2 ɛBiturus 1:7 - ɛWee ne ìTsɛm iHywas

⁷ Daa ne ihywee ne ishwɛɛ ɛTaanggbey da ne ɛ hante ɛn ne ishwim nigwaa, daa ne ishwim nigwaa da, ne ɛ hante ɛn ne ihywee ne ishwim ɛTaanggbey.

2 ɛBiturus 1:7 ပူးပေါင်းရင်းမြစ်များ

iRooma 12:10

Te ɛrɔngɔ sim ɛrɔngɔ ne ihywee ne ishwim ba ne ifɛ so ivaa ninaa ne roos. Te ɛrɔngɔ nang ɛrɔngɔ ne ndiinday ɛ phyin ito ɛbhɛ.

iGalatiya 6:10

iPhɛ ɛlɛy, gbik nten de ne njwɛɛn kɛ sɛ, te njwɛɛn mɔn ninyi na gbik nikɔn niyɛnɛng, yang ji so ninaa ne roos ɛKiriti yegha.

iKɔlɔsi 3:14

Hante ɛn ne ishwim daa nikɔn nɛnaa wo. iShwim ba ifɛ kɛ byingis nikɔn na ɛlɔ ɛdaan nibhɛ te hyɔrɔ.

1 iTasɔlɔnika 3:12

Tɛ ɛDaray yɛk ngɛ ˆɛ hante ɛn nyini nɛ ndɔ ne ishwim ne ˆɛ bok ɛn ndɔ mon nɛ ninyi na gbik, te ishwim mɛ hɔn ifɛ ngisit gbom ifɛ te ɛli ne ishwim ba ne njwi bok ne nyinɛn no so.

1 iTasɔlɔnika 5:15

Wɛɛ ɛn yɛnɛng, sɔng ɛnyi tal ibebhe ne ibebhe nang. Yang yɛk ɛn irway ne mɔn nikɔn niyɛnɛng ndɔ mon no nɛ ɛbyin ninyi na cɛcɛɛy.

iBirani 13:1

Re ɛn ɛnu ɛyisɛ ne sim nyini tɛ nigwaa ndɔ ɛKiriti.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛBiturus 2:17

Nang ɛn ninyi na gbik ne ndiinday. Sim ɛn nigwaa na nɛ nibhɛ soye ninaa ne roos ɛYɛso yegha. Phok ɛn ɛnik ɛTaanggbey. Nang ɛn ɛgɔm ma ne ndiinday.

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.

1 ɛYohana 3:14

Njwɛɛn i yɛɛ kɛ ku phee iku de, so niken daa ɛli ne njwɛɛn i sim nigwaa njwɛɛn. ɛNyi gha ne ɛ ne sang sim ɛgwaa ɛbhɛ gha, ne ɛ tɔ shɛɛ ishwɛɛ ne iku de.

1 ɛYohana 3:16

ɛLɛ ne njwɛɛn i seng ɛli ne ishwim ba so: ɛYɛso gha kɛ nang iken ɛbhɛ ɛlɔ njwɛɛn. iPhɛ ne so nggbinggbing njwɛɛn ma nang iken njwɛɛn de ɛlɔ nigwaa njwɛɛn na.

1 ɛYohana 4:21

ɛKiriti gha kɛ ne nang njwɛɛn ikpii da ne ifɛ bo, gbik ɛnyi gha ne ɛ sim ɛTaanggbey yegha, iphɛ ne so nggbinggbing ɛ ma sim ɛgwaa ɛbhɛ ne mang.