2 ɛBiturus 3:7 - ɛWee ne ìTsɛm iHywas

⁷ Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

2 ɛBiturus 3:7 ပူးပေါင်းရင်းမြစ်များ

ɛMacu 10:15

Nzi ne tɔng nyini itin nɛ, sɛ ne san iyɔm ɛgarang ne iSɔdɔm gbik ne iGomora i phyin ɛgarang ngɛghaa nggyɛ wo ɛtuk ɛshara gha.

ɛMacu 11:22

Nzi ne tɔng nyini, ɛTaanggbey ya sɛ ne bo ɛbɔk nɛ ninyi ne iTaya gbik ninaa ne iSidɔn ɛtuk ɛshara gha ɛ phyin nyini.

ɛMacu 11:24

Nzi ne tɔng nyini, ɛTaanggbey ya se ne bo ɛbɔk ne iSɔdɔm be ɛtuk ɛshara gha ɛ phyin nyini.”

ɛMacu 12:36

“Nzi tɔng nyini sɛ ne sɛ ɛtuk ɛshara gha, sɛ ne phom ninyi na ibol daa nibyibyol nikpɛɛ na nɛ nibhɛ kɛ bol lo.

ɛMacu 24:35

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

ɛMacu 25:41

“ɛGɔm ma sɛ ne ji yaak ninaa ɛgɔɔ ne iwɔ ne itsan ɛbhɛ na, ‘Cwi ɛn gɔɔ, ɛ so ɛn ɛkawɛy, cwi ɛn ndɔ ne igboo ne sang kuuy yo ne kɛ ku ryɔng ɛShɛtan negha nɛwo gbik nɛ nimalɛka ɛbhɛ na!

ɛMarakus 6:11

Yaa ne sɛ ɛlɔ gha nɛ ninyi yɛ kɛ bhɛ mbaray nyini nɛ, nibhɛ ta mbaray tang phok ibol mon de, ne ɛ wuru ɛn ɛ te ɛn ɛbung ne ita mon kokok. ɛBung ngɛghaa nggyɛ wo ɛbhɛ sɛ ne wum nibhɛ.”

ɛYohana 12:48

ɛHaa ne hyɛ ɛshara gha sɔ nɛ ne ɛ sɛ hyɛ ninaa nɛ nibhɛ kɛ mbaray ibol nge de nibhɛ ta mbaray me wo. iBol nge de ne nzi bol lo iphɛ phɛ sɛ hyɛ nibhɛ ɛshara gha ɛtuk ne taal ɛzay ya.

iRooma 2:5

Ɛ bok ito ihet ne irway gɛgɛy, ɛ ne waa ito mo ɛndok ɛTaanggbey, ne iphɛ sɛ phaal le ɛtuk ne njenjek ɛTaanggbey ya, ɛtuk ka ne sɛ tɔɔrek ɛli ne ɛTaanggbey ya i hyɛ ɛshara ɛbhɛ gha cik ko.

1 iKɔrɔntos 3:13

sɛ ne seng ihywee ɛtomɛ de ne ɛrɔngɔ kɛ mɔn ɛtuk ɛDaray ya. Daa ɛli ne ɛtuk kɛghaa nggyɛ wo, sɛ bo igboo i tɛɛsek ne ɛtomɛ ɛrɔngɔ, igboo wo ifɛ sɛ ne te i seng ihywee ɛkɔn de ne ɛrɔngɔ kɛ lɔl lɛ.

iFilibi 1:28

Sɔng ˆɛ phok ɛn ɛnik ninaa ne iphup mon na nang, yang kyinak ɛn ne irway nviit. ɛBɛ wo kɛ tɔɔrek ncɛncɛng wu nibhɛ ne sɛ bees so, i ji phɔt nyini wo daa ɛli ne ɛTaanggbey ya ɛbhɛ so ɛhaa ne nang ɛwɛng nga.

2 iTasɔlɔnika 2:3

Sɔng ɛ sim ɛn ɛdɛ ɛnyi luk nyini ne idɛ ɛnkiinɛ wo kang nang. Daa ɛli ne sɔng ɛtuk ɛDaray ya yaa yɛɛs nang, sɛ yang kyi tsa ne isang-phok ge nyɛɛn, ɛgɔm nisang-phok ka ne tɔɔrek ghe, ɛhaa ne ɛ ku ryɔng sɛ́ bees gbik ko.

1 ɛTimɔti 6:9

Ninyi na nɛ nibhɛ kat irway ne tɔk iryat de i ne hoghɛ ndɔ ne itɛrɛk, ne irwa gbik ne ihyop igywebhe hywee-hywee ne ihywɛ so iwamang, ihywɛ hɔ nibhɛ ndɔ ne bees se gbik ne iku.

iBirani 12:29

Daa ɛli ne ɛTaanggbey njwɛɛn na so te igboo ne ifɛ re mɛlɛm-mɛlɛm.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

2 ɛBiturus 3:10

ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

1 ɛYohana 4:17

iShwim ɛTaanggbey da so hyɔrɔ ndɔ njwɛɛn no, te njwɛɛn sɛ kyinak tɔrɔk wɛlɛng ɛnik ɛtuk ɛshara ɛTaanggbey ya, daa ɛli ne ishwɛɛ njwɛɛn da ndɔ ɛzay yɛghaa wo so te ishwɛɛ ɛKiriti da.

ɛYahuza 1:7

Ne ˆɛ taate ɛn ne iSɔdɔm ne iGomora wo gbik ne ɛbyin nigarang nga nɛ nibhɛ so cɛcɛk nɛ nibhɛ wo. Ninyi nilɔ yɛnaa nggyɛ wo kaa ma ra nzangas de, nibhɛ roos ihyop ne ibek ge ne hame iphɛ so cɛcɛɛy ɛli ne ɛTaanggbey kɛ ryɔng ngo, ɛTaanggbey ya na bak nibhɛ nggbang ne inat te iphɛ teye ɛkɔn ne njwɛɛn yaa mɛmɛ nɛ.

Nikɔn ne kɛ Phaal 17:11

iNyam igywebhe yɛdee wo ne ihywɛ kaa tsa ihywɛ sonɛ itsen nɛ wo ne ihywɛ sang kyi sonɛ itsen nɛ ɛlyilyɛghaa wo ihywɛ ihywɛ ne soye ɛgɔm ne ɛnaras sɛ. iHywɛ ne so ndɔ nigɔm ɛniitaa na, ihywɛ ne phɛɛs ɛlɔ gha ne yaa bhɛ phoo ihywɛ nɛ.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 21:1

ɛTsim mɛ ɛlɛy, ne n ji yaang ɛzay ɛphas ne irywa ifas. Daa ɛli ne ɛzay ɛyisɛ gha ne irywa ɛyisɛ wo kɛ phee, sɔng ɛling nga ne ta tɔnɛ nang.