2 ɛBiturus 2:1 - ɛWee ne ìTsɛm iHywas

¹ Ninabawa ne irywɛɛk kaa ne le ndɔ ninyi ɛTaanggbey ya, ɛlɛy nɛ nikyɛɛ ne icwam ne irywɛɛk ka sɛ ne ma le ndɔ mon. Nibhɛ sɛ mɛmɛ ninyi na ne ivol ne irywɛɛk ne ifɛ labhe, ne ifɛ yaa bees ninyi na. Nibhɛ sɛ ma yung yɛɛs ne ivol ne mbaray ɛDaray ye ne ɛ kɛ phɔt nibhɛ, nibhɛ mɛmɛ ninyi na nɛ gying, ɛli ne iphɛ sɛ hɔ nibhɛ ɛkɔn ne bees itso nibhɛ.

2 ɛBiturus 2:1 ပူးပေါင်းရင်းမြစ်များ

ɛMacu 10:33

ɛHiha ɛnyi ne ɛ kɛ ne re ishamas nge de ɛnu ɛyisɛ ninyi na, nzɛ ne ma bhɛ re ishamas ɛbhɛ ɛnu ɛyisɛ ɛKyɛɛ nge gha daa ne irywa wo.

ɛMacu 24:11

Ninabawa ne irywɛɛk sɛ ne yɛɛset gbom nibhɛ ne luk ninyi na gbom.

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 24:5

Ninyi na gbom sɛ yɛɛset ndɔ ne irywɛɛk nge wo, nibhɛ yɔngɔ, ‘Mee nzo me ɛKiriti gha,’ nibhɛ ne luk ninyi na gbom.

ɛMacu 7:15

“Wɛɛ ɛn nyini yɛnɛng ɛlɔ ninabawa ne irywɛɛk ka. Nibhɛ yɛɛset ɛlɔ mon na te ntsabhak, ɛlɛy ndɔ nibhɛ, nibhɛ ne so tɛ nibabu ne izaram nɛ nibhɛ.

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛLuka 12:9

Ninaa nɛ nibhɛ kɛ ne wuru kpas nibhɛ mbaray me wo, ɛNgɔn ɛNyi gha sɛ ne ma mbaray nibhɛ ɛnu ɛyisɛ nimalɛka ɛTaanggbey ya.”

ɛLuka 21:8

ɛYɛso gha ne kyii nɛ ɛ yɔngɔ, “Wɛɛ ɛn ninyi yɛnɛng sɛ yung luk nyini. Ninyi na sɛ yɛɛset gbarang, ndɔ ne irywɛɛk nge wo, nibhɛ yɔngɔ, ‘Mee nzo me ɛKiriti gha,’ nibhɛ ne ta yɔngɔ, ‘Nten nɛ yek cɛcɛk.’ Sɔng ɛ tenes ɛn nibhɛ nang.

ɛLuka 6:26

ɛKɔn ne ɛnik nyinɛn no nɛ ninyi na i ton nyini ɛlyilyɛghaa wo, ɛlɛy nɛ nikyɛɛ-nikyɛɛ nibhɛ na kaa mɔn ninabawa ne hal irywɛɛk ka nɛ.”

iRooma 16:18

Daa ɛli ne sɔng ihywee ninyi yɛdee nggyɛ wo i mɔn ɛDaray ɛKiriti ye ɛtomɛ nang, iphul nibhɛ zɔng nɛ nibhɛ tɔk iphɛ nɛ. I lenɛ ne ɛnu ɛbel nibhɛ gbik ne iluk, nibhɛ ne luk ninyi na ne icwas nibhɛ sang so kyukyum.

1 iKɔrɔntos 11:19

iPhɛ so ngbingbing i sɛ ihosop en da ndɔ mon no te sɛ seng ninyi na nɛ nibhɛ kɛ hɔn sɛɛ kyinak daa ne ibol nibhɛ ndɔ mon no.

1 iKɔrɔntos 6:20

Kɛ say nyini i tal. iPhɛ ɛlɛy ne ɛ nang ɛn ɛTaanggbey ye ne ndiinday ne ibek mon de.

1 iKɔrɔntos 7:23

ɛKiriti gha kɛ say nyini ɛ tal, sɔng ne ɛ tes ɛn nyini nikpuru niten nisii na nang.

iGalatiya 2:4

Kaa wuru ne ibol ne hyɛghɛ icwee da daa ɛli ne nidɛng nɛ nibhɛ luk wu i so nigwaa na mos kaa lel ndɔ mos so gying nibhɛ tɛ nibhɛ bees iphɔrɔt da ne njwi kɛ sɛ ɛlɔ ɛYɛso ɛKiriti, ɛlɛ wo nibhɛ kyi ta te njwii njwi kyii ta tes en nikpuru.

