iKɔlɔsi 1:27 - ɛWee ne ìTsɛm iHywas

²⁷ iCwas ɛTaanggbey da ne so tɛ ninyi ɛbhɛ na seng wu ɛkɔn ɛgying ngɛghaa wo ne ɛ soye iryat de ɛ bok ne ndiinday de ma so ɛhaa ninyi na ne hame nibhɛ so niYahodawa na. ɛKɔn ɛgying ngɛghaa wo ne so ɛlɛ, ɛKiriti gha so ndɔ mon, ˆɛ sɛ ne sɛ ɛn ihop ne ito-ndiinday ɛbhɛ de.

iKɔlɔsi 1:27 ပူးပေါင်းရင်းမြစ်များ

ɛYohana 14:20

ɛTuk kɛghaa nggyɛ wo, ɛ sɛ ne seng ɛn ɛli ne nzo ndɔ ɛKyɛɛ nge gha; ɛ ta seng ɛn ɛli ne ɛ so ɛn ndɔ me wo, ma nzo ndɔ mon no.

iRooma 8:10

Wu ɛKiriti gha ne shɛɛ ndɔ mon no, gbik ɛli ne ibek mon de ne so ne nkiinɛ ne iku wo lenɛ ne ɛfɔt to, iKabyik ɛTaanggbey de ne naas nyini iken daa ɛli ne ɛTaanggbey ya kɛ say nyini wu ɛ so ɛn cik.

1 ɛYohana 4:4

Nyinɛn ninɔn nge ne nzi sim, ˆɛ so ɛn nyini ninɔn ɛTaanggbey. ˆƐ kɛ re ɛn daa ninabawa ne irywɛɛk ka daa ɛli ne iKabyik ɛTaanggbey de ne iphɛ so ndɔ mon no phyin idee ninaa ɛzay de ne ihwet.

iGalatiya 2:20

Kɛ gangat me ne daa ne ihon no ne ɛKiriti gha. Sɔng mee ndɔ phɔng nang, ɛKiriti gha ne so ɛken ndɔ mee. Nzi ne shɛɛ ishwɛɛ ne ibek ga ndɔ ɛzay yɛghaa wo lenɛ ìnang ne itin ndɔ ɛNgɔn ɛTaanggbey ya ne ɛ kɛ sim me ɛ nang ito ɛbhɛ ɛlɔ mee.”

1 iKɔrɔntos 3:16

Ɛ doo ɛn ɛli ne nyinɛn no ne ito mon de ɛ so ɛn ideng ɛTaanggbey de ne iKabyik ɛTaanggbey de i shɛɛ ndɔ mon no naa?

Nikɔn ne kɛ Phaal 3:20

Mee woo bɛ nggɛ kyinak ɛnu ne izuk, nzi hal ɛnu ne izuk ka. Gbik ɛnyi gha ne ɛ kɛ ne phok izɔlɔs nge de ɛ phaal ɛnu ne izuk ka, naa ne lel, naa ne re ɛkyee ɛdaan nɛ ne ɛbhɛ, ɛ ma re ne mee.

ɛYohana 14:17

ɛHaa ne iPhyik ka ɛbhɛ so iKabyik ntin de ne aa phaal itin de. Sɔng ɛzay ya yaa ne yɛɛ ne say ɛbhɛ nang, daa ɛli ne sɔng ɛ yaang ɛbhɛ ɛ ta yɛɛ ɛbhɛ nang. Nyinɛn no nang ˆɛ yɛɛ ɛn ɛbhɛ, daa ɛli ne ɛ kɛ shɛɛ ndɔ mon no, aa ne ku i shɛɛ nɛ nyinɛn.

iGalatiya 4:19

Ninɔn nge! iBol mon de rɔ me te ɛli ne ɛngɔn i rɔ ɛkuk. Naa ne maa sɔ nggbang ngɛdaa wo bhɛ hɔn nten de ne yaa yaang ɛKiriti ndɔ mon no.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

1 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne iyɛk ngɛ ɛTaanggbey ne ɛ so ɛHaa ne phɔt njwɛɛn gbik ne ɛYɛso ɛKiriti ne ɛbhɛ ɛ so ɛhaa ne sit ne irwisɛ njwɛɛn.

iKɔlɔsi 2:3

Ndɔ ɛbhɛ ne kɛ rɛɛ ne iyɛnɛng ne ntsɛntsɛng ge ne ishweng ga gbik.

ɛYohana 14:23

ɛYɛso gha ne kyii nɛ ɛ yɔngɔ, “ɛNyi gha ne ɛ sim me wo, aa ne roos ibol nge de. ɛKyɛɛ nge gha yaa ne ma sim ɛbhɛ, njwi yaa yɛɛs njwi shɛɛ ne ɛbhɛ.

