iKɔlɔsi 1:12 - ɛWee ne ìTsɛm iHywas

¹² Nzi bol ne ɛTaanggbey ya te ˆɛ tɔɔsel ɛn ɛTaa yegha irway ihwala daa ɛli ne ɛbhɛ kɛ te njwɛɛn kɛ hɔn sɛ ma yɛk ne ihop njwɛɛn ne isha de ne kɛ ryɔng ninyi ɛbhɛ na nɛ, nɛ nibhɛ so ndɔ ne igbɔm iwɛwɛy da.

iKɔlɔsi 1:12 ပူးပေါင်းရင်းမြစ်များ

ɛMacu 25:34

“ɛNggyɛ wo, ɛgɔm ma sɛ ne ji yaak ninaa nɛ nibhɛ so ne iwɔ ne irwye ɛbhɛ wo, ‘Yɛɛs ɛn ɛKyɛɛ nge gha kɛ ku sit nyini ne ɛwɛng; ngga ɛn isha mon de, igbɔm ba ne kɛ ku ryɔng nyini nɛ wo nten de ne kaa ryɔng ɛzay ya.

ɛYohana 14:6

ɛYɛso gha ne kyii nɛ ɛ yaak ɛbhɛ, “Mee nzo ɛnkiinɛ wo ne itin de gbik ne iken de. Sɔng ɛnyi yaa phɛ ɛlɔ ɛKyɛɛ gha tang roos ɛlɔ nge gha nang.

ɛYohana 20:17

ɛYɛso gha ne yɔngɔ, “Sɔng ɛ wum me nang, daa ɛli ne nggyi tɔ tang kyii mbɛ daa ɛlɔ ɛkyɛɛ gha. Yang cwi ɛlɔ nigwaa nge na ɛbhɛ mɔng nibhɛ ɛ yaak nibhɛ, ɛYɛso gha bo, ‘Naa kyii daa ɛlɔ ɛKyɛɛ ngɛ gha ne ɛ ma so ɛKyɛɛ mon na, ɛlɔ ɛTaanggbey nge gha ne ɛ ma so ɛTaanggbey mon na.’ ”

ɛYohana 4:23

Gbik ne iphɛ ɛlɛy nten ne yaaso, iphɛ kɛ ma yung ku tuu, nɛ ninaa ne re ntsong ntin da sɛ re ɛTaa yegha ntsong ngga nɛ ntin nɛ gbik ikabyik, daa ɛli ne ihywee ninyi yɛdee nggyɛ wo ne ɛTaa gha i tɔk.

ɛTomɛ 20:32

“ɛLyilyɛghaa wo, nzi ne bo te ɛTaanggbey hyep nyini. Te bol ne izɛɛng ɛbhɛ de hyep nyini, te iphɛ nang nyini ihwet iphɛ yɛk ngɛ ɛwɛng ɛbhɛ sɛ nyini, ɛwɛng nga ne ɛ sɛ teye isha ninaa ne roos ɛbhɛ na.

ɛTomɛ 26:18

te ɛbhɛ phaal nibhɛ irwisɛ tɛ nibhɛ tek igbyik ge nibhɛ yɛɛs ne iwɛwɛy, nibhɛ tek igbɔm ɛShɛtan da nibhɛ yɛɛ ne igbɔm ɛTaanggbey. Te ne hana nibhɛ ne ɛfɔt nibhɛ wo nibhɛ sɛ ɛwɛng nga ne sɛ nang gbik ninaa nɛ nibhɛ kɛ te ne iwɛwɛy ya daa ɛli nɛ nibhɛ kɛ nang ne itin nɛ wo.’ ”

iRooma 11:17

Kɛ ne hyɛghɛ ɛbyin ne ilaak ɛphaa de ne kɛ tup i ryɔng ne ji bo ilaak ɛphaa ne ɛ kɛ wuru ɛhay i sang ryɔng ɛbhɛ, i byinki ne ɛphaa gha ne kɛ tup po ɛli ne i rop ɛlɛɛmu ɛwɛrɛ. Nyinɛn no ne hame ɛ so ɛn niYahodawa na ne ɛ so ɛn te ilaak ɛphaa ɛhay de, nyinɛn ne kɛ ne byinki ne itin nɛdee nggyɛ wo. Kaabi i bokɛ byinki nyini nɛ niYahodawa na ninaa ne lenɛ nɛ nibhɛ ɛ sɛɛs ɛn Niwɛng ɛTaanggbey ya.

