mɔn no. iPhɛ yaa ne teye ɛlamba ne ishɛɛda wu ɛ so ɛn ninaa ɛbhɛ.

iFisus 4:21

ɛTsak, ˆɛ kɛ phok ɛn ibol ɛbhɛ de, kɛ ne mɛmɛ nyini ne itin de ne i sɛ ndɔ ɛYɛso gha.

iKɔlɔsi 1:23

iPhɛ so nggbinggbing ˆɛ re ɛn ɛnu ɛyisɛ ndɔ ne ìnang ne itin mon de te ˆɛ kyinak ɛn nting daa ne itin nɛdee wo. Sɔng ɛ sim ɛn i sungki nyini, ˆɛ hana ɛn iyɛk ne irway yɛdaa wo ne ˆɛ kaa sɛ ɛn nten de ne ˆɛ kaa phok ɛn ibol iyɛnɛng ngɛdee wo nang. iBol iyɛnɛng ngɛdee wo ne kɛ sanga ndɔ nikɔn na ne kɛ ryɔng ngo, ne mee ɛBulus sa nggɛ te me ɛhaa ɛtomɛ yɛwo.

iKɔlɔsi 1:27

iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

1 iTasɔlɔnika 2:13

ɛKɔn nɛghaa wo ɛbhɛ kɛ te njwi ne tɔɔsel ɛTaanggbey yegha irway ihwala da cɛcɛɛy yo. Daa ɛli ne nten de ne njwi kaa nang nyini ibol ɛTaanggbey de, sɔng ˆɛ kaa ne say ɛn iphɛ te ibol ɛten ɛsii nang, ˆɛ kaa yang say ɛn iphɛ, iphɛ soye ibol ɛTaanggbey ne iphɛ mɔn ɛtomɛ ndɔ mon. Nyinɛn no ne ˆɛ kɛ nang ɛn ne itin nɛ wo.

2 iTasɔlɔnika 2:16

Te ɛDaray ɛYɛso ɛKiriti njwɛɛn na ne ito ɛbhɛ gbik ne ɛTaanggbey ya ne ɛ soye ɛKyɛɛ njwɛɛn na, ne ɛ kɛ sim njwɛɛn no, ɛ wɔrɔp njwɛɛn no, ɛ ta nang njwɛɛn iyɛk ne irway iywɛnɛng ngga, lenɛ ne izɛɛng ɛbhɛ de,

1 ɛTimɔti 1:15

iBol lɛdee wo ne so itin nɛ sɛ kyinak daa ne iphɛ, iphɛ kɛ hɔn sɛɛ say iphɛ gbik. iBol de ne iphɛ bo, “ɛYɛso ɛKiriti gha kaa yɛɛs ndɔ ɛzay ya te ɛ phɔt ninaa ne ɛfɔt.” Mee wo ne n bok ɛfɔt to n shɛs ndɔ ninaa ne ɛfɔt ta.

2 ɛTimɔti 4:8

ɛLyilyɛghaa wo, kɛ ne tek me ɛkɔn ne ito ne igbɔm ne ihywel cik ne ɛbhɛ ɛ so ilong nge. ɛDaray ya ne soye ɛhaa ne bol ɛshara ne ɛcik ka sɛ nang me ɛkɔn ne ito yɛghaa nggyɛ wo ɛTuk ɛDaray ya. Sɔng nɛ some zɔng nang, gbik nɛ ninyi na nɛ nibhɛ hyep nibhɛ has irway tɛ nibhɛ yaang ɛli ne ɛDaray yaa tɔɔl le wo.

ɛTitus 1:2

lenɛ ne iyɛk ne irway daa ne ibol ne iken ne inat de. ɛTaanggbey ya ne hame ɛ wul irywɛɛk ga kaa ku sim-mɛ ne iken nɛdee wo ɛli ne kɛ tang tum ɛzay ya.

iBirani 7:19

Sɔng iMɛmɛ ɛMuusaa da kaa hɔn ifɛ sɛ te ɛnyi ɛ te hyɔrɔ nang. ɛLyilyɛghaa wo kɛ ne ji yɛɛs ne ɛkɔn ne ɛ phyin ne njwɛɛn yaa sit irwisɛ da ɛbhɛ te i lenɛ ne ɛbhɛ njwɛɛn yɛɛs cɛcɛk ne ɛTaanggbey ya.

1 ɛBiturus 2:2

Te ne ɛɛ sak ɛn nyini ne ire ne ikabyik ge ɛli nɛ ninɔn nishesheng nga i sak ghe ne mbalas da, te ɛ hɔn ɛn ndɔ ne ìphɔrɔt mon da,

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

2 ɛBiturus 1:12

iPhɛ ɛlɛy, naa ne i tas nyini nɛ nikɔn nɛnaa wo cɛcɛɛy, gbik ɛli ne ɛ jung yɛɛ ɛn nibhɛ wo, ɛ kɛ ta kyinak ɛn gɛgɛy daa ne itin de ne ɛ kɛ say ɛn no.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.