2 ɛBiturus 2:20 - ɛWee ne ìTsɛm iHywas

²⁰ Yung yaang ɛbɛ, ninyi na kɛ sɛ iphɔrɔt ndɔ ibebhe ne ɛzay yɛdee wo, lenɛ nɛ nibhɛ kɛ seng ɛDaray njwɛɛn ɛYɛso ɛKiriti ye ne ɛbhɛ ɛ so ɛhaa ne phɔt njwɛɛn. Wu nibhɛ kɛ ne kyi ta kyii nibhɛ lel ndɔ ne ibebhe yɛdee nggyɛ wo, nibhɛ teye nikpuru ne iphɛ, ɛtsak ishwɛɛ ɛtsim ninyi yɛnaa nggyɛ wo yaa ne phyin ivaa ɛyisɛ da ne ibebhe.

2 ɛBiturus 2:20 ပူးပေါင်းရင်းမြစ်များ

iFilibi 3:19

ɛGyeng nibhɛ so ibees se, ɛtaanggbey nibhɛ so iphul. Nibhɛ i hal ɛgyɛy ne iyɔm ne ncwa nibhɛ de, irway nibhɛ so daa nikɔn ɛzay.

2 ɛBiturus 1:4

Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.

2 ɛBiturus 2:18

Nibhɛ rɛrɛ, nibhɛ ton itso nibhɛ daa ne ivol ɛbuu. I ne lenɛ ne sim phok yɛnɛng ne yɔm ncwa nibhɛ de, nibhɛ ne i sim tɛ nibhɛ sɛɛ hɔ ninyi na nɛ nibhɛ tɔɔ le ne iphɔrɔt ndɔ ne ishwɛɛ ne ɛfɔt da.

2 ɛBiturus 1:2

Te izɛɛng gbik ne irway ne laal ɛTaanggbey hɔn ndɔ mon gbom lenɛ ne iseng ne ɛ kɛ seng ɛn ɛTaanggbey ye gbik ne ɛDaray njwɛɛn ɛYɛso ɛKiriti.

2 ɛTimɔti 2:4

ɛSooja gha ne ɛ so ɛnu ɛtomɛ ɛbhɛ gha i sim te ɛ sɛ mon ɛkɔn na ne aa nang ɛndiinday ɛbhɛ irway ihwala. iPhɛ ɛlɛy, sɔng aa ne byinki ito ɛbhɛ ne ihywel ɛhaa ne ɛ sang so ɛsooja gha nang.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

2 ɛBiturus 1:8

Daa ɛli ne wu ɛ bok ɛn nikɔn nɛnaa wo gbom mo, ɛ ta i hɔnɔs ɛn ndɔ nibhɛ, nibhɛ yaa ne te ɛ te ɛn cwacwat ɛ yɛk ɛn ikpam lenɛ ne iyɛɛ ɛDaray njwɛɛn ɛYɛso ɛKiriti yegha.

2 ɛBiturus 1:11

Yaa ne lenɛ ɛlɛ wo ne say nyini ne ibɔ iphaa ndɔ ne igbɔm ne inat ɛDaray njwɛɛn ɛYɛso ɛKiriti ɛhaa ne phɔt njwɛɛn.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.