2 ɛBiturus 3:14 - ɛWee ne ìTsɛm iHywas

¹⁴ iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

2 ɛBiturus 3:14 ပူးပေါင်းရင်းမြစ်များ

ɛMacu 24:26

“Sɛ ne sɛ ɛdɛ ɛnyi gha kɛ yaak nyini, ‘ɛKiriti yɛghaa ndɔ ɛhay.’ Sɔng ne ɛ phɛ ɛn nang. Wu ɛdɛng kɛ ta yaak nyini, ‘Ɛbhɛ ghaa bɛ ndɔ ɛduk ne ijwee.’ Sɔng ɛ nang ɛn ne itin nɛ nang.

ɛMacu 25:7

Ninɔn nilyilyap pa ne yiisitsik, ɛrɔngɔ ne hante ne ɛpitila ɛbhɛ wo.

ɛLuka 12:43

ɛKpuru yɛghaa nggyɛ wo sɛ ne soye ɛhaa ne irway ihwala ne ɛkyɛɛ ne ijwee ɛbhɛ gha sɛ bhɛ kyii ɛ sɛ ɛbhɛ ɛ mɔn ɛlɛ wo.

ɛLuka 2:29

“ɛLyilyɛghaa wo, ɛDaray! Ɛ kɛ shwaak ibol mo de ne ɛ kaa ku sim-mɛ wo. Ɛ sɛɛ ne ma ji bo ɛkpuru mo gha ncaang.

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

iFilibi 1:10

ɛKɔn nɛghaa wo yaa ne phyik nyini ˆɛ yɛɛ ne kasa ɛn ɛkɔn na ne ɛ kɛ jam, te ˆɛ shɛɛ ɛn wɛwɛy, wɛlɛng ɛkɔn ne tok phyii bhɛ hɔn ɛtuk ka ne ɛKiriti gha sɛ bhɛ kyii wo.

iFilibi 2:15

Te ˆɛ te ɛn kang wɛlɛng ɛkɔn ne tok, ninɔn ɛTaanggbey wɛlɛng inyuu, ndɔ ɛzay ɛnggyuk ɛbebhe yɛghaa wo, ɛzay ya ne ˆɛ tol ɛn nɛ tɛ niyuyɔrɔ na,

iFilibi 3:20

Njwɛɛn ne soye ninaa ne igbɔm ɛdaa ne irywa. Njwɛɛn i ne hyep ɛHaa ne Phɔt njwɛɛn ɛDaray ɛYɛso ɛKiriti yegha ne aa le daa ne irywa wo.

1 iTasɔlɔnika 3:13

Te ɛDaray ya yɛk ngɛ irway mon hante ne ihwet, te tul nyini kang, wɛlɛng ɛkɔn ne tok ɛnu ɛyisɛ ɛTaanggbey ya ne ɛbhɛ ɛ so ɛTaa gha, ɛtuk ka ne ɛDaray njwɛɛn ɛYɛso gha sɛ bhɛ kyii nɛ ninyi ɛbhɛ na.

1 iTasɔlɔnika 5:23

Te ɛTaanggbey ya ne ito ɛbhɛ ne ɛ soye ɛhaa ne irway ne laal la, tul nyini kang yɛnɛng-yɛnɛng, ɛ te ikabyik mon, ne iken mon, ne ibek mon de shɛɛ wɛlɛng ɛkɔn ne tok, ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 ɛTimɔti 6:14

Nzi bok kɛ te ˆɛ roos ikpii ne ivol lɛdaa wo gbyak tang ɛkɔn ne tok ne irwirwik, ɛDaray njwɛɛn ɛYɛso ɛKiriti gha phyii bhɛ kyii.

iBirani 9:28

ɛLɛy ne iphɛ ne ma so, kɛ ne nang ɛKiriti yegha ɛdaan zɔng te ɛ bo ɛfɔt ninyi gbom. Ɛ sɛ ne ta bhɛ kyii, ikyii ne ifaa yɛ, sɔng te ɛ ta ba ɛfɔt to nang, ɛ sɛ yang bhɛ kyii te ɛ phɔt ninaa nɛ nibhɛ hyep ɛbhɛ wo.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.

1 ɛBiturus 1:7

Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.

2 ɛBiturus 3:1

Nigwaa nge ne nzi sim, ɛwee ne ifaa yɛwoo wo ne nzi haa nyini nɛ. Ngge ne haa nyini ifɛ gbik te n taate nyini nɛ te ɛ tas ɛn ihywee ne icwas da ne ɛTaanggbey ye i sim ne irway mon gbik.

2 ɛBiturus 3:16

Ɛlɛ wo ne ɛBulus sa i bol ndɔ ne iwee ɛbhɛ da gbik ne i sɛ ɛhaa daa nikɔn nɛnaa wo. Ndɔ ne iwee ɛbhɛ da, nidɛng nikɔn na ne sonɛ nɛ nibhɛ bok nggbang ne seng. Nibhɛ nɛ ninaa ne sang seng ɛkɔn na nɛ nibhɛ so kyɔkyɔt, tang iling ngge i hyeem ibol lɛ wo. ɛLɛ wo nɛ nibhɛ ne ta hyeem ɛbyin ne iWee ne iBol ɛTaanggbey de. Nibhɛ ne hɔ ito nibhɛ iku.

1 ɛYohana 3:3

Gbik ɛnyi gha ne ɛ bok iyɛk ne irway yɛdaa wo daa ɛKiriti gha, te ɛ te ito ɛbhɛ wɛwɛy ɛ shɛɛ wɛwɛy daa ɛli ne ɛKiriti gha so wɛwɛy.