iKɔlɔsi 1:24 - ɛWee ne ìTsɛm iHywas

²⁴ ɛlyilyɛghaa wo, ne n bok irway ihwala ɛlɔ ne nggbang ngga ne nzi sɔ ɛlɔ mon no. Daa ɛli ne yaa lenɛ ne nggbang ngɛdaa wo n shwaak ɛkɔn na ne ɛ kɛ mak ndɔ ne nggbang ngga ne ɛKiriti gha kaa sɔ ɛlɔ idira ninaa ne roos de nɛ nibhɛ soye ibek ɛbhɛ de.

iKɔlɔsi 1:24 ပူးပေါင်းရင်းမြစ်များ

iRooma 5:3

Sɔng ɛlɛ wo zɔng nang, njwɛɛn bok irway ihwala ndɔ ne nggbang ngga ne njwɛɛn i sɔ wo daa ɛli ne njwɛɛn i yɛɛ wu nggbang ngga i yɛɛs ne irway nviit.

2 ɛTimɔti 1:8

iPhɛ ɛlɛy, sɔng ne ˆɛ phok ncwa ne tɔng ibol ɛDaray ɛYɛso njwɛɛn de ne ncwa nge ne nzo ne inyang ngge ɛlɔ ɛDaray ɛYɛso gha nang. Yang byinki ito ne mee ndɔ ne nggbang ɛlɔ ne sanga ibol iyɛnɛng ngge, te ɛTaanggbey ya nang njwii ihwet tɛ.

iFilibi 3:10

Nzi sim te nzɛ seng ɛKiriti yegha yɛnɛng gbik ne ihwet da ne ifɛ kɛ yiisik ɛbhɛ ne ikpuu da. Nzi sim te nzɛ sɔ ihywee ne nggbang ngga ne ɛ kɛ sɔ wo, ne ihywee ne iku de ne ɛ kɛ ku wo.

2 iKɔrɔntos 7:4

Nggɛ cwaak nyini ndɔ ne irway gbom, nzi ne ta hal ɛgyɛy ne nyinɛn. Ɛ kɛ te ɛn mɛɛn itsɔngɔl gɛgɛy. Gbik ne nggbang ngga ne njwɛɛn i sɔ wo, sɔng irway ihwala nge da ne bok ɛgak nang.

iFisus 3:13

iPhɛ ɛlɛy, nzi ne roro ne nyinɛn, sɔng ˆɛ te ɛn kyɔkyɔt daa ne nggbang ngga ne nzi sɔ ɛlɔ mon na nang. Nggbang nge da so te iphɛ phyik nyini.

ɛYakub 1:2

Nigwaa en, bo ɛn nggbang ngga ne ˆɛ sɔ ɛn ihywee-ihywee de te mpɛ teye ɛkɔn ne irway ihwala,

iKɔlɔsi 1:18

ɛKiriti gha ɛbhɛ so ito ne idira ninaa ne roos de, nibhɛ ne soye ibek ɛbhɛ. Ɛbhɛ so ɛyisɛ yɛ, ɛbhɛ ne ɛ ta so ɛyisɛ yɛ ndɔ ninaa ne yilitsik ne ikpuu da, te ɛbhɛ teye ɛyisɛ ndɔ nikɔn na gbik.

ɛTomɛ 5:41

Ninɔn ne tom ma ne tek ɛnu ɛyisɛ nibhɛ gha ne ɛgbaang ne irway ihwala, daa ɛli nɛ nibhɛ yaang nibhɛ kɛ ma hɔn nibhɛ kɛ sɔ nggbang ngga da ne irywɛɛk ɛYɛso wo.

iFisus 3:1

ɛKɔn nɛghaa wo bhɛ kɛ te mee ɛBulus sa, nzo ne nyang, ɛlɔ ɛYɛso ɛKiriti te iphɛ phyik nyini, nyinɛn no ne ɛ sang so ɛn niYahodawa. Nzi ne bol ne ɛTaanggbey ya daa ne ito mon de.

iFisus 1:23

iDira ninaa ne roos de ne soye ibek ɛKiriti de. iDira ninaa ne roos de i ne te ɛKiriti yegha te hyɔrɔ ɛli ne ɛbhɛ wo ɛ kɛ shwaasek nikɔn na gbik ndɔ nilɔ na gbik ko.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

1 iKɔrɔntos 12:27

Gbik mon no ne ɛ sɔ ɛn nyini ibek ɛKiriti, ɛrɔngɔ ne soye ɛdɛ ɛlɔ ne ibek kɛ.

2 iKɔrɔntos 6:10

njwi bok irway ishwii, gbik ne iphɛ ɛlɛy, njwi ne so ne irway ihwala cɛcɛɛy. Njwi so nihala, gbik ne iphɛ ɛlɛy njwi kɛ ne tes ninyi gbom nibhɛ kɛ yɛk iryat. Sɔng njwi bok ɛkɔn nang, gbik iphɛ ɛlɛy nikɔn na gbik ne soye ninaa mos.

2 iKɔrɔntos 12:15

iPhɛ ɛlɛy naa ne phoo gbik ɛkɔn na ne n bok daa mon no ne irway ihwala, naa ma yung nang ito nge. Wu nzi ne sim nyini gbom ɛlɛ wo aa ne ji sim ɛn mɛɛn ncɛt bɛ?

ɛMarakus 10:39

Nibhɛ ne kyii ɛYɛso yegha nɛ nibhɛ yɔngɔ, “Ɛɛy njwi yaa yɛɛ nɛ.” ɛYɛso gha ne kyii nibhɛ nɛ ɛ yɔngɔ, “ˆƐ sɛ sɔ ɛn ndɔ ɛhyihyangas sa ne naa sɔ nɛ wo. Sɛ ne ma ta yɛk nyini ne ihywee ne ibatisima de ne yaa yɛk me nɛ wo.