2 ɛBiturus 2:10 - ɛWee ne ìTsɛm iHywas

¹⁰ iHyɛ ɛshara yɛghaa nggyɛ wo sɛ ne phyin ne ihwet daa ninaa nɛ nibhɛ roos ihyop igywebhe ne ibek nibhɛ nɛ, gbik nɛ ninaa nɛ nibhɛ bɛɛs igbɔm. Sɔng nikyɛɛ ne icwam ne irywɛɛk kɛnaa nggyɛ wo bok ncwa nang, kɔɔ ncɛt! Nibhɛ tɔɔsek ito, sɔng bok ɛnik nang, nibhɛ ma yung towos nimalɛka ɛTaanggbey.

2 ɛBiturus 2:10 ပူးပေါင်းရင်းမြစ်များ

ɛYahuza 1:16

Ninyi yɛnaa nggyɛ wo i bol ivol mumuk, nibhɛ tɔk iben nidɛng. Nibhɛ roos ihyop igywebhe nibhɛ nɛ. Nibhɛ hal ɛgyɛy ne itso nibhɛ, nibhɛ bok ilem ibel tɛ nibhɛ sɛ ito nibhɛ ɛkɔn.

ɛYahuza 1:10

Gbik ne iphɛ ɛlɛy, ninyi yɛnaa nggyɛ wo i ne bol ivol ne towos daa nikɔn na nɛ nibhɛ sang yɛɛ, nibhɛ mɔn nikɔn na tang icwas te ᐩinyam ɛhay ne ᐩihywɛ sang icwas, nikɔn nɛnaa nggyɛ wo bhɛ sɛ ne bunga nibhɛ.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

2 ɛBiturus 3:3

Tsa ˆɛ seng ɛn iphɛ ɛlɛ, sɛ́ sɛ nten ɛtsim be, nidɛng ninyi na nɛ nibhɛ so ninaa ne bɛɛs sɛ ne wuru nɛ nibhɛ so ninaa ne roos ihyop igywebhe ne ibek zɔng.

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

iFisus 5:5

Seng ɛn iphɛ ncɛncɛng ɛlɛ, ɛhaa ne nzangas sa, ne ɛhaa ne roos ihyop igywebhe ne ibek ge nɛ wo, ne ɛhaa ne irisɛ gha, ne iphɛ soye ɛkɔn ɛdaan nɛ ne ire igunkyi de ntsong ngga, sɔng ɛdɛ ɛbhɛ bok ihop ndɔ ne isha ne igbɔm ɛKiriti da gbik ne ɛTaanggbey ya nang.

ɛLuka 19:14

“Sɔng ninyi ɛgarang ɛbhɛ na kaa ne i sim ɛbhɛ nang iphɛ ɛlɛy, nibhɛ ne tom nidɛng ndɔ nibhɛ wo tɛ nibhɛ kungus ɛtsim ɛbhɛ, nibhɛ yaak ɛndiinday ɛgɔm ma, ‘Sɔng njwii sim ɛnyi yɛghaa wo yaa teye ɛgɔm mos sa nang.’ ”

iBirani 13:4

Gbik mon no, nang ɛn ɛwɛrɛ gha ne ndiinday, te ɛrong-inwa ɛwɛrɛ gha ne shɛɛ ywɛywɛy, daa ɛli ne ɛTaanggbey ya sɛ hyɛ ninaa ne nzangas sa, nɛ ninyi na nɛ nibhɛ kɛ bees se wo ɛshara.

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

iKɔlɔsi 3:5

iPhɛ ɛlɛy, ne ˆɛ phoo ɛn ihyop nikɔn ɛzay de nɛ nibhɛ so ndɔ ne irway mon da. Phoo ɛn ihyop ne nzangas de, ne ihyop nikɔn ne iyɔm ncwa da, ne icwas ivebhe da, ne irisɛ de ne iphɛ soye re igunkyi de ntsong ngga.

1 iKɔrɔntos 6:9

Ɛ doo ɛn ɛli nɛ ninaa ne sang so cik ko sɛ sang bhɛ lel dak ne igbɔm ɛTaanggbey da naa? Sɔng ˆɛ luk ɛn itso mon nang. Daa ɛli nɛ ninaa ne ra nzangas sa, nɛ ninaa ne re igunkyi de ntsong ngga, nɛ ninaa ne sang kyinak yak ko, ne nkpilik ga, nɛ ninaa ne tɔk nkpilik ga.

ɛTomɛ 23:5

ɛBulus sa ne kyii nɛ ɛ yaak nibhɛ, “Nigwaa nge, sɔng nzi yɛɛ te ɛbhɛ soye ɛgɔm nibo gha nang; kɛ ku haa i bo, sɔng ɛ bol ivol ikpɛɛ daa ɛndiinday ninyi mo na nang.”

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

2 iKɔrɔntos 10:3

ɛTsak njwi so ndɔ ɛzay ya, gbik ne iphɛ ɛlɛy sɔng njwii ne hal itsom be tɛ ninaa ɛzay nang.

iRooma 8:1

iPhɛ ɛlɛy, sɔng yaa ne tang hyɛ ninyi na nɛ nibhɛ kɛ byinki ishwɛɛ da ne ɛYɛso ɛKiriti gha ɛshara ne iku nang.

iFisus 4:19

Sɔng nibhɛ tɔ ne ncwa nang. Nibhɛ kɛ nang irway nibhɛ gbik ndɔ nzangas, nibhɛ has irway tɛ nibhɛ sɛ i mɔn nikɔn ne ishis kang-ka-kang.

2 ɛTimɔti 3:2

Ninyi na sɛ teye ninaa ne sim ito nibhɛ. Nɛ ninaa ne sim ijam. Nɛ ninaa ne ton ito nibhɛ. Nɛ ninaa ne tɔɔsek ito, nɛ ninaa ne towos ninyi. Nɛ ninaa ne bɛɛs nikyɛɛ. Nɛ ninaa ne sang tɔɔl irway ihwala daa ɛkɔn ne kɛ nang nibhɛ. Nɛ ninaa ne hame nibhɛ kɛ tul en kang.

ɛLuka 11:25

Wu iphɛ kɛ ne tuu iphɛ sɛ ijwee wo ywɛywɛy kɛ ryɔng.