2 ɛBiturus 3:10 - ɛWee ne ìTsɛm iHywas

¹⁰ ɛTuk ne bhɛ kyii ɛDaray ya sɛ ne yɛɛs dirik te ɛhaa ɛyi. ɛTuk kɛghaa nggyɛ wo, ɛgbaang ne izok sɛ ne wungare, irywa wo sɛ ne birit ne, gbik nikɔn na ne kɛ ryɔng ndɔ ɛzay ya nɛ ninaa ne kɛ ryɔng daa ne irywa wo sɛ́ ne re igboo. ɛZay ya nɛ nikɔn na nɛ nibhɛ sonɛ ndɔ yɛwo sɛ́ ne birit.

2 ɛBiturus 3:10 ပူးပေါင်းရင်းမြစ်များ

ɛMacu 24:35

iRywa ne ɛzay ya sɛ phebhe gbik, sɔng ibol nge de sɛ ne ma phee nang.

ɛMarakus 13:31

iRywa wo ne ɛzay ya sɛ phee gbik, sɔng ibol nge de sɛ ne phee nang, kɔɔ ncɛt.

ɛLuka 12:39

Nzi sim te ɛ sɛ seng ɛn; sɛɛ yɔng ɛnyi gha yɛɛ nten de ne ɛhaa ɛyi gha yaaso ne ijwee ɛbhɛ wo, sɔng ɛ sɛ ne tek ɛbhɛ ɛ lel lo nang.

iRooma 8:20

Sɔng nikɔn na ne kɛ ryɔng ngo kɛ yɛɛ ne shwaak ɛkɔn na ne ɛ kɛ te i ryɔng nibhɛ wo nang, sɔng daa ne ishwim nibhɛ nang, ɛTaanggbey ya ɛbhɛ kɛ sim ɛlɛy. Kɛ mɔn ɛlɛ wo ne iyɛk ne irway,

1 iKɔrɔntos 1:8

ɛYɛso gha ya ne boos nyini gɛgɛy ndɔ ne ìnang ne itin de ɛli ne hame sɛ́ sɛ nyini ne ɛkɔn ne rip ɛtuk ka ne ɛDaray njwɛɛn ɛYɛso ɛKiriti gha sɛ bhɛ kyii wo.

1 iKɔrɔntos 5:5

iPhɛ ɛlɛy, ne ɛ nang ɛn ɛShɛtan ne ɛnyi yɛghaa wo. Te ɛ baasek ibek ɛbhɛ de ne iphɛ so idee ne ɛfɔt de nggbang, te iken ɛbhɛ de sɛ ne phɔrɔt ɛtuk ka ne ɛDaray ya sɛ bhɛ kyii wo.

2 iKɔrɔntos 1:14

wu ɛ kɛ ne ma yung sang seng njwii ɛlyilyɛghaa wo, sɛ ne sɛ igbey yo ne ɛDaray njwɛɛn ɛYɛso gha sɛ bhɛ kyii wo, ɛ sɛ ne lɛng ɛn ɛgyɛy ne njwit ɛli ne njwii ma lɛng ne nyinɛn no.

1 iTasɔlɔnika 5:2

Daa ɛli ne nyinɛn no, ˆɛ yɛɛ ɛn ntsɛntsɛng wu ɛtuk ɛDaray ya sɛ yɛɛs te ɛhaa ɛyi ne ɛ yɛɛs ne ɛtuk.

1 iTasɔlɔnika 5:4

Nigwaa en, sɔng ne ˆɛ so ɛn ɛlɛ wo nang. Sɔng ɛ so ɛn ndɔ gbyik ne ɛtuk kɛghaa nggyɛ wo sɛ ma sɛ nyini dirik te ɛhaa ɛyi gha nang.

2 ɛBiturus 3:11

Daa ɛli ne sɛ ne bees nikɔn na gbik ɛlɛ wo, iphɛ kɛ ne jam mɛ ɛ sɛ te ɛn nyini iya ihywee ninyi daa mɛɛ? iPhɛ kɛ jam mɛ ɛ sɛ tul ɛn nyini kang ɛ te ɛn ninyi ninaa ɛTaanggbey.

2 ɛBiturus 3:12

Shɛɛ ɛn ishwɛɛ ne has irway ɛTuk ɛTaanggbey ya, te ɛ ma yung mɔn te ˆaa yɛk ɛn nɛ ɛtuk kɛ yɛɛs dodooy. ɛTuk ka ne i sɛ yɛk irywa wo ne igboo wo, ɛtuk ka ne zuzuk ko sɛ te nikɔn na ne kɛ ryɔng ndɔ ɛzay ya gbɛlɛt to.

2 ɛBiturus 3:7

Ne ta so ibol ɛTaanggbey idaan nɛ iphɛ kɛ tek irywa wo ne ivel da i hyep ne igboo wo. Kɛ tek irywa wo ne ivel da i hyep ne ɛtuk ne hyɛ ɛshara gha ne sɛ phoo ninyi na nɛ nibhɛ sang ɛnik ɛTaanggbey.

ɛYahuza 1:6

Ne ˆɛ taate ɛn nɛ nimalɛka na nɛ ninaa nibhɛ kaa tek ɛlɔ ne igbɔm nibhɛ na, nibhɛ ta tek ijwee ne itin nibhɛ wo nibhɛ shompeey yo. Nimalɛka yɛnaa wo, ɛDaray ya kɛ ne bhɛ robhos nibhɛ ndɔ ne nyang ɛlɔ gbyik nibhɛ hyep ɛgbaang ɛtuk ne hyɛ ɛshara gha.

Nikɔn ne kɛ Phaal 16:15

Taate ɛn ɛli ne ɛKiriti gha bo, “Mee woo n yaaso te ɛhaa ɛyi! ɛHaa ɛwɛng ngaa nggyɛ ne ɛ so ɛkanang ɛ ta bok itsura ɛbhɛ, daa ɛli ne aa yung hyel nkywankywaang ɛ sɔ ncwa.”

Nikɔn ne kɛ Phaal 20:11

ɛTsim mɛ ɛlɛy, ne n yaang ɛgbaang ɛcuruu ne igbɔm ɛhala yɛ gbik ne ɛnyi yɛ ne ɛ kɛ soos nɛ. ɛZay ya ne irywa wo ne tel ɛnu ɛyisɛ ɛbhɛ sɔng ne tang yaang nibhɛ nang.

Nikɔn ne kɛ Phaal 21:1

ɛTsim mɛ ɛlɛy, ne n ji yaang ɛzay ɛphas ne irywa ifas. Daa ɛli ne ɛzay ɛyisɛ gha ne irywa ɛyisɛ wo kɛ phee, sɔng ɛling nga ne ta tɔnɛ nang.

Nikɔn ne kɛ Phaal 3:3

iPhɛ ɛlɛy, ne ɛ taate nɛ nikɔn na ne kaa mɛmɛ yɛnɛ wo, ɛ say yo. San ɛbɔk te ɛ roos itin de. Wu ɛ kɛ ne sang seme wo, naa ne yɛɛs sɛ te ɛhaa ɛyi, sɔng ɛ sɛ ne yɛɛ nten de ne naa yɛɛs nɛ nang.

Nikɔn ne kɛ Phaal 6:14

iRywa wo ne habharet te ɛkpangga, ne baas ibarang ngge ne ikpop inɛn da ɛlɔ gha ne ifɛ sonɛ wo.