iRooma 15:27

Ninyi ne iMakyidɔniya na kɛ mɔn ɛlɛ wo ndɔ ne irway ihwala, ibol lɛ kaa yung so nibhɛ nggbinggbing. Wu ninyi na ne hame nibhɛ so niYahodawa na kaa sɛ ɛwɛng ne iKabyik ɛlɔ niYahodawa na, iphɛ kɛ ne te nibhɛ nggbinggbing nibhɛ ma phyik niYahodawa na nɛ Niwɛng nikɔn iryat ta nɛ nibhɛ kɛ ma sɛ wo.

iRooma 8:17

ɛLyilyɛghaa wo, wu njwɛɛn ne soye ninɔn ɛTaanggbey ya, njwɛɛn sɛ ne ma sɛ Niwɛng nga ne ɛ sɛ nang ninyi ɛbhɛ na, njwɛɛn sɛ ne ma ta sɛ Niwɛng nga ne ɛTaanggbey ya kɛ tek ɛKiriti yegha nɛ wo. Wu njwɛɛn kɛ sɔ nggbang ngga gbik ne ɛKiriti gha, sɛ ne ma ta bak njwɛɛn ndiinday ɛbhɛ de.

iRooma 9:23

Ɛ kɛ ne mɔn ɛlɛ wo te ɛ tɔɔrek ndiinday ɛbhɛ de ne iphɛ so gbom mo daa ninyi na ne ɛ kɛ san iyɔm nibhɛ de, ninyi na ne ɛ kaa ku ryɔng ne ile de tɛ nibhɛ sɛ ndiinday ɛbhɛ de.

1 iKɔrɔntos 8:6

gbik ne iphɛ ɛlɛy, ɛlɔ njwɛɛn na, ɛTaanggbey ya ne so ɛdaan. Ɛbhɛ ɛ so, ɛTaa gha ne ɛ kɛ ryɔng nikɔn na gbik, ɛhaa ne ishwɛɛ njwɛɛn da lenɛ ne ɛbhɛ, ɛDaray ya ta so ɛdaan, ɛbhɛ ɛ so ɛYɛso ɛKiriti gha ne kɛ lenɛ ne ɛbhɛ i ryɔng nikɔn na gbik, i ta lenɛ ne ɛbhɛ njwɛɛn sonɛ wo.

1 iKɔrɔntos 9:23

Nggɛ mɔn ɛlɛ wo gbik ɛlɔ ne bol iyɛnɛng ngge, te nzɛ ɛhaa nge ɛwɛng ndɔ ne sanga ibol iyɛnɛng ngge.

2 iKɔrɔntos 11:14

Sɔng iphɛ ne so ɛkɔn ne kparat nang, daa ɛli ne ɛShɛtan na ma mɔɔng ɛ hyereey te ɛmalɛka ɛwɛwɛy.

2 iKɔrɔntos 5:5

ɛTaanggbey ya ne ito ɛbhɛ, ɛbhɛ kɛ ryɔng njwɛɛn ìsunu yɛdaa wo. Ɛ kɛ nang njwɛɛn iKabyik ɛbhɛ te njwɛɛn seng ncɛncɛng wu ɛ sɛ shwaak ɛkɔn na ne ɛ kɛ ku sim njwɛɛn nɛ wo.

iFisus 1:11

Ndɔ ɛKiriti gha ne kɛ kasa njwɛɛn nɛ te njwɛɛn teye ninyi ɛTaanggbey ya. Kaa ne ku kasa njwɛɛn no lenɛ ne iyɔngɔ ɛbhɛ, ɛbhɛ wo ne ɛɛ mɔn nikɔn na gbik ɛli ne icwas ɛbhɛ da so wo.

