iKɔlɔsi 1:10 - ɛWee ne ìTsɛm iHywas

¹⁰ Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 1:10 ပူးပေါင်းရင်းမြစ်များ

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

iBirani 13:21

Nzi ne roro ne ɛTaanggbey ya te ɛ te nyini hyɔrɔ nɛ nikɔn niyɛnɛng gbik te ˆɛ mɔn ɛn ɛkɔn na ne ɛɛ sim. Nzi roro ne ɛTaanggbey te ɛ ku i mɔn ɛtomɛ ndɔ mon no lenɛ ne ɛYɛso ɛKiriti gha ne aa nang ɛbhɛ irway ihwala. Te ne nang ɛYɛso ɛKiriti yegha ne ndiinday idee ne ishay-ishay! Ɛɛy.

1 ɛYohana 3:22

njwɛɛn i ne ta sɛ gbik ɛkɔn na ne njwɛɛn kɛ phom ɛbhɛ, daa ɛli ne njwɛɛn i roos ikpii ɛbhɛ da, njwɛɛn i ta mɔn ɛkɔn na ne ɛ nang ɛbhɛ irway ihwala.

ɛYohana 15:16

Sɔng nyinɛn ɛ kɛ kasa mɛɛn nang; mɛɛ nggɛ yang kasa nyini n ji yɛk nyini nɛ te ɛbhɛ yaak ɛn ikpam ne ifɛ yaa shɛɛ. Ɛlɛy ɛkyɛɛ gha yaa ne ji nang nyini gbik ɛkɔn na ne ɛ kɛ phom ɛn daa ɛli ne ɛ so ɛn ninaa nge.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

iBirani 13:16

Sɔng ne ˆɛ te ɛn bap ne mɔn iyɛnɛng ngge gbik ne ìtsɛm ne phyighis ɛn ninyi na nɛ nikɔn na ne ˆɛ bok ɛn no nang. Mɔn ɛlɛ wo daa ɛli ne ihywee ne hap itsanga yɛdee nggyɛ wo i nang ɛTaanggbey irway ihwala.

ɛYohana 15:8

Wu ɛ kɛ yɛk ɛn ikpam ba gbom mo nang, iphɛ yaa ne tɔɔrek wu ɛ so ɛn ninɔn ne icwam nge. iPhɛ yaa ne tɔɔrek ito-ndiinday ɛKyɛɛ nge de.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.

2 ɛBiturus 1:8

Daa ɛli ne wu ɛ bok ɛn nikɔn nɛnaa wo gbom mo, ɛ ta i hɔnɔs ɛn ndɔ nibhɛ, nibhɛ yaa ne te ɛ te ɛn cwacwat ɛ yɛk ɛn ikpam lenɛ ne iyɛɛ ɛDaray njwɛɛn ɛYɛso ɛKiriti yegha.

iKɔlɔsi 2:6

ɛLi ne ˆɛ kɛ ku say ɛn ɛYɛso ɛKiriti yegha wu ɛ soye ɛDaray mon na, ne ˆɛ re ɛn ɛnu ɛyisɛ ne shɛɛ ndɔ ɛbhɛ.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

iKɔlɔsi 4:5

Te ɛn ntsɛntsɛng ɛli ne ˆaa shɛɛ ɛn nɛ ninyi na ne hame nibhɛ so ɛn ninaa ne iroos sa. Gbik nten de ne ɛ kɛ sɛ ɛn, mɔn ɛn ɛtomɛ ne iphɛ.

iFisus 5:15

iPhɛ ɛlɛy, wɛɛ ɛn ihywel mon da yɛnɛng. Sɔng ˆɛ hyel ɛn tɛ niwamang nga nang, yang hyel ɛn tɛ ninaa ne ntsɛntsɛng.

iFisus 2:10

Njwɛɛn no ne ito njwɛɛn, njwɛɛn soye ɛtomɛ ne iwɔ ɛTaanggbey ya. Ɛ kɛ ryɔng njwɛɛn ndɔ ɛYɛso ɛKiriti gha te njwɛɛn mɔn nitomɛ niyɛnɛng ninaa ne ɛTaanggbey ya kaa ku ryɔng njwɛɛn nɛ.

