iKɔlɔsi 1:2 - ɛWee ne ìTsɛm iHywas

² Ɛbhɛ phɛɛs ɛlɔ ninyi ɛTaanggbey nɛ nibhɛ so ne iKɔlɔsi, nigwaa mos ndɔ ɛKiriti, nɛ nibhɛ so sɛ kyinak daa ne ibol nibhɛ. Te izɛɛng ɛKyɛɛ njwɛɛn ɛTaanggbey gbik ne irway ne laal ɛbhɛ shɛɛ ne nyinɛn.

iKɔlɔsi 1:2 ပူးပေါင်းရင်းမြစ်များ

ɛTomɛ 9:13

ɛHananiya gha ne kyii nɛ ɛ yɔngɔ, “ɛDaray, ninyi na gbom kɛ ku tɔng me ibol ɛnyi yɛdee nggyɛ wo, ɛli ne ɛ baasek ninyi mo na nggbang ngga ne iYɛrushɛlɛm be.

iRooma 1:7

Nyinɛn no ne ɛ so ɛn iRooma de ne ɛTaanggbey ya i sim nyini ɛ kɛ ta yel-le nyini te ɛ shɛɛ ɛn kang, Te izɛɛng ne irway ne laal ɛTaanggbey ne ɛ so ɛkyɛɛ njwɛɛn gbik ne ɛDaray ɛYɛso ɛKiriti shɛɛ ne nyinɛn.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

1 iKɔrɔntos 4:17

iPhɛ ɛlɛy nggɛ ne tom nyini ne ɛTimɔti ne ɛ soye ɛngɔn nge ndɔ ɛDaray ne nzi sim ɛbhɛ, ɛnyi ne sɛ kyinak daa ne ibol ɛbhɛ. Aa ne taate nyini ne ihywee ne ihywel da ne nggɛ hyel ndɔ ɛYɛso ɛKiriti gha ne ifɛ so kancɛng ne ɛkɔn na ne nzi tɔng nilɔ na gbik ndɔ ne idira ninaa ne roos sa.

iGalatiya 1:3

Te ɛTaanggbey ya ne ɛ soye ɛKyɛɛ njwɛɛn na ne ɛDaray ɛYɛso ɛKiriti gha nang nyini izɛɛng ne irway ne laal ɛbhɛ.

iGalatiya 3:9

iPhɛ ɛlɛy, gbik ninaa nɛ nibhɛ kɛ ne nang ne itin nɛ wo, sɛ ne ma sit nibhɛ ne ɛwɛng nga gbik ɛBaraying nga ne ɛ soye ɛhaa ne ɛ kɛ nang itin nɛ wo.

iFisus 1:1

ɛWee yɛwoo wo le ɛlɔ ɛBulus ne ɛ so ɛNgɔn ne tom ɛYɛso ɛKiriti lenɛ ne icwas ɛTaanggbey. ɛbhɛ phɛɛs ɛlɔ ninyi ɛTaanggbey ne iFisus nɛ nibhɛ so sɛ kyinak daa ne ibol nibhɛ daa ne ibol ne roos ɛYɛso ɛKiriti ye.

iFisus 6:21

Naa ne tom ɛTikyikus se, ɛgwaa mos ne njwii sim, ne ɛ mɔn ɛtomɛ ɛbhɛ gha ndɔ ɛDaray ɛli ne sɛ kyinak daa ne ibol ɛbhɛ. Aa ne tɔng nyini nikɔn na gbik, tɛ ne ˆɛ ma seng ɛn ncaang nge gbik ɛli ne nzo.

iFilibi 1:1

ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.

1 ɛBiturus 1:2

Nyinɛn no ne ɛTaanggbey ya ne so ɛTaa gha kaa ku i yɛɛ nyini ɛ kasa nyini ne ile lenɛ ne iKabyik ɛbhɛ de, ɛ tul nyini kang ɛ te ɛn nyini ninyi ɛbhɛ, te ɛ roos ɛn ɛYɛso ɛKiriti ye, ɛ sɛ ɛn iyɛnɛng daa ne neyi ɛbhɛ na ne ɛ kɛ lok ko. Te iyɛnɛng ne irway ne laal ɛTaanggbey shɛɛ ne nyinɛn cɛcɛɛy.

2 ɛBiturus 1:2

Te izɛɛng gbik ne irway ne laal ɛTaanggbey hɔn ndɔ mon gbom lenɛ ne iseng ne ɛ kɛ seng ɛn ɛTaanggbey ye gbik ne ɛDaray njwɛɛn ɛYɛso ɛKiriti.

ɛYahuza 1:2

Te ɛTaanggbey nang nyini irway ne san iyɔm, ne irway ne laal gbik ne ishwim gbom.

Nikɔn ne kɛ Phaal 1:4

ɛWee yɛwoo le ɛlɔ ɛYohana, ɛbhɛ phɛɛs ɛlɔ ne ijwira ninaa ne roos ɛniitaa na nɛ nibhɛ so ne ivel ne iSiya. Te izɛɛng ne irway ne laal ne ifɛ le ɛlɔ ɛTaanggbey shɛɛ ne nyinɛn. iZɛɛng ne irway ne laal ɛTaanggbey ya ne ɛ sonɛ ɛlyilyɛghaa. ɛHaa ne ɛ kaa ku sonɛ wo, ne haa ne ɛ se ta yaaso. Ne izɛɛng ne irway ne laal de ne ifɛ le ɛlɔ ne ikpabyik ɛniitaa da ne ifɛ so ɛnu ɛyisɛ ɛcuruu ne igbɔm ɛTaanggbey ya.