iFisus 1:18

Nzi ne ta bol ne ɛTaanggbey ya wu te irwisɛ ne irway mon phaal le te ˆɛ seng ɛn ìyɛk ne irway yɛdaa wo ne ɛ kɛ yel-le nyini nɛ wo, ˆɛ ta seng ɛn iryat de ne ihywɛ so gbom ndɔ isha de ne ɛ kɛ sim ninyi ɛbhɛ na nɛ wo.

iFisus 2:18

Daa ɛli ne i lenɛ ne ɛKiriti gha njwɛɛn itaang ifaa de, niYahodawa na nɛ ninaa nɛ nibhɛ sang so niYahodawa na i yɛɛ ne lel ɛnu ɛyisɛ ɛTaanggbey ya ne ɛ so ɛTaa gha ne ɛnkiinɛ ɛdaan nɛ, kaabi iKabyik ge.

iFisus 3:6

ɛKɔn ɛgying ɛTaanggbey ya so ɛlɛ, te lenɛ ne iBol iYɛnɛng ɛYɛso ɛKiriti de, tɛ ninaa nɛ nibhɛ sang so niYahodawa na teye ninaa ne re isha ɛTaanggbey de gbik nɛ niYahodawa na. Nibhɛ teye ibap ne ibek idaan nɛ, nibhɛ sɛ ihop ndɔ ɛkɔn na ne ɛTaanggbey ya kɛ sim-mɛ lenɛ ne ɛKiriti gha.

iFisus 4:6

ɛTaanggbey ɛdaan, ɛbhɛ ɛ soye ɛKyɛɛ ninyi na gbik, ɛDaray gbik, ɛɛ mɔn ɛtomɛ ndɔ nikɔn na gbik, ne ɛ so ndɔ nikɔn na gbik.

iFisus 5:11

Hosop ɛn nyini nɛ nitomɛ ndɔ gbyik ka nɛ nibhɛ i sang yɛk ikpam ba. Yang phaal ɛn nibhɛ kpas.

iFisus 5:20

Tɔɔsel ɛn ɛTaanggbey ye ne ɛ so ɛTaa irway ihwala cɛcɛɛy, daa nikɔn na gbik ndɔ ne irywɛɛk ɛDaray njwɛɛn ɛYɛso ɛKiriti.

iFisus 5:4

Sɔng ne ta phok ivol ikpɛɛ, ne iwamang gbik ne iyɔm ncwa ndɔ mon no nang, daa ɛli ne sɔng nikɔn nɛnaa wo so kancɛng ne ishwɛɛ ninaa ɛTaanggbey da nang. Yang i tɔɔsel ɛn ɛTaanggbey yegha irway ihwala.

iFisus 5:8

Ne ile de ˆɛ kaa tsa ˆɛ so ɛn ndɔ gbyik, ɛlyilyɛghaa wo, ˆɛ kɛ ne sɛ ɛn iwɛwɛy lenɛ ne ɛDaray ya. iPhɛ ɛlɛy, ne ˆɛ shɛɛ ɛn ishwɛɛ ninaa ne iwɛwɛy da.

iKɔlɔsi 2:2

Nzi mɔn ɛkɔn nɛghaa wo tɛ nibhɛ te itsɔngɔl gɛgɛy, nibhɛ teye nidaan nɛ ndɔ ne ishwim. Tɛ nibhɛ seng ɛTaanggbey yegha hyɔrɔ wɛlɛng ito irway. Nibhɛ sɛ ishweng ne ihywɛ soye iryat ne ihywɛ shɛs gbik. iShweng ngɛdaa wo yaa ne phyik nibhɛ, nibhɛ seng ɛkyukyum ne ibol igying ɛTaanggbey de ne kaa ku rɛɛ wo, kaabi ɛKiriti gha.

iKɔlɔsi 3:15

Te irway ne laal ɛKiriti da hyel ne nyinɛn ndɔ nikɔn na ne ˆaa mɔn ɛn gbik, daa ɛli ne kɛ lenɛ ne irway ne laal lɛdaa wo ɛTaanggbey ya yel-le nyini ndɔ ne ibek idaan. Te ɛ te ɛn nyini ninaa ne tɔɔsel ɛTaanggbey yegha irway ihwala.

iKɔlɔsi 3:17

Gbik ɛkɔn na ne ˆɛ mɔn ɛn, hang ivol yɔɔ, hang ɛtomɛ yɔɔ, mɔn ɛn ndɔ ne irywɛɛk ɛDaray ɛYɛso, ˆɛɛ tɔɔsel ɛn ɛTaanggbey ye ne ɛ so ɛTaa irway ihwala lenɛ ne ɛYɛso gha.

