2 ɛBiturus 1:3 - ɛWee ne ìTsɛm iHywas

³ ɛTaanggbey ya ndɔ ne ihwet ne ndiinday ɛbhɛ de kɛ nang njwɛɛn nikɔn na gbik nɛ nibhɛ yaa hɔn njwɛɛn te njwɛɛn yɛɛ ne shɛɛ ihywee ne ishwɛɛ da ne ifɛ so ivaa ninyi ɛTaanggbey da. Nikɔn nɛnaa wo ne so ninaa njwɛɛn gbik lenɛ ne ishweng njwɛɛn ne njwɛɛn kɛ seng ɛKiriti yegha gbom. Ɛ kɛ yel-le njwɛɛn te njwɛɛn shɛɛ ne ɛbhɛ njwɛɛn sɛ ihop ndɔ ne ndiinday ɛbhɛ.

2 ɛBiturus 1:3 ပူးပေါင်းရင်းမြစ်များ

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

2 ɛTimɔti 1:9

Ɛbhɛ kɛ phɔt njwii, ɛ ji yel-le njwii te njwi shɛɛ ɛbhɛ kang. Sɔng yel-le yɛdaa wo ne le daa ɛkɔn ne njwi kɛ mɔn nang, iphɛ yang lenɛ ne yɔngɔ ɛbhɛ ne izɛɛng ɛbhɛ ne ɛ bok daa mos. Kaa ne nang njwii izɛɛng ngɛdee wo lenɛ ne ɛYɛso ɛKiriti ne ile ne tang tum ɛzay.

iRooma 8:32

Ɛbhɛ ɛTaanggbey ya ne kɛ ring njwɛɛn ne ɛNgɔn ɛbhɛ gha, ɛ yang kyii nang ɛbhɛ ɛlɔ njwɛɛn na gbik ko. Wu ɛ kɛ ne mɔn ɛlɛ wo ɛ sɛɛ ne mɔn ɛli ɛ sang nang njwɛɛn nikɔn na gbik ne irway ijwaan daa?

2 iKɔrɔntos 12:9

Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

1 ɛBiturus 2:21

Daa ɛkɔn nɛghaa wo ne ɛTaanggbey ya kɛ yel-le nyini nɛ. Ɛ kɛ yel-le nyini te ɛ sɔ ɛn nggbang ngga ɛli ne ɛKiriti gha kɛ ma sɔ ɛlɔ mon na. ɛLɛ wo ne ɛ kɛ ne tek nyini ne ngkɔɔl lɛ ne aa roos ɛn.

2 iTasɔlɔnika 2:14

ɛTaanggbey kɛ yel-le nyini ɛbɛ wo, lenɛ ne iBol iYɛnɛng ngge ne njwi kɛ tɔng nyini wo te ɛ sɛ ɛn ito-ndiinday ɛDaray ɛYɛso ɛKiriti njwɛɛn de.

1 ɛBiturus 2:9

Ne ɛ so ɛn ninyi ne ɛTaanggbey kɛ kasa, ɛguu nibo ɛTaanggbey ɛgbaang ɛgɔm, igbagha ne kɛ tul kang, idira ninyi nɛ nibhɛ so ninaa ɛTaanggbey. ɛTaanggbey ya kɛ tul nyini ndɔ gbyik ka ɛ yɛɛs ne nyinɛn ndɔ ne iwɛwɛy ɛbhɛ ne iphɛ so ɛkɔn ne kparat te ɛ sanga ɛn ibol nikɔn niyɛnɛng ne ɛ kɛ mɔn no.

1 iTasɔlɔnika 2:12

Njwi kɛ bol nɛ nyinɛn, njwi tes nyini itsɔngɔl gɛgɛy, njwi roro nyini te ˆɛ shɛɛ ɛn ishwɛɛ da ne ifɛ kɛ jam mɛ ne yel-le da ne ɛTaanggbey ya kɛ yel-le nyini nɛ ndɔ ne igbɔm ɛbhɛ da ne ndiinday ɛbhɛ de.

1 iTasɔlɔnika 4:7

ɛTaanggbey ya kɛ yel-le njwɛɛn te njwɛɛn shɛɛ kang, sɔng i shɛɛ ishwɛɛ ne irwirwik nang.

