2 ɛBiturus 1:4 - ɛWee ne ìTsɛm iHywas

⁴ Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.

2 ɛBiturus 1:4 ပူးပေါင်းရင်းမြစ်များ

iRooma 9:4

Nibhɛ bhɛ so niSɛrɛla. Nibhɛ ne ɛTaanggbey ya kɛ ne bo nibhɛ teye ninɔn ɛbhɛ, ɛ tɔɔrek nibhɛ ndiinday ɛbhɛ, ɛ rop ibol nɛ nibhɛ, ɛ nang nibhɛ iMɛmɛ ɛMuusaa, ɛ tɔɔrek nibhɛ ɛnkiinɛ ne re ntsong ntin, ɛ nang nibhɛ nikɔn na ne ɛ kɛ ku sim-mɛ.

2 iKɔrɔntos 1:20

Daa ɛli ne kɛ lenɛ ne ɛbhɛ ɛTaanggbey ya shwaak nikɔn na ne ɛ kɛ sim-mɛ wo gbik. iPhɛ phɛ kɛ te i lenɛ ne ɛYɛso ɛKiriti gha njwɛɛn i yɔng “Ɛɛy” yo, te nang ɛTaanggbey yegha ne ndiinday.

2 iKɔrɔntos 3:18

Njwɛɛn no ne kɛ sang cwaal ɛyisɛ njwɛɛn na nang, njwɛɛn ne tɔɔsel ndiinday ɛDaray de, ne jii hyeem njwɛɛn te njwɛɛn te te ɛbhɛ. iHyeem ba ne hyeem njwɛɛn no ne hanas se ne ndiinday, ndiinday de ne iphɛ le ɛlɔ ɛDaray ya ne ɛ so iKabyik ge.

2 iKɔrɔntos 6:17

iPhɛ ɛlɛy wuru ɛn ndɔ nibhɛ, hobhos ɛn nyini nɛ nibhɛ, n phok ɛTaanggbey ya. Sɔng ɛ dat ɛn ibebhe nang, ɛlɛy naa ne ji say nyini.

iGalatiya 3:16

ɛTaanggbey ya kaa sim-mɛ ne ɛBaraying nga ne ɛngɔn ɛbhɛ. Sɔng ɛWee bo “Ninɔn,” ne i bo ninyi gbarang nang. Ɛbhɛ bo icwaang, te so i bo ɛnyi ɛdaan, ɛbhɛ soye ɛKiriti gha.

iGalatiya 6:8

Wu ɛnyi gha kɛ nikɔn ne ɛfɔt ta ne ibek ge sim mo, ɛ sɛ ne bhɛ pha iku. Wu ɛ kɛ ne tubhus ndɔ ne nikɔn na iKabyik ɛTaanggbey sim, ɛ sɛ ne bhɛ sɛ iken ne inat lenɛ ne ikabyik ge.

iFisus 4:13

ɛLɛ wo ne yaa ne i mɔn nyɛɛn njwɛɛn kyi teye nidaan nɛ ndɔ ne ìnang ne itin da gbik ne ishweng ne seng ɛNgɔn ɛTaanggbey ya. Njwɛɛn teye ninyi nɛ nibhɛ kɛ hɔn, nibhɛ te hyɔrɔ ɛli ne ɛKiriti gha so wo.

iKɔlɔsi 3:10

ˆƐ kɛ bo ɛn ishwɛɛ ifas. iShwɛɛ yɛdaa wo ne ɛTaanggbey ya ne ɛbhɛ kɛ ryɔng ngo i ne hanas ne tes ifɛ ifas ndɔ mon no ne ˆɛ so ɛn izazurum ɛbhɛ de te ˆɛ hɔn ɛn ndɔ ne seng ɛbhɛ.

iBirani 12:10

niKyɛɛ njwɛɛn na kaa gbake njwɛɛn nten ncɛt, ɛli nɛ nibhɛ yaang iphɛ kɛ jam njwɛɛn nɛ. ɛTaanggbey ya i ne gbaat njwɛɛn te iphɛ phyik njwɛɛn, te njwɛɛn sɛ ihop ndɔ ne ishwɛɛ kang ngga te ɛbhɛ wo.

iBirani 9:15

iPhɛ ɛlɛy, ɛKiriti gha ɛbhɛ ne so ɛhaa ɛceree ne ibol ne rop ìtsɛm ihywas de ne ihywɛ kɛ byinki ninyi na ne ɛTaanggbey ya, tɛ ninaa ne kɛ ku yel-le wo say isha ne inat de ne ɛTaanggbey kɛ ku sim-mɛ wo. iPhɛ kɛ te ɛlɛ wo daa ɛli ne ɛKiriti gha kɛ ku te ɛ phɔt ninyi na ndɔ ne ɛfɔt to nɛ nibhɛ kaa mɔn nten de ne ibol ne rop ìtsɛm itsɛl de kaa sonɛ wo.

ɛYakub 1:27

iRoos da ne ɛTaanggbey ya ne ɛ so ɛTaa gha kɛ say wu ifɛ so itin nɛ wo ne kɛ ta tul kang ngo so ɛlɛ: te i wɛɛ nicwɛɛn nɛ nikusang ndɔ ne nggbang nɛ nibhɛ i sɔ, te ɛnyi yɛ ne tul ito ɛbhɛ ndɔ ne ishwɛɛ ivebhe ɛzay da.

2 ɛBiturus 1:1

ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

2 ɛBiturus 3:13

Kɛ ne lenɛ ne ɛTaanggbey ya kɛ ku sim-mɛ wo, njwɛɛn kɛ ne yaa hyep ɛzay ɛphas ne irywa ifas ɛlɔ gha ne icik sɛ ku i shɛɛ nɛ zɔng.

2 ɛBiturus 3:9

Nidɛng i bo wu ɛTaanggbey ya so hyɔl ne shwaak ibol de ne ɛ kɛ ku sim-mɛ wo. Sɔng iphɛ ne so ɛlɛy nang. ɛTaanggbey ya bok ɛbɔk ne nyinɛn, ɛ sim te ɛrɔngɔ sɛ san ɛbɔk. Sɔng ɛ sim te ɛnyi ɛdaan sɛ ku nang.

1 ɛYohana 2:25

ɛKɔn nɛghaa ɛbhɛ soye ibol de ne ɛNgɔn na kɛ ku sim-mɛ aa nang njwɛɛn no, ɛ soye iken ne inat.

1 ɛYohana 3:2

Nigwaa nge ne nzi sim, njwɛɛn soye ninɔn ɛTaanggbey ɛlyilyɛghaa wo. Sɔng kɛ ne ku tɔɔl njwɛɛn ɛkɔn na ne njwɛɛn sɛ teye nɛ nang, njwɛɛn i yang yɛɛ wu sɛ́ sɛ ɛKiriti gha kɛ tɔɔl le wo njwɛɛn sɛ ne ma te tɛ ɛbhɛ, daa ɛli ne njwɛɛn sɛ yaang ɛbhɛ ɛli ne ɛ so.