iKɔlɔsi 1:13 - ɛWee ne ìTsɛm iHywas

¹³ Ɛ kɛ tul njwɛɛn ndɔ ne igbɔm igbyik ɛ yɛɛs ne njwɛɛn ndɔ ne igbɔm ɛNgɔn ɛbhɛ ne ɛ sim.

iKɔlɔsi 1:13 ပူးပေါင်းရင်းမြစ်များ

ɛMacu 17:5

Kɛ ne sɛ ɛBiturus sa tɔ ndɔ ivol da, inɔp hala ne shii cwaal nibhɛ, izɔlɔs ne ji boote ndɔ ne inɔp be ihywɛ yɔngɔ, “Ɛngɔn nge gha wo, ɛbhɛ ne nzi ne sim, phok ɛbhɛ ɛn ɛbhɛ de.”

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛMacu 3:17

iZɔlɔs ne le dak ne irywa wo ihywɛ yɔngɔ, “ɛNgɔn nge gha wo ne nzi sim; n bok irway ihwala ne ɛbhɛ gbom.”

ɛLuka 13:24

“Maa Kyanke nyini nɛ, ɛ lel ɛn ɛnu ne izuk ɛnggbyak ka, daa ɛli nɛ ninyi na gbom sɛ tɔk tɛ nibhɛ sɛ nibhɛ lel ɛnggyɛ wo, sɔng nibhɛ sɛ ne yɛɛ nɛ nang.

ɛLuka 22:53

Nggɛ shɛɛ ɛbɛ wo nɛ nyinɛn ndɔ ne iDeng ngge cɛcɛɛy, sɔng ɛ kɛ ne ku yɔng aa wum ɛn mɛɛn nang. ɛLyilyɛghaa wo iphɛ ne ji so nten mon, nten de ne igbyik ge iphɛ i re igbɔm ba.”

ɛYohana 17:24

“ɛTaa! Ɛ kɛ nang me nibhɛ, nzi ne sim tɛ nibhɛ sɛ ɛbhɛ so ne mee ɛlɔ gha ne nzo nɛ wo, tɛ nibhɛ yaang ito-ndiinday nge idee ne ɛ kɛ nang me wo daa ɛli ne ɛ kaa ku sim me tang ryɔng ɛzay ya.

ɛYohana 3:35

ɛKyɛɛ ghaa sim ɛNgɔn na, ɛ kɛ ne nang ɛbhɛ igbɔm nikɔn na gbik.

ɛYohana 5:24

“Nzi tɔng nyini itin nɛ, gbik ɛnyi gha ne ɛ kɛ phok ibol nge de ɛ kyii ta nang ne itin nɛ ne ɛhaa ne ɛ kɛ tom me wo, ne ɛ bok iken ne inat. Sɔng i sɛ ne bol nibhɛ ɛshara nang; nibhɛ kɛ ku phee ibol ne iku de nibhɛ so ndɔ ne iken.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iRooma 14:17

Daa ɛli ne sɔng igbɔm ɛTaanggbey ba so daa ne ibol ne re i sɔ nang, ifɛ yang so daa ne ibol icik, ne irway ne laal, ne irway ihwala ne iKabyik ɛTaanggbey i naas.

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.

2 iKɔrɔntos 4:4

ɛShɛtan na ne i re ɛbhɛ ntsong ngaa, ne ɛbhɛ ɛ so ɛTaanggbey ne izam mɛghaa wo ne ɛ phebhe wo kɛ cwaal ninaa nɛ nibhɛ kɛ sang nang ne itin nɛ wo irway, tɛ nibhɛ sang yaang iwɛwɛy ne ito-ndiinday ne iBol iYɛnɛng ɛKiriti de ne ɛbhɛ soye izazurum ɛTaanggbey de.

iFisus 1:6

Ɛ kɛ mɔn ɛlɛ wo te njwɛɛn dɛp ito-ndiinday ne izɛɛng ɛbhɛ ne ɛ kɛ nang njwɛɛn walala lenɛ ne ɛNgɔn ɛbhɛ ne ɛ sim.

iFisus 4:18

iRway nibhɛ da so hyɔrɔ ne igbyik. Kɛ hosop nibhɛ ne iken de ne ɛTaanggbey ya i naas so daa ne iyɔm ne seng nɛ nibhɛ bok lenɛ ne ito ihet.

iFisus 5:5

Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iFisus 6:12

Daa ɛli ne sɔng njwɛɛn cwaasek en nɛ niten ne sii nang. Njwɛɛn i yang cwaasek en ne ikpabyik ivebhe ɛdaa ne irywa, nɛ nigɔm ne ikpabyik ivebhe da nɛ nibhɛ bok igbɔm ɛzay yɛdaa wo, gbik ne ikpabyik ivebhe ne ifɛ i hyel daa ne igbil.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

iBirani 2:14

ɛLi nɛ ninɔn na so inwam ba nɛ neyi na, ɛYɛso gha kɛ ne ma teye ɛten ɛsii tɛ nibhɛ. Ɛ kɛ mɔn ɛlɛ wo te ne lenɛ ne iku ɛbhɛ de ɛ bunga ɛnyi ne ɛ bok igbɔm ne iku da, kaabi ɛShɛtan na.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

1 ɛYohana 2:8

Gbik ne iphɛ ɛlɛy, nzi ne haa nyini ikpii ifas, daa ɛli ne i yaang itin ne ifɛ ndɔ ɛKiriti gha gbik ne nyinɛn, igbyik ge i taasel le, ɛwɛwɛy ne itin de kɛ ne tsa itol.

1 ɛYohana 3:14

Njwɛɛn i yɛɛ kɛ ku phee iku de, so niken daa ɛli ne njwɛɛn i sim nigwaa njwɛɛn. ɛNyi gha ne ɛ ne sang sim ɛgwaa ɛbhɛ gha, ne ɛ tɔ shɛɛ ishwɛɛ ne iku de.

1 ɛYohana 3:8

Gbik ɛnyi gha ne ɛ re ɛnu ɛyisɛ ne mɔn ɛfɔt to, ɛ soye ɛhaa ɛShɛtan, daa ɛli ne ɛShɛtan na kaa ku mɔn ɛfɔt to ne ile ne ɛtum mɛ. ɛKɔn na ne ɛ kɛ te ɛNgɔn ɛTaanggbey ya yɛɛs ɛzay ya so te bunga nitomɛ ɛShɛtan na.