2 iKɔrɔntos 2:14

Te ne dɛp ɛTaanggbey ye! Ɛbhɛ ɛ hyel ne njwit cɛcɛɛy ndɔ ɛlang ninyi na nɛ nibhɛ tɔɔsel irway ihwala ɛKiriti da ne ɛ kɛ re itsom be. Ɛ mɔn ɛtomɛ ne njwit njwi bhɛ sanga ibol ɛKiriti de nilɔ na gbik iphɛ ne ji shwalat te ɛnkyinkyɔp ne ɛturarɛ.

iRooma 6:4

Kaa ne Lenɛ ne ibatisima njwɛɛn de, ne rɛɛ njwɛɛn ne ɛYɛso gha ndɔ ne iku ɛbhɛ de te lenɛ ɛli ne kaa yiisik ɛKiriti yegha tsik ndɔ ne ikpuu da ndɔ ne ito-ndiinday ɛTaanggbey de, te njwɛɛn ma yaa shɛɛ ishwɛɛ ne iken iphas.

iFisus 5:10

Mɔn ɛn gbik ɛkɔn na ne ˆaa mɔn ɛn, te ˆɛ mɛmɛ ɛn ne ɛkɔn na ne aa nang ɛDaray yegha irway ihwala.

iFisus 5:2

Shɛɛ ishwɛɛ ne ishwim ɛli ne ɛKiriti gha kɛ sim njwɛɛn no, ɛ phyii nang ito ɛbhɛ de ɛlɔ njwɛɛn na te ɛkɔn ne hap itsanga gha ne ɛ bok ɛnkyinkyɔp ɛyɛnɛng nga ne kɛ hap ɛTaanggbey yegha ne itsanga de.

iFilibi 1:27

Gbik ɛkɔn na ne ɛ kɛ te, shɛɛ ɛn ishwɛɛ da ne ifɛ kancɛng ne ibol iyɛnɛng ɛKiriti de. Shɛɛ ɛn ɛlɛ wo, te yaa sɛ nggɛ yɛɛs ne yaang nyini, hang nggɛ ma sang yɛɛs yɔɔ, te ne n phok wu ˆɛ kɛ kyinak ɛn ne ihwet ndɔ ne ikabyik idaan, ˆɛ kɛ byinki ɛn ito mon ˆɛ tabha ɛn ilong ndɔ ɛtomɛ ne ibol iyɛnɛng ngge te ɛnyi ɛdaan lenɛ ne ìnang ne itin mon da ne bol iyɛnɛng ngge.

iFilibi 1:11

Te ishwɛɛ mon da te hyɔrɔ nɛ nitomɛ nicik nɛ nibhɛ i le ɛlɔ ɛYɛso ɛKiriti, te i sɛ nang ɛTaanggbey yegha ne ndiinday i ta dɛp ɛbhɛ.

1 ɛYohana 5:20

Njwɛɛn i ne ta yɛɛ wu ɛNgɔn ɛTaanggbey ya kɛ yɛɛs ɛ nang njwɛɛn ishweng, te njwɛɛn seng ɛTaanggbey yegha ne ɛ so itin de. Njwɛɛn ne bok ìtsɛm ne ɛTaanggbey ya ne ɛ so ɛhaa ne itin na, daa ɛli ne njwɛɛn i bok ìtsɛm bɛ ne ɛNgɔn ɛbhɛ ɛYɛso ɛKiriti gha. ɛYɛso gha ɛbhɛ ɛ soye ɛTaanggbey ne itin na, ɛbhɛ soye iken ne inat de.

ɛTitus 3:1

Taate ninyi mo na nɛ wu tɛ nibhɛ laasek nindiinday ne ivel la nɛ gbik nɛ nigɔm ma. Tɛ nibhɛ roos ibol nibhɛ, nibhɛ ryɔng en ɛli nɛ nibhɛ yaa i mɔn nikɔn niyɛnɛng gbik.

iKɔlɔsi 3:20

Nyinɛn ninɔn, roos ɛn ibol nikyɛɛ mon de ndɔ nikɔn na gbik, daa ɛli ne iphɛ i nang ɛTaanggbey yegha irway ihwala.

iFisus 4:13

ɛLɛ wo ne yaa ne i mɔn nyɛɛn njwɛɛn kyi teye nidaan nɛ ndɔ ne ìnang ne itin da gbik ne ishweng ne seng ɛNgɔn ɛTaanggbey ya. Njwɛɛn teye ninyi nɛ nibhɛ kɛ hɔn, nibhɛ te hyɔrɔ ɛli ne ɛKiriti gha so wo.

iBirani 11:5

Kaa lenɛ ne ìnang ne itin de ne i bo ɛNɔk ghe ɛken nɛ, te ɛ sang yaang iku. Sɔng ne tang sɛ ɛbhɛ nang, daa ɛli ne ɛTaanggbey ya kaa bo ɛbhɛ ɛ hyel lɛ. ɛWee ne ibol ɛTaanggbey yo i bo wu ɛTaanggbey ya kaa phok iyɛnɛng ɛNɔk ge nten de ne kaa tang bo ɛbhɛ wo.

