iKɔlɔsi 1:17 - ɛWee ne ìTsɛm iHywas

¹⁷ ɛKiriti gha ku sonɛ ɛyisɛ nikɔn na gbik, ɛbhɛ ɛ kɛ ne wum nikɔn na gbik.

iKɔlɔsi 1:17 ပူးပေါင်းရင်းမြစ်များ

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

ɛTomɛ 17:28

Daa ɛli ne ndɔ ɛTaanggbey ya ne njwɛɛn so niken, njwɛɛn i hyel, njwɛɛn i shɛɛ, ɛli nɛ nidɛng ninaa ne yaak ne ighel mon na bo, ‘Njwi soye ninɔn ɛbhɛ.’ ”

ɛYohana 17:5

ɛLyilyɛghaa wo ɛTaa, tɔɔrek ito-ndiinday daa mee, ito-ndiinday de ne nggaa ku bok ɛnu ɛyisɛ mo gha ɛli ne kaa tang ryɔng ɛzay ya.

ɛYohana 8:58

ɛYɛso gha ne yaak nibhɛ, “Nzi tɔng nyini itin nɛ, ɛli ne tang yɛk ɛBaraying nge gha, ‘Nggu Sonɛ.’ ”

Nikɔn ne kɛ Phaal 1:8

ɛDaray ɛTaanggbey ya bo, “Mee nzo me ɛHaa ɛYisɛ yɛ ne ɛHaa ɛTsim mɛ. Mee nzo ɛTaanggbey ya ne ɛ sonɛ ɛlyilyɛghaa, ɛhaa ne ɛ kaa ku sonɛ, ɛhaa ne ɛ sɛ ta yaaso, ɛHaa ne iGbɔm Gbik.”

iKɔlɔsi 1:15

ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.

Nikɔn ne kɛ Phaal 1:17

Ne sɛ nggɛ yaang ɛbhɛ, ne n ho ne ivel ɛnu ɛyisɛ ɛbhɛ te ikom. Ne ɛ ji bo iwɔ ne irwye ɛbhɛ ɛ dat me nɛ, ne ɛ yaak me, “Sɔng ɛ phok ɛnik ko nang, mee nzo me ɛYisɛ yɛ ne ɛTsim mɛ.”

iBirani 13:8

Sɔng ɛYɛso ɛKiriti gha i sunuuy nang. ɛLi ne ɛ kɛ so ne ɛryɛ, ɛlɛy ne ɛ so izenge, ɛlɛy ne aa ne ku i shɛɛ ishay-ishay.

Nikɔn ne kɛ Phaal 2:8

Haa ɛmalɛka ne idira ninaa ne roos ne iSimirina de nɛ te ˆɛ yaak nibhɛ, iBol lɛdee bɛ ne iphɛ le ɛlɔ ɛnyi gha ne ɛbhɛ ɛ so ɛYisɛ yɛ ne ɛTsim mɛ wo, ɛnyi gha ne ɛ kɛ ku ɛ kyii ta so ɛken na.

Nikɔn ne kɛ Phaal 1:11

iZɔlɔs de ne yaak me, “Haa ɛkɔn na ne ɛ yaang ngo ndɔ ne ɛwee te ɛ tom ijwira ninaa ne roos de nɛ nibhɛ so nilɔ ɛniitaa na. Tom idira ninaa ne roos ne iFisus nɛ, nɛ ninaa ne iSimirina nɛ, nɛ ninaa ne iBirigamu nɛ, nɛ ninaa ne iTiyatira, ne iSadis, ne iFiladafiya gbik ne iLɔdakiya nɛ.”