iGalatiya 3:13

Njwɛɛn kɛ phɔrɔt ndɔ ɛkawɛy ɛShara ɛMuusaa gha daa ɛli ne ɛKiriti gha kɛ phɔt njwɛɛn ndɔ ɛkawɛy ya lenɛ ne ɛ kɛ teye ɛhaa ɛkawɛy ya ɛlɔ njwɛɛn. Daa ɛli ne kɛ haa i bo: “Gbik ɛnyi gha ne kɛ gangat ɛbhɛ daa ne ihon no, ne ɛ soye ɛhaa ɛkawɛy.”

iGalatiya 4:17

Ninyi na nɛ nibhɛ tɔng nyini ivol lɛdaa bok ihywɛɛ nibhɛ daa mon gbom, sɔng icwas nibhɛ da kɛ ne jam nang. Nibhɛ sim tɛ nibhɛ yaa hosop nyini ne mee, te hywɛɛ mon kyii daa nibhɛ gbik.

iGalatiya 5:20

ne re nikɔn nɛ nibhɛ sang iken ntsong, ne re nkut, ne mbray nigwaa, hɔ irywen, ne waa irway, ne njenjek, ne sim ito, ne ishishim, ne ihosobhe,

iFisus 1:7

Kɛ lenɛ nɛ neyi ɛKiriti na ne ɛ kɛ lok ne i say njwɛɛn, kaabi i hana ɛfɔt njwɛɛn no lenɛ ne izɛɛng ɛbhɛ ne ihywɛ so gbogbom.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFilibi 3:19

ɛGyeng nibhɛ so ibees se, ɛtaanggbey nibhɛ so iphul. Nibhɛ i hal ɛgyɛy ne iyɔm ne ncwa nibhɛ de, irway nibhɛ so daa nikɔn ɛzay.

iKɔlɔsi 2:18

iPhɛ ɛlɛy sɔng ne ˆɛ tek ɛn ɛdɛ ɛnyi gha hosop nyini ne ɛwɛng nga ne ɛ kɛ re ɛn daa nikɔn nɛnaa wo nang. Sɔng ɛ hosop nyini nɛ lenɛ ne ɛ kyangase ne ring ito ɛbhɛ ne phok yɛnɛng te ɛ sɛ ɛkɔn ne yaa tal ɛbhɛ nang. Sɔng ne ɛ hosop nyini nɛ lenɛ ne ɛ mɛmɛ nyini nɛ wu iphɛ so nggbinggbing i re nimalɛka ntsong nang. Sɔng ne ɛ hosop nyini nɛ lenɛ ne ɛ hal ɛgyɛy wu kɛ phaal le iyuwa ɛ ta i tɔɔsek ito ɛbuu nang. iRway ne ihywee ninyi yɛdee nggyɛ wo soye ishwɛɛ ɛten ɛsii ne ifɛ i te nibhɛ mɔn ɛlɛ wo.

iKɔlɔsi 2:8

Wɛɛ ɛn nyini yɛnɛng, ɛlɔ ne ɛdɛ ɛnyi yaa yung kpuru ihywɛɛ mon, lenɛ ne iluk ne ishweng ɛzay yɛdaa wo ne ifɛ so ishweng ɛbuu da. iShweng ngga ne ifɛ le ɛlɔ ne ikpii ɛten ɛsii gha, ivaa ne ikpabyik ɛzay yɛdaa wo, ne ifɛ sang le ɛlɔ ɛKiriti gha.

1 ɛTimɔti 5:8

Gbik ɛnyi gha ne ɛ kɛ sang nang icwaang ɛbhɛ wo ɛkɔn, yang ji so ninaa ne ijwee ɛbhɛ na, ɛ kɛ ne ton ìnang ne itin ɛbhɛ de. Ne ɛ phyin ɛnyi gha ne ɛ sang so ɛhaa ne roos sa ne ibebhe.

2 ɛTimɔti 4:3

Daa ɛli ne nten yaaso nɛ ninyi na sɛ mbaray imɛmɛ ne itin de. Nibhɛ sɛ yang tumɛ nikyɛɛ ne icwam nɛ nibhɛ yaa mɛmɛ nibhɛ nɛ nikɔn na ne itoro ne rangas nibhɛ i sim te iphɛ yaa phok.

ɛTitus 1:11

Nggbinggbing i yɛk nibhɛ nɛ nibhɛ kunggbyak, daa ɛli nɛ nibhɛ suruk ihywɛɛ ne idee de gbom daa ne mɛmɛ ne ɛkɔn na ne ɛ kɛ sang jam lenɛ ne sim iryat ɛbuu.

ɛTitus 3:10

ɛNyi gha ne ɛ sim te aa yɛɛs ne ihosop bhe da, te ɛbhɛ ne idaan, tɛ nɛ ɛ hante ɛbhɛ nɛ. ɛTsim mɛ ɛlɛy, tel lɛ ɛbhɛ.

iBirani 10:29

iPhɛ sɛ ne ji so ɛlii daa ɛnyi gha ne ɛ kɛ bɛɛs ɛNgɔn ɛTaanggbey yaa? ɛNyi gha ne ɛ kɛ sang bo neyi ne rop ne ìtsɛm ne tul ɛbhɛ kang ngo te ɛkɔn naa? ɛNyi ghe ne ɛ kɛ towos iKabyik ɛTaanggbey dee? iYa ihywee ɛshara ne sɛ ne ji hyɛ ɛbhɛ nɛɛ?