2 iKɔrɔntos 6:16

ɛYakɔn ɛbhɛ kɛ byinki ideng ɛTaanggbey de ne ɛlɔ ne ikpii ghaa? Njwɛɛn soye ideng ɛTaanggbey ɛhaa ne iken, te ɛli ne ɛTaanggbey ya kɛ boote ɛ yɔngɔ, “Naa shɛɛ ndɔ nibhɛ, ne n hyel ndɔ nibhɛ. Naa te me ɛTaanggbey nibhɛ, nibhɛ ne teye ninyi nge.

iKɔlɔsi 3:11

Ɛli ne ˆɛ kɛ bo ɛn ishwɛɛ ifas da, sɔng ihosop ne ta tɔ nɛ ndɔ mon no nang. niYahodawa nɛ ninaa ne hame nibhɛ soye niYahodawa, ɛhaa ne kɛ hyɛ ɛbhɛ itee ne ɛhaa ne hame kɛ hyɛ itee, ɛnyi ne ito iben, ne ɛhaa ɛhay nang, ne ɛkpuru ne ɛngɔn ne ijwee nang. Nibhɛ so ɛkɔn ɛdaan nɛ daa ɛli ne ɛKiriti gha ɛbhɛ bok nikɔn na gbik, ɛbhɛ ɛ ta so ndɔ njwɛɛn gbik.

ɛYohana 17:26

Nggɛ te nibhɛ seng ngɛ, naa ne maa i mɔn ɛlɛy te ishwim ba ne ˆɛ bok me nɛ wo ne ma so ndɔ nibhɛ, ne ma n so ndɔ nibhɛ ne mang.”

iFisus 2:22

Kɛ ne ta lenɛ ne ìtsɛm be ne ˆɛ bok ɛn ne ɛKiriti gha, ne lɔl nyini nɛ ɛbyin ninyi na ˆɛ te ɛn nyini ijwee ne ɛTaanggbey i shɛɛ nɛ lenɛ ne iKabyik ɛbhɛ.

ɛYohana 6:56

ɛHiha ɛnyi ne ɛɛ re ibek nge de ɛ ta i sɔ neyi nge na, ne ɛ so ndɔ mee, ma nzo ndɔ ɛbhɛ.

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFilibi 4:19

ɛTaanggbey ya ne nzi re ɛbhɛ ntsong ngga yaa ne nang nyini gbik nikɔn na ne ˆɛ tɔk ɛn ndɔ ne iryat ne ito-ndiinday ɛbhɛ ne ihywɛ le ɛlɔ ɛYɛso ɛKiriti.

iRooma 9:23

Ɛ kɛ ne mɔn ɛlɛ wo te ɛ tɔɔrek ndiinday ɛbhɛ de ne iphɛ so gbom mo daa ninyi na ne ɛ kɛ san iyɔm nibhɛ de, ninyi na ne ɛ kaa ku ryɔng ne ile de tɛ nibhɛ sɛ ndiinday ɛbhɛ de.

iRooma 5:2

Kɛ lenɛ ne ɛbhɛ ne njwɛɛn kɛ sɛ lel ndɔ ne izɛɛng ngɛdee wo lenɛ ne ìnang ne itin njwɛɛn da. iPhɛ ɛlɛy njwɛɛn ne bok irway ihwala daa ɛli ne njwɛɛn kɛ yɛk ne irway njwɛɛn sɛ so ndɔ ninaa nɛ nibhɛ so ndɔ ne ndiinday ɛTaanggbey de.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

2 iKɔrɔntos 4:17

Daa ɛli ne nggbang ncɛt tɛdaa wo ne mpɛ yaa sang phyɔngɔle wo yaa yɛɛs njwɛɛn ne ito-ndiinday ne inat gbom ne iphɛ phyin nggbang ngga ne njwii sɔ wo wu kɛ ten-nɛ.

ɛLuka 17:21

Sɔng ifɛ so ɛkɔn ne ɛnyi yaa yɔngɔ, ‘iFɛ baa bɛ, ifɛ daa gɔɔ ɛnggyɛ nang,’ daa ɛli ne ifɛ ku so ndɔ mon.”

ɛMacu 13:11

ɛYɛso gha ne kyii ne ɛ yaak nibhɛ, “Kɛ phaal nyini ɛduk ne igbɔm ɛTaanggbey da, sɔng kɛ ne ma phaal nibhɛ nɛ nang.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

iRooma 11:33

ɛTsak ntsɛntsɛng ɛTaanggbey de ne ishweng ɛbhɛ da sang ɛgak! iHyɛ ɛshara ɛbhɛ da ne phyin ihwet ne phɛl lɛ! Sɔng sɛɛ yɛɛ ne seng nikɔn na ne ɛ mɔn no nang.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

iBirani 6:19

Sit ne irwisɛ njwɛɛn da ne so ngkangat te ɛgangat ne ɛ kɛ wum ivel gɛgɛy. iPhɛ ne te njwɛɛn sang to irway wɛlɛng ɛnik. iPhɛ ne bhɛ lel ndɔ ne ideng ngge, iphɛ phee ɛlɛbhɛlɛ gha, iphɛ bhɛ hɔn ɛlɔ ne shɛɛ ɛTaanggbey.