2 ɛBiturus 3:2 - ɛWee ne ìTsɛm iHywas

² Nzi sim te ɛ sɛ taate ɛn ne ivol da nɛ ninabawa ne ile ɛTaanggbey ya kaa tɔng nyini wo gbik ne ikpii ɛDaray da ne ɛ so ɛHaa ne Phɔt ta kaa bol ɛnu ninɔn ne tom ma ne ɛ kaa tom nyini nɛ wo.

2 ɛBiturus 3:2 ပူးပေါင်းရင်းမြစ်များ

ɛLuka 1:70

ɛLi ne ɛTaanggbey ya kaa ku sim-mɛ, ɛnu ninabawa ne ile na,

ɛLuka 24:27

ɛYɛso gha ne ji kpɛl nibhɛ ɛkɔn na ne ɛWee ne iBol ɛTaanggbey yo kɛ bol daa ne ito ɛbhɛ de. Ɛ kaa tsa ne ɛkɔn na ne ɛMuusaa kɛ bol ɛ phyii bhɛ hɔn ne ɛhaa nɛ ninabawa na kɛ ma bol lo.

ɛLuka 24:44

Ne ɛ yaak nibhɛ, “iBol lɛdee wo ne nggaa mɔng nyini ɛli ne nggaa tɔ ne nyinɛn no: iPhɛ so nggbinggbing i shwaak nikɔn na ne kɛ haa daa ne ito nge de ndɔ iMɛmɛ ɛMuusaa da ninabawa na ma ta haa wo, i kyii ta haa ndɔ ne ɛWee ne iGhel lo.”

ɛTomɛ 10:43

ɛNyi yɛghaa nggyɛ wo nɛ ninabawa na gbik kɛ ne tɔng ibol lɛ wu gbik ɛnyi gha ne ɛ kɛ nang ne itin nɛ, sɛ ne hana ɛbhɛ ne ɛfɔt ɛbhɛ wo lenɛ ne irywɛɛk ɛYɛso wo.”

ɛTomɛ 28:23

Nibhɛ ne yɛk ne ɛtuk nɛ nibhɛ sɛ sɛm me nɛ, ninyi na gbom ne yɛɛset ɛlɔ gha ne ɛBulus sa kɛ tek nɛ nikɔn na, ɛBulus sa ne i kpɛl nibhɛ ivol ne igbɔm ɛTaanggbey da gbik. Ɛ kaa ne tsa ne ihwɛlɛ ne ɛ phyii bhɛ hɔn irwirywɛ ɛ kpɛl nibhɛ ivol da ɛ kyangase nɛ tɛ nibhɛ hyereey nibhɛ nang ne itin nɛ ne ɛYɛso gha lenɛ ne ɛShara ɛMuusaa gha gbik ne ibol ne iwee ninabawa na.

ɛTomɛ 3:18

iPhɛ kɛ ne shwaasek ibol de ne ɛTaanggbey ya kaa ku bol ɛnu ninabawa na gbik, ɛ yɔngɔ wu iphɛ so nggbinggbing ɛKiriti ɛbhɛ gha sɛ sɔ nggbang ngga.

ɛTomɛ 3:21

iPhɛ ne so nggbinggbing ɛYɛso gha ma shɛɛ dak ne irywa wo, ɛ hyep nten de ne ɛTaanggbey ya sɛ kyi ta yɛk ngɛ nikɔn na tes niphas sɛ, ɛli ne ɛ kaa ku bol ne ile de ɛnu ninabawa ɛTaanggbey ya.

iGalatiya 6:2

Tɔɔk ɛn nggbang nigwaa da, ɛlɛy ne aa ne shwaak ɛn ɛShara ɛKiriti gha.

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iFisus 3:5

Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.

1 ɛTimɔti 6:14

Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

2 ɛBiturus 2:21

iPhɛ kɛ jam mɛ, te sɛɛ yɔng nibhɛ kɛ sang ku seng ɛnkiinɛ tsik ko, ne ya yɔng nibhɛ kɛ seng ɛbhɛ wo nibhɛ ji kyi ta hyereey ne ɛtsim ma, nibhɛ tek ikpii ɛTaanggbey kang da ne kaa nang nibhɛ wo.

2 ɛBiturus 3:15

Seng ɛn iphɛ ndɔ ne irway mon wu ɛDaray njwɛɛn na bok ɛbɔk ka daa ɛli ne ɛ sim tɛ ninyi sɛ iphɔrɔt. ɛLɛ wo ne ɛgwaa njwɛɛn ɛBulus sa kaa ne ma haa nyini nɛ ndɔ ne ishweng ngga ne ɛTaanggbey kɛ nang ɛbhɛ.

2 ɛBiturus 3:16

Ɛlɛ wo ne ɛBulus sa i bol ndɔ ne iwee ɛbhɛ da gbik ne i sɛ ɛhaa daa nikɔn nɛnaa wo. Ndɔ ne iwee ɛbhɛ da, nidɛng nikɔn na ne sonɛ nɛ nibhɛ bok nggbang ne seng. Nibhɛ nɛ ninaa ne sang seng ɛkɔn na nɛ nibhɛ so kyɔkyɔt, tang iling ngge i hyeem ibol lɛ wo. ɛLɛ wo nɛ nibhɛ ne ta hyeem ɛbyin ne iWee ne iBol ɛTaanggbey de. Nibhɛ ne hɔ ito nibhɛ iku.

1 ɛYohana 4:6

Njwɛɛn ne soye ninaa ɛTaanggbey. Ninaa ne yɛɛ ɛTaanggbey yegha i ne tenes njwɛɛn. Gbik ɛnyi gha ne ɛ sang soye ɛhaa ɛTaanggbey ya, sɔng aa tenes njwɛɛn nang. Ɛlɛ ne njwɛɛn i seng ɛnyi gha ne ɛ bok iKabyik ne itin de gbik ne ɛhaa ne bok ikabyik ne irywɛɛk ge.

ɛYahuza 1:17

Nyinɛn nigwaa en ne nzi sim, ne ˆɛ taate ɛn ne ɛkɔn na nɛ ninɔn ne tom ɛDaray njwɛɛn ɛYɛso ɛKiriti gha kaa ku tɔng wu ɛ sɛ te wo.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.