2 ɛTimɔti 2:4

ɛSooja gha ne ɛ so ɛnu ɛtomɛ ɛbhɛ gha i sim te ɛ sɛ mon ɛkɔn na ne aa nang ɛndiinday ɛbhɛ irway ihwala. iPhɛ ɛlɛy, sɔng aa ne byinki ito ɛbhɛ ne ihywel ɛhaa ne ɛ sang so ɛsooja gha nang.

iKɔlɔsi 2:19

iHywee ɛnyi yɛdee nggyɛ wo kɛ ne ku hosop bhe ne ɛKiriti gha ne ɛbhɛ so ito ne idira ninaa ne roos de. ɛHaa ne ɛbhɛ bok idira ninaa ne roos de ɛlɔ ɛdaan na, kaabi ibek ɛbhɛ de, ne i lenɛ ne itsibhi de nilɔ yɛ byingis se iphɛ raras ihywee ne raras da ne ɛTaanggbey ya ɛbhɛ ɛ yɛk ngɛ wo.

iFilibi 4:18

Kɛ tal me nikɔn na gbik nibhɛ ne phyin igbak. Sɔng n da sang ɛkɔn ɛlyilyɛghaa wo nang, daa ɛli ne nggɛ say nikɔn na ne ˆɛ kɛ tom ɛn ɛBafaratus segha nɛ wo. ìNang ngɛdaa wo ne bok ɛnkyinkyɔp, iphɛ so te ihap itsanga, ɛTaanggbey yaa ne say, ɛ phok iyɛnɛng ngɛ.

iFisus 1:17

Nzi bo wu te ɛTaanggbey ɛDaray njwɛɛn ɛYɛso ɛKiriti gha, ɛTaa ne ito-ndiinday ya nang nyini iKabyik ne ntsɛntsɛng, ɛ ta phaal nyini ito ɛbhɛ te ˆɛ seng ɛn ɛbhɛ yɛnɛng.

2 iKɔrɔntos 9:8

ɛTaanggbey ya i yɛɛ ne sit nyini nɛ Niwɛng nga gbik, tɛ nibhɛ hɔn nyini gbik, te ɛ sɛ ɛn gbik nikɔn na nɛ nibhɛ yaa hɔn nyini cɛcɛɛy, ɛ ji mɔn ɛn ne ɛtomɛ ɛyɛnɛng nga.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

2 iKɔrɔntos 4:6

ɛTaanggbey ya ne ɛ kaa yɔngɔ, “Te iwɛwɛy tol ndɔ gbyik,” ɛbhɛ kɛ ne te iwɛwɛy de i tol ndɔ ne irway mos da te ne i tol ninyi na, nibhɛ seng ito-ndiinday ɛTaanggbey de ɛyisɛ ɛKiriti gha.

iRooma 4:12

iPhɛ ɛlɛy, ɛBaraying nga ne ɛ so ɛkyɛɛ ninaa ne kɛ hyɛghɛ nibhɛ icwee da, sɔng ne so ninaa ne kɛ hyɛghɛ nibhɛ ihuhu ne icwee zɔng nang, ninaa nɛ nibhɛ hyel ndɔ ne ɛnkiinɛ ne ìnang ne itin de ɛli ne ɛ kaa hyel lɛ wo nten de ne kɛ tang hyɛ ɛbhɛ itee de.

iRooma 1:13

Nigwaa ɛn, nzi sim te ɛ sɛ seng ɛn wu nggɛ bo nten nzi sim te na yɛɛs ɛlɔ mɔn na, kɛ ne ring me nɛ. Nggaa sim te nzɛɛ sɛ nidɛng ndɔ mon no nibhɛ teye ninaa ne roos, te ɛli ne nggɛ sɛ ndɔ ɛbyin ninyi na ne hame nibhɛ soye ninaa ne roos sa.

2 iKɔrɔntos 5:9

ɛKɔn na ne ɛ phyin gbik, njwɛɛn i phyin sim te ɛ sɛɛ phok iyɛnɛng njwɛɛn, hang ndɔ ne ibek ɛzay yɛdee wo yɔɔ, hang ndɔ ne idee ɛdaa ne irywa de yɔɔ.

3 ɛYohana 1:6

Ninyi yɛnaa nggyɛ wo ne ˆɛ kɛ phyik nibhɛ wo i naas ishɛɛda ne ishwim mo da ndɔ ne idira ninaa ne roos de. Re ɛnu ɛyisɛ ne phyighis nibhɛ ndɔ ne ihywel nibhɛ da ɛli ne iphɛ yaa nang ɛTaanggbey yegha irway ihwala.