1 ɛBiturus 1:8

Sɔng ɛ kaa ku yaang ɛn ɛYɛso ɛKiriti yegha nang, gbik ne iphɛ ɛlɛy, ɛɛ ne sim ɛn ɛbhɛ. Sɔng ɛɛ ta yaang ɛn ɛbhɛ ɛlyilyɛghaa wo nang, gbik ne iphɛ ɛlɛy, ɛ kɛ ne nang ɛn ne itin nɛ ne ɛbhɛ, ne ɛ bok ɛn irway ihwala ne ifɛ sang ɛgak, ɛ ta bok ɛn bok ndiinday,

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

1 ɛYohana 2:26

Nzi haa nyini nikɔn nɛnaa wo daa ne ibol ninyi de nɛ nibhɛ sim tɛ nibhɛ yaa luk nyini wo.

1 ɛYohana 4:1

Nyinɛn nigwaa nge ne nzi sim, sɔng ˆɛ nang ɛn ne itin nɛ ne gbik ɛnyi gha ne ɛ bo wu i bok ikabyik ɛTaanggbey de nang. Yang tɛrɛk ɛn nibhɛ te ˆɛ seng ɛn hang iphɛ le ɛlɔ ɛTaanggbey ya yɔɔ, daa ɛli nɛ ninabawa ne irywɛɛk gbom kɛ shwalat ndɔ ɛzay ya.

ɛYahuza 1:18

Nibhɛ kaa yaak nyini, “Sɛ́ sɛ nten ɛtsim be kɛ tuu, nidɛng ninaa ne bɛɛs sa sɛ ne wuru nɛ, nibhɛ sɛ roos ihyop ne ibek nibhɛ nɛ ne hame ihywɛ so izee ne roos ɛTaanggbey ye.”

ɛYahuza 1:4

Daa ɛli nɛ nidɛng ninyi na sonɛ nɛ nibhɛ kɛ lel ndɔ mon no gying. Sɔng nibhɛ so ɛli ne ɛTaanggbey ya i sim mo nang. Nibhɛ kɛ misi izɛɛng ɛTaanggbey de iphɛ teye ɛnkiinɛ ne roos ihyop igywebhe ne ibek, nibhɛ ishamas ɛYɛso ɛKiriti yegha ne ɛbhɛ ɛ soye ɛndiinday ya gbik ne ɛDaray njwɛɛn na. Kaa ne ku haa ibol ne hyɛ nibhɛ ɛshara ne iku gha ndɔ ne ɛWee ne iBol ɛTaanggbey yo ne ile.

Nikɔn ne kɛ Phaal 13:14

iHywɛ ne luk ninyi ɛzay ya lenɛ nɛ nikɔn ne kparat ta ne kɛ nang ihywɛ ɛnkiinɛ yɛ ihywɛ mɔn ɛnu ɛyisɛ ne inyam ɛyisɛ de. iHywɛ ne yaak ninyi na wu tɛ nibhɛ ryɔng izazurum te i nang inyam ɛyisɛ de ne ndiinday. iNyam be ne kaa phok ihywɛ ikpom ba ihywɛ jung shɛɛ ɛken na.

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 2:9

Nzi yɛɛ nggbang ngga ne ɛ sonɛ wo, nzi ne ta yɛɛ ihala mo de, gbik ne iphɛ ɛlɛy, ne ɛ bok iryat ne iKabyik. Nzi yɛɛ ivol ba ne i bees sɛ nɛ wo, ninyi na nɛ nibhɛ i bok itso nibhɛ da wu i soye niYahodawa na kaabi nibhɛ sang kyi soye nɛ wo. Nibhɛ soye ɛguu ninyi ɛShɛtan.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.

Nikɔn ne kɛ Phaal 5:9

Nibhɛ ne ji yaak ne iywel ifas, nibhɛ bo, “ˆƐ kɛ hɔn aa bo ɛwee ne ihuhu wo, ˆɛ ta bal icwɛɛm mɛ. Daa ɛli ne kaa phoo yɛ, ne lenɛ nɛ neyi mo na ɛ say ɛTaanggbey ye ninyi gbarang. Ninyi yɛ ne le ne itaang ɛzay de, gbik ne ilwem ɛzay de, ne ihywee ɛzay de gbik ne igbagha ɛzay yo.

Nikɔn ne kɛ Phaal 6:10

Nibhɛ yeres ne izɔlɔs nziinzay nibhɛ bo, “ɛDaray ne iTo Gbik, ne ɛ so kang, ɛhaa ne itin, ne nggyibhii ne ɛ sɛ bol ninaa ɛzay ya ɛshara gha, ɛ bak nibhɛ nggbang daa ɛli nɛ nibhɛ kɛ lok neyi mos saa?”