iKɔlɔsi 1:15 - ɛWee ne ìTsɛm iHywas

¹⁵ ɛKiriti gha soye izazurum ɛTaanggbey de ne hame i yɛɛ ne yaang ne irwisɛ. Ɛbhɛ soye ɛngɔn ɛkɔɔn ndɔ nikɔn na ne kɛ ryɔng ngo gbik.

iKɔlɔsi 1:15 ပူးပေါင်းရင်းမြစ်များ

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

ɛYohana 14:9

ɛYɛso gha ne kyii nɛ ɛ yaak ɛbhɛ, “Nggɛ maa phyɔngɔle ne nyinɛn ɛbɛ wo, ne ˆɛ maa tɔ tang seng me ɛFilibus see? Gbik ɛnyi gha ɛ kɛ yaang me ɛ kɛ ne yaang ɛKyɛɛ gha. Aa ne mɔn ɛli ɛ yɔng wu te n tɔɔrek nyini ɛKyɛɛ ngeghaa?

ɛYohana 1:1

ɛLi ne kaa tang ryɔng ɛzay ya, iBol de kaa ne ku sonɛ, iBɔrɔk ne iBol de kaa ne so ne ɛTaanggbey ya, iBɔrɔk ne iBol de kaa ne soye ɛTaanggbey ya.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

ɛYohana 1:18

Sɔng ɛnyi kɛ ku yaang ɛTaanggbey yegha nang. ɛNgɔn ɛDaan na ne ɛ soye ɛTaanggbey ya, ne ɛ so ɛlɔ ɛKyɛɛ gha, ɛbhɛ kɛ ne te njwɛɛn seng ɛli ne ɛTaanggbey ya so.

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

iFilibi 2:6

Gbik ɛli ne ɛ so ɛTaanggbey ya, sɔng ɛ kɛ ne bo iTaanggbey ɛbhɛ de te ɛkɔn ne aa wum gɛgɛy nang.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

iRooma 8:29

Ninyi na ne ɛTaanggbey ya kaa ku yɛɛ ne ile de ɛ kaa ku kasa nibhɛ tɛ nibhɛ te tɛ ɛNgɔn ɛbhɛ, te ɛNgɔn na ɛbhɛ ji teye ɛngɔn ɛkɔɔn nɛ ndɔ nigwaa ɛbhɛ na nɛ nibhɛ so gbom mo.

1 ɛTimɔti 1:17

Te ne nang ɛGɔm ne iNat ta ne ndiinday ne igbom cɛcɛɛy! ɛHaa ne ɛbhɛ ɛ soye ɛTaanggbey ya zɔng ngo, ɛhaa ne ɛ sang ɛgak ko, ɛhaa ne i sang yaang ɛbhɛ wo. Ɛɛy.

Nikɔn ne kɛ Phaal 3:14

Haa ɛmalɛka ne idira ninaa ne roos ne iLɔdakiya na nɛ te ɛ yaak nibhɛ, iBol lɛdee bɛ ne iphɛ lɛ ɛlɔ ɛnyi gha ne i yeres ɛbhɛ Ɛɛy ya, ɛshɛɛda gha ne ɛ so sɛ kyinak daa ne ibol ɛbhɛ de, ɛnyi gha ne ɛbhɛ ɛ bok igbɔm ba daa nikɔn na ne ɛTaanggbey ya kɛ ryɔng ngo.

iBirani 1:6

Kaa ne sɛ ɛTaanggbey ya yaa tom ɛNgɔn ɛkɔɔn ɛbhɛ gha ndɔ ɛzay ya, ne ɛ yɔngɔ, “Nggbinggbing nimalɛka na gbik re ɛbhɛ ntsong.”

1 ɛTimɔti 6:16

ne ɛbhɛ zɔng ne ɛ phyin ihwet ne iku. Ɛɛ shɛɛ ndɔ ne iwɛwɛy de ne hame ɛnyi sɛ yɛɛ ne phɛ cɛcɛk ne iphɛ. Ɛbhɛ ɛ soye ɛhaa ne hame ɛnyi kɛ ku yaang ɛbhɛ, ɛnyi i sang yɛɛ ne yaang ɛbhɛ. Te ne nang ɛbhɛ ne igbom gbik ne igbɔm ne sang taal le. Ɛɛy.

ɛYohana 15:24

Sɛɛ yɔng nggɛ sang mɔn nikɔn na ne ɛhak ɛnyi gha kɛ sang ku mɔn ndɔ nibhɛ wo, sɔng nibhɛ sɛɛ ne bok ɛfɔt to nang. Nibhɛ kɛ ne yaang nikɔn na ne nggɛ mɔn no, gbik ne iphɛ ɛlɛy nibhɛ kɛ ne mbaray mee nibhɛ ta mbaray ɛKyɛɛ nge gha.

ɛYohana 3:16

“Daa ɛli ne ɛTaanggbey ya kɛ sim ɛzay ya gbom mo nang, ɛ kɛ ne nang ɛNgɔn ɛDaan ɛbhɛ te gbik ɛnyi gha ne ɛ kɛ nang ne itin nɛ ne ɛbhɛ wo nang, sɔng aa ne ku nang, aa yang sɛ iken ne inat.

iKɔlɔsi 1:13

Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

iBirani 11:27

Kaa ne lenɛ ne ìnang ne itin de, ne ɛ tek ivel ne iMasad da tang ɛ sap njenjek ɛgɔm be. Ɛ kaa kyinak ne irway nviit da daa ɛli ne ɛ kaa yaang ɛkɔn na ne hame i yaang ne irwisɛ.