iKɔlɔsi 1:3 - ɛWee ne ìTsɛm iHywas

³ Njwii tɔɔsel ɛTaanggbey ye ne ɛbhɛ ɛ so ɛKyɛɛ ɛDaray njwɛɛn ɛYɛso ɛKiriti gha irway ihwala, gbik nten de ne njwii bol ne ɛbhɛ daa mon no.

iKɔlɔsi 1:3 ပူးပေါင်းရင်းမြစ်များ

iRooma 15:6

Te gbik nyinɛn no ɛ te ɛ ɛnu ɛdaan ɛ dɛp ɛn ɛTaanggbey ye ne irway ijwaan ne ɛbhɛ so ɛKyɛɛ ɛDaray njwɛɛn ɛYɛso ɛKiriti.

1 iKɔrɔntos 1:4

Nzi ku tɔɔsel ɛTaanggbey nge irway ihwala cɛcɛɛy daa mon daa ne izɛɛng ngge ne ɛ kɛ nang nyini lenɛ ne ɛYɛso ɛKiriti gha.

2 iKɔrɔntos 1:3

Te dɛp ɛTaanggbey ye ne ɛ so ɛKyɛɛ ɛDaray ɛYɛso ɛKiriti njwɛɛn, ɛbhɛ so ɛTaa gha ne ɛ so hyɔrɔ ne san iyɔm, ne ɛTaanggbey ne wɔrɔp irway gbik.

iFisus 1:15

iPhɛ phɛ kɛ te, nten de ne nggaa phok ibol ne ìnang ne itin mon de ndɔ ɛDaray ɛYɛso gha gbik ne ishwim mon da daa ninyi ɛTaanggbey ya,

iFisus 6:18

Te nɛ i bol ɛn ne ɛTaanggbey cɛcɛɛy ɛli ne iKabyik ge i hyel ne nyinɛn. Bol ɛn ɛTaanggbey ya daa nikɔn na gbik ne ɛ sim ɛn. Shɛɛ ɛn ɛkanang te ˆɛ nang ɛn ihwet mon daa ne bol ne ɛTaanggbey ya daa ninyi ɛbhɛ.

iFilibi 4:6

Sɔng ˆɛ sap ɛn ɛkɔn nang. Yang mɔng ɛn ɛTaanggbey yegha gbik nikɔn na ne ˆɛ sim ɛn ndɔ ne ibol ne ɛbhɛ, roo ɛn ɛbhɛ ne irway ihwala.

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

iKɔlɔsi 1:9

iPhɛ phɛ kɛ te, kaa sɛ ɛtuk ka ne njwi kɛ phok ibol mon de, sɔng njwi kɛ ne kɔɔng nge i bol ne ɛTaanggbey ya ɛlɔ mon na nang. Njwii roro ne ɛTaanggbey ya wu te ɛ yɛk nyini ne ntsɛntsɛng ne iKabyik ɛbhɛ hyɔrɔ, te iphɛ te ˆɛ seng ɛn ɛkɔn na ne ɛ sim.

1 iTasɔlɔnika 1:2

Njwii tɔɔsel ɛTaanggbey ye irway ihwala cɛcɛɛy ɛlɔ mon na. Njwii yeres irywɛɛk mon ndɔ ne bol ne ɛTaanggbey ya.

2 ɛTimɔti 1:3

N bok irway ihwala ne ɛTaanggbey ɛhaa ne nzi mɔn ɛbhɛ ɛtomɛ gha ɛli nɛ nikyɛɛ-nikyɛɛ nge kɛ mɔn, izɔlɔs ne irway nge ne so tɔrɔk. Nzi tas ne igyɛ ne igbey ne ɛtuk gbik nten de ne nzi bol ne ɛTaanggbey ya.