2 ɛBiturus 3:9 - ɛWee ne ìTsɛm iHywas

⁹ Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

2 ɛBiturus 3:9 ပူးပေါင်းရင်းမြစ်များ

iRooma 13:11

iPhɛ so nggbinggbing ɛ mɔn ɛn ɛlɛ wo, daa ɛli ne ɛ kɛ seng ɛn wu nten nɛ kɛ tuu ne aa seme ɛn nwa mon da, nten ne phɔt njwɛɛn de yek cɛcɛk iphɛ phyin nten de ne njwɛɛn kaa tsa nang ɛn ne itin nɛ wo.

iRooma 13:12

ɛTuk ka yek gbang, ihwɛlɛ yungaa wuru. iPhɛ ɛlɛy te njwɛɛn hana nitomɛ ndɔ gbyik ka njwɛɛn yɛk en ne nikɔn ne itsom ninaa nɛ nibhɛ so iwɛwɛy.

iRooma 2:4

Hang ɛ bɛɛs izɛɛng, ne ɛbɔk gbik ne iyɔm ne sang te njenjek ɛTaanggbey de ne ɛ bok ne igyɛ wo naa? Ɛ doo te izɛɛng ɛTaanggbey de ihywɛ te nyini ɛ hyere ɛn nyini ɛ tek ɛn ɛfɔt to naa?

iRooma 9:22

ɛLɛy ne ɛtomɛ ɛTaanggbey ya ne so. Ɛ kɛ sim aa tɔɔrek njenjek ɛbhɛ de ɛ ta tɔɔrek ihwet ɛbhɛ de kpas, ne ɛ ma kyi bo ɛbɔk gbom daa ninaa na ne iphɛ ku so aa te njenjek nɛ nibhɛ, nɛ ninaa ne iphɛ ku so yaa bees nibhɛ.

1 ɛTimɔti 1:16

Gbik ne iphɛ ɛlɛy, ɛTaanggbey ya kɛ ne tɔɔrek me isan iyɔm gbom, mee wo ne n shɛs ne ɛfɔt to ndɔ ninaa ne ɛfɔt ta. ɛYɛso ɛKiriti gha kɛ mɔn ɛlɛ wo te ɛ tɔɔrek wu ɛbɔk ɛbhɛ ne ɛ sang ɛgak, te n te me ɛkɔn ne mɛmɛ nɛ ɛlɔ ninaa nɛ nibhɛ sɛ nang ne itin nɛ ne ɛbhɛ, nibhɛ sɛ iken ne inat de.

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

iBirani 10:37

Daa ɛli ne ɛWee ne iBol ɛTaanggbey yo i bo, “Yaa phyɔngɔle ncɛt, ɛhaa ne yaaso gha ne yɛɛs, sɔng aa rɔn nang.

1 ɛBiturus 3:20

iKpabyik kɛdaa nggyɛ wo ne so ivaa ninaa nɛ nibhɛ kaa mbaray tang roos ibol ɛTaanggbey de, gbik ɛli ɛTaanggbey ya kaa san iyɔm nibhɛ de nten de ne ɛNuhu gha kaa ryɔng ɛgyirigyi inɛn na. Nten nɛdee nggyɛ wo, ninyi ncɛt zɔng nibhɛ kaa phɔrɔt ndɔ inɛn da. Nibhɛ kaa so ɛnaras.

2 ɛBiturus 1:4

Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.

Nikɔn ne kɛ Phaal 2:21

Nggɛ ne nang ɛbhɛ nten te ɛ san ɛbɔk ndɔ ra nzangas ɛbhɛ de, ɛ kɛ ne mbaray.