iKɔlɔsi 1:21 - ɛWee ne ìTsɛm iHywas

²¹ ˆƐ kaa tsa ˆɛ so ɛn kyakyak ne ɛTaanggbey ya, ˆɛ so ɛn nyini ninaa ne iphup ɛbhɛ lenɛ ne icwas ivebhe nɛ nikɔn nibebhe ne ˆɛ mɔn ɛn.

iKɔlɔsi 1:21 ပူးပေါင်းရင်းမြစ်များ

iFisus 2:12

Taate ɛn nɛ, nten nɛdee nggyɛ wo, ˆɛ kaa hosop ɛn nyini ne ɛKiriti gha. Sɔng ˆɛ kaa bok ɛn ihop ɛkɔn ndɔ niSɛrɛla na nang. ˆƐ kaa so ɛn tɛ ninaa ne kpoo daa ne ibol ne rop ìtsɛm be ne ɛTaanggbey ya kɛ sim-mɛ wo. Sɔng ɛ kaa bo ɛn ɛkɔn ne ˆɛ kɛ sit ɛn ne irwisɛ nang, sɔng ɛ bok ɛn ɛTaanggbey ye ndɔ ɛzay yeghaa wo nang.

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iFisus 2:19

iPhɛ ɛlɛy yang, nyinɛn no ne ˆɛ sang so ɛn niYahodawa na, sɔng ne ˆɛ tɔ ɛn kyakyak tɛ ninaa ne kpoo nang, sɔng ne ˆɛ sang ihop daa ɛkɔn ninaa ɛTaanggbey ya nang. ˆƐ kɛ yang te ɛn nyini nidaan nɛ ne ninyi ɛTaanggbey ya, ninaa ne ijwee ɛTaanggbey ya.

iRooma 1:30

Nibhɛ so ninaa ne ivol ikpɛɛ, ninaa ne iphup ne ɛTaanggbey. Ninaa ne towos, ninaa ne tɔɔsek ito, ninaa ne hal ɛgyɛy, ninaa ne robhos ibebhe, nɛ ninaa nibhɛ sang phok ibol nikyɛɛ.

ɛYakub 4:4

Nyinɛn no ne ˆɛ kɛ sang kyinak ɛn daa ibol de ne ɛ kɛ sim ɛn ɛTaanggbey yegha nɛ wo! ˆƐ doo ɛn ɛli ne isaa de ne ɛzay ya soye iphup be ne ɛTaanggbey ya naa? Gbik ɛnyi gha ne ɛ kɛ kasa aa wum isaa de ne ɛzay ya, ɛ kɛ ne teye ɛhaa ne iphup ɛTaanggbey ya.

iFisus 2:15

Ɛ kɛ tek iMɛmɛ ɛMuusaa da ne ikpii yɛ gbik nɛ nikabhak kɛ gɔɔ, lenɛ ne iku ɛbhɛ, te ɛ kyii ryɔng icwaang ifas ndɔ itaang iphaa yɛdee nggyɛ wo. ɛLɛ wo ne ɛ kɛ ne yɛɛs ne irway ne laal ndɔ nibhɛ wo.