2 ɛBiturus 1:8 - ɛWee ne ìTsɛm iHywas

⁸ Daa ɛli ne wu ɛ bok ɛn nikɔn nɛnaa wo gbom mo, ɛ ta i hɔnɔs ɛn ndɔ nibhɛ, nibhɛ yaa ne te ɛ te ɛn cwacwat ɛ yɛk ɛn ikpam lenɛ ne iyɛɛ ɛDaray njwɛɛn ɛYɛso ɛKiriti yegha.

2 ɛBiturus 1:8 ပူးပေါင်းရင်းမြစ်များ

ɛMacu 13:22

iHywee de ne ihywɛ kɛ ne ho ndɔ ne itsutsɔ da ne so te ninyi na ne i sɛ nibhɛ kɛ phok ibol ɛTaanggbey de nang, icwas nikɔn ɛzay, ne tɔk iryat ne cwaal nibhɛ, iphɛ ring ibol de ne hɔn ndɔ ne irway nibhɛ da, sɔng iphɛ ne tang yɛk ɛkɔn nang.

ɛMacu 20:3

“Ne sɛ nten de kɛ hɔn igyɔs ɛnduwujɛng, ɛkyɛɛ ne ijwee gha ne wuru, ne ɛ yaang nidɛng ninyi na kɛ kyinasek ɛlɔ ɛtungga, sɔng nibhɛ mɔn ɛkɔn nang.

ɛMacu 20:6

Kɛ ne sɛ nten de phɛɛs ne hɔn igyɔs iwii, ɛnyi gha ne ta phɛ ɛlɔ ɛTungga gha dɔng, ne ɛ ta bhɛ sɛ nidɛng ninyi na kɛ ta kyinasek ɛnggyɛ wo dɔng. Ne ɛ phom nibhɛ ɛ yɔngɔ, ‘iKyee iphɛ kɛ te aa phoo ɛn iroy de buu ɛbɛ wo tang ɛkɔn ne mɔn naa?’

ɛMacu 25:26

“ɛKyɛɛ ne ijwee ɛbhɛ gha ne kyii nɛ ɛ yaak ɛbhɛ, ‘Ɛ soyɛ ɛbebhe, ɛ bok itek! Wu ɛ yɛɛ ɛli ne nzi sim te nzɛ pha ɛlɔ gha ne hame nggɛ tup mɛ wo, nzi ta tɔk ibuu de,

ɛYohana 15:2

Gbik ilaak ge ne iphɛ so ndɔ me wo ne hame iphɛ yaak ikpam ba nang ɛɛ tɛm iphɛ, ɛ ji ryɔng idede ilaak ne iphɛ yaak ikpam ba te iphɛ te ywɛywɛy, iphɛ hante ne yɛk.

ɛYohana 17:3

iKen ne inat de ne so ɛlɛ: tɛ ninyi na seng ngɛ wu igyɛ zɔng ɛ soyɛ ɛTaanggbey ntin na gbik ne ɛYɛso ɛKiriti yegha ne ɛ kɛ tom mo.

ɛYohana 5:42

Nzi ne yɛɛ nyini gbik. Nzi yɛɛ ɛli ne hame ɛ sim ɛn ɛTaanggbey yegha ndɔ ne irway mon da.

iRooma 12:11

Sɔng ɛ yɛk ɛn itek ne mɔn ɛTaanggbey yegha ɛtomɛ gha nang, yang nang ɛn irway mon ɛ mɔn ɛn ɛTaanggbey yegha ɛtomɛ.

1 iKɔrɔntos 15:58

iPhɛ ɛlɛy nigwaa nge ne nzi sim, kyinak ɛn ne ihwet, sɔng ɛkɔn sungki nyini nang. See ɛn ito cɛcɛɛy ndɔ ɛtomɛ ɛDaray ya, daa ɛli ne ɛ yɛɛ ɛn sɔng ɛdɛ ɛkɔn na ne ɛ kɛ mɔn ɛn ɛDaray yegha nɛ wo sɛ te buu nang.

2 iKɔrɔntos 13:5

Tɛɛsek ɛn itso mon, ɛ phom ɛn itso mon te ɛ seng ɛn hang ɛɛ shɛɛ ɛn ndɔ ne ìnang ne itin da yɔɔ. Ɛ doo ɛn ɛli ne ɛYɛso ɛKiriti gha so ndɔ mon no naa? Wu ɛ doo ɛn ɛli ne ɛKiriti gha so ndɔ mon no, kaabi sɔng ɛ bok ɛn ɛbhɛ nang.

2 iKɔrɔntos 8:2

Nibhɛ kaa so ndɔ ne nggbang gbom, nibhɛ so nihala hyahyak, gbik ne iphɛ ɛlɛy, irway ihwala nibhɛ da ne te nibhɛ nang ìnang ngga ne irway walala.

2 iKɔrɔntos 8:7

Ɛ ku so ɛn ninaa ɛyisɛ yɛ ndɔ nikɔn na gbik, ndɔ ne ìnang ne itin nɛ, ndɔ ne ivol, ndɔ ne ishweng, ndɔ ne irway ne phyik, gbik ne ishwim ne ɛ tɔɔsel ɛn njwii. iPhɛ ɛlɛy, njwii ne sim te ɛ sɛ ta so ɛn ninaa ɛyisɛ yɛ ndɔ ne izɛɛng ne ìnang ngɛdee wo.