ɛTitus 2:14

ɛYɛso ɛKiriti gha ɛbhɛ kɛ nang ito ɛbhɛ te ɛ phɔt njwɛɛn ndɔ ne ibebhe de, te ɛ kɛ ne kuus njwɛɛn, te njwɛɛn teye ninyi ɛbhɛ zɔng, niwɛwɛy yɛ, njwɛɛn has irway ne mɔn nikɔn niyɛnɛng.

iBirani 12:23

ˆƐ kɛ yɛɛs ɛn ɛlɔ ne idira ninaa ne roos nɛ nibhɛ so te ɛngɔn ɛkɔɔn ɛTaanggbey, ne kɛ haa irɛɛk nibhɛ de daa ne irywa. ˆƐ kɛ yɛɛs ɛn ɛlɔ ɛTaanggbey, ne ɛbhɛ ɛ so ɛhaa ne bol ninyi na gbik ɛshara, gbik ne ɛlɔ ne ikpabyik ninyi ne icik ne kɛ te nibhɛ hyɔrɔ.

iBirani 3:1

iPhɛ ɛlɛy, nigwaa nge ne kɛ tul kang, ne ɛTaanggbey kɛ ma yel-le nyini, sit ɛn irwisɛ daa ɛYɛso gha ne ɛbhɛ so ɛNgɔn ne Tom ma ne ɛGɔm nibo gha ne njwi tɔng ibol ɛbhɛ de.

iBirani 3:14

Njwɛɛn kɛ ne byinki ito njwɛɛn ne ɛKiriti gha wu njwɛɛn kɛ boos ìnang itin ne ibol njwɛɛn da gɛgɛy ɛli ne njwɛɛn kaa tsa wo phyii bhɛ taal.

ɛYakub 3:9

Ne ilem be ne njwɛɛn i dɛp ɛDaray njwɛɛn na nɛ gbik ne ɛTaa gha. iLem be ne njwɛɛn i ne ta towos nɛ ninyi na ne kɛ ryɔng nibhɛ ɛli ne ɛTaanggbey ya so wo.

1 ɛBiturus 5:1

Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.

1 ɛYohana 1:3

Njwii tɔng nyini ibol ɛkɔn de ne njwi kɛ yaang, njwi ta phok, te ɛ ma byinki ɛn ìtsɛm be ne njwit. ìTsɛm mos de ne so ne ɛTaa gha gbik ne ɛNgɔn ɛbhɛ ɛYɛso ɛKiriti.

Nikɔn ne kɛ Phaal 21:23

Sɔng ɛgarang ngɛ i tɔk iroy ne ifɛl ne nɛ nibhɛ yaa te ɛbhɛ saa nang, daa ɛli ne ito-ndiinday ɛTaanggbey de iphɛ nang ɛgarang ngɛ iwɛwɛy de, ɛNgɔn ne ɛpharak ka ɛbhɛ soye ɛpitila ɛgarang ngɛ.

Nikɔn ne kɛ Phaal 22:14

“Ninaa ɛwɛng ngaa nggyɛy nɛ nibhɛ kɛ kuus itsura nibhɛ, sɛ ne nang nibhɛ ɛnkiinɛ ne re iKpam ɛHon ne iKen da, nibhɛ ta roos ninu ne iduk nibhɛ lel ndɔ ɛgarang nga.

Nikɔn ne kɛ Phaal 22:5

Sɔng ɛtuk sɛ ta sonɛ dɔng nang. Sɔng nibhɛ sɛ ne ta tɔk ɛpitila ne iroy ne ifɛ yaa tol nibhɛ nang daa ɛli ne ɛDaray ɛTaanggbey ya ɛbhɛ sɛ́ nang nibhɛ iwɛwɛy de. Nibhɛ sɛ́ ne re igbɔm ba ishay-ishay.