2 iKɔrɔntos 9:14

iPhɛ ɛlɛy, nibhɛ yaa ne i bol ne ɛTaanggbey ɛlɔ mon na ne irway ijwaan, nibhɛ ta i tas nyini lenɛ ne izɛɛng gbom be ne ɛTaanggbey ya kɛ nang nyini wo.

iFilibi 1:9

Nzi ne bol ne ɛTaanggbey ya nzi bo te ishwim mon da hantey yɛ gbogbom, te ɛ hɔn ɛn ndɔ ne ishweng ɛTaanggbey, ˆɛ yɛɛ ne seng ɛbyin nikɔn na gbik.

iFilibi 2:5

Te icwas mon da ma so ihywee ne icwas ɛYɛso ɛKiriti da.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

iKɔlɔsi 1:10

Te ne lenɛ ɛlɛy, ˆɛ shɛɛ ɛn ishwɛɛ da ne ifɛ so kancɛng ne ivaa ninaa ne roos ɛDaray yegha, ifɛ nang ɛDaray yegha irway ihwala. Te ishwɛɛ mon da ne tɔɔrek nikɔn niyɛnɛng ndɔ nitomɛ na gbik, ˆɛ raras ɛn ndɔ ne seng ɛTaanggbey yegha.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

iKɔlɔsi 3:16

Te ibol ɛKiriti de shɛɛ ndɔ ne irway mon da gbom. Mɛmɛ ɛn ne nigwaa nɛ, te ˆɛ kpɛng ɛn nyini ndɔ ne ntsɛntsɛng, ˆɛ yaak ɛn ne ighel ne ɛWee ne iBol ɛTaanggbey, ne ighel ne dɛp ɛTaanggbey ye, ne idee ne iKabyik kɛ nang, ˆɛ tɔɔsel ɛn ɛTaanggbey yegha irway ihwala ndɔ ne irway mon.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

1 iTasɔlɔnika 4:1

ɛTsim mɛ gbik nigwaa en, njwii roro ne nyinɛn, njwii ta bol ne nyinɛn ndɔ ne ɛYɛso irywɛɛk ɛDaray njwii bo wu te ɛ shɛɛ ɛn ihywee ne ishwɛɛ da ne ifɛ nang ɛTaanggbey ye irway ihwala ɛli ne ˆɛ kɛ mɛmɛ ɛn nɛ ɛlɔ mos sa. ɛTsak ɛlɛy ne ˆɛ shɛɛ ɛn ɛlyilyɛghaa wo. Njwii ne roro ne nyinɛn wu te ˆɛ hante ɛn nɛ gbom.

2 iTasɔlɔnika 1:3

Nigwaa en, iphɛ so nggbinggbing, njwi tɔɔsel ɛTaanggbey yegha irway ihwala cɛcɛɛy ɛlɔ mon na. iPhɛ kɛ jam njwi mɔn ɛlɛ wo, daa ɛli ne ìnang ne itin mon de i hanas se nɛ, ishwim ba ne ɛrɔngɔ bok daa ɛrɔngɔ gha i ne ma hanas se nɛ gbom.

1 ɛTimɔti 5:13

Sɔng ɛnggyɛ wo zɔng nang, nibhɛ yaa ne ta teye ninaa ne itek nɛ ninaa kaan tsik nibhɛ roos idee-idee. Nibhɛ ne ta teye ninaa ne bol ivol mumuk nɛ ninaa ne ring phɔt nibhɛ ne soos. Nibhɛ bol ivol da ne hame iphɛ kɛ jam mɛ.

ɛTitus 3:14

iPhɛ so nggbinggbing ninyi njwɛɛn na mɛmɛ ne nang ito nibhɛ ne mɔn iyɛnɛng tɛ nibhɛ yɛɛ ne phyik nɛ nikɔn nɛ nibhɛ so ninyi na nggbinggbing. Sɔng nibhɛ shɛɛ ishwɛɛ ɛbuu da nang.

ɛFilimɔn 1:6

Nzi bol ne ɛTaanggbey te ìnang ne itin nɛdaa wo ne iphɛ kɛ byinki njwɛɛn no hantey yɛ, iphɛ nang ngɛ ishweng ikyukyum daa nikɔn na nɛ nibhɛ kɛ jam mo nɛ nibhɛ so ninaa njwɛɛn na ndɔ ɛKiriti gha.

iBirani 6:12

Sɔng ɛ te ɛn nyini ninaa ne itek nang, yang mɛmɛ ɛn nɛ nɛ ninaa ne ìnang ne itin na, nɛ nibhɛ kɛ bo ɛbɔk ka nibhɛ i hyep nibhɛ yaa say ɛkɔn na ne ɛTaanggbey ya kɛ sim-mɛ wo.

2 ɛBiturus 1:2

Te izɛɛng gbik ne irway ne laal ɛTaanggbey hɔn ndɔ mon gbom lenɛ ne iseng ne ɛ kɛ seng ɛn ɛTaanggbey ye gbik ne ɛDaray njwɛɛn ɛYɛso ɛKiriti.

2 ɛBiturus 1:3

ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

2 ɛBiturus 2:20

Yung yaang ɛbɛ, ninyi na kɛ sɛ iphɔrɔt ndɔ ibebhe ne ɛzay yɛdee wo, lenɛ nɛ nibhɛ kɛ seng ɛDaray njwɛɛn ɛYɛso ɛKiriti ye ne ɛbhɛ ɛ so ɛhaa ne phɔt njwɛɛn. Wu nibhɛ kɛ ne kyi ta kyii nibhɛ lel ndɔ ne ibebhe yɛdee nggyɛ wo, nibhɛ teye nikpuru ne iphɛ, ɛtsak ishwɛɛ ɛtsim ninyi yɛnaa nggyɛ wo yaa ne phyin ivaa ɛyisɛ da ne ibebhe.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.