1 ɛBiturus 1:15

iPhɛ ɛlɛy, daa ɛli ne ɛTaanggbey ya ne ɛ kɛ yel-le nyini wo ɛ so kang ngo nang, ne ɛ ma tul ɛn nyini kang te ɛTaanggbey ya.

iFisus 4:1

iPhɛ ɛlɛy, mee wo ne nzo ne nyang ngge daa ɛli ne nzi roos ɛKiriti yegha, nzi roro ne nyinɛn, shɛɛ ɛn ishwɛɛ da ne ifɛ so kancɛng yel-le da ne kɛ yel-le nyini nɛ wo.

1 iKɔrɔntos 1:9

ɛTaanggbey ya so ɛhaa ne sɛ kyinak daa ne ibol ɛbhɛ, ɛ kɛ yel-le nyini te ɛ rop ɛn ìtsɛm ne ɛNgɔn ɛbhɛ ɛDaray njwɛɛn ɛYɛso ɛKiriti.

2 ɛBiturus 1:2

Te izɛɛng gbik ne irway ne laal ɛTaanggbey hɔn ndɔ mon gbom lenɛ ne iseng ne ɛ kɛ seng ɛn ɛTaanggbey ye gbik ne ɛDaray njwɛɛn ɛYɛso ɛKiriti.

2 ɛBiturus 1:5

iPhɛ ɛlɛy, ne ɛ mɔn ɛn ɛkɔn na ne aa yɛɛ ne mɔn ɛn te ɛ hante ɛn ne ìnang ne itin mon de ne iyɛnɛng, ɛ ji hante ɛn iyɛnɛng ngge ne iyɛɛ ɛTaanggbey ye.

1 ɛBiturus 3:9

Sɔng ɛ tal ɛn ibebhe de ne bebhe de nang. Sɔng ne ɛ ta tal ɛn tok ge ne tok ge nang. Yang sit ɛn nibhɛ ne ɛwɛng, daa ɛli ne ɛTaanggbey ya kɛ yel-le nyini te ɛɛ mɔn ɛn ɛlɛ wo, te ɛ sɛ ɛn ɛwɛng.

iKɔlɔsi 1:16

Daa ɛli ne kɛ lenɛ ne ɛbhɛ i ryɔng nikɔn na gbik, nikɔn ɛdaa ne irywa nɛ ninaa ndɔ ɛzay, nɛ nikɔn na ne i yaang nɛ ninaa ne hame i yaang. Kɛ lenɛ ne ɛbhɛ i ryɔng ikpabyik, ne igbɔm ne i yaang ne igbɔm ne hame i yaang, nɛ nigɔm mɛ. Gbik nikɔn na ne kɛ ryɔng ngo kɛ lenɛ ne ɛbhɛ te i nang ɛbhɛ ne ndiinday.

1 ɛTimɔti 4:8

iGbaat ne ibek ga bok iphyik, ishwɛɛ ihywɛɛ ne ishwɛɛ ɛTaanggbey da ne bok iphyik ga ndɔ nikɔn na gbik. Daa ɛli ne ishwɛɛ ihywee ne ishwɛɛ ɛTaanggbey da kɛ sim njwɛɛn iken ɛlyilyɛghaa wo gbik ne ɛzay ne ɛ yaaso.

iFisus 4:4

Ɛ so ɛn ibek idaan, iKabyik ɛTaanggbey idaan nɛ iphɛ so ndɔ mon. ɛLɛy dɔng sit ne irwisɛ ijwaan nɛ ne ta sonɛ ne kɛ yel-le nyini nɛ.

iFilibi 4:8

ɛTsim mɛ gbik nigwaa nge, te icwas mon da kyii daa ɛkɔn na ne ɛ so itin, ne ɛkɔn na ne ɛ kɛ hɔn sɛ nang ɛbhɛ ne ndiinday, ne ɛkɔn na ne ɛ sɛ so kancɛng, ne ɛkɔn na ne ɛ so wɛwɛy, ne ɛkɔn na ne ɛ yɛɛs ne ishwim, ne ɛkɔn na ne ɛ kɛ jam wɛɛ. Wu ɛdɛ ɛkɔn na sonɛ ne ɛ kɛ jam ɛ shɛs, ne ɛhaa ne ɛ kɛ hɔn idɛp, te icwas mon da ne kyii ne ɛdak kɛ.

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

iBirani 1:3

ɛNgɔn na ɛbhɛ so iwɛwɛy ne ndiinday ɛTaanggbey de, ɛɛ ne ta tɔɔsel ɛli ne ɛTaanggbey ya so. Ne ɛ ta so kancɛng ne ɛTaanggbey ya. Ɛ kɛ ne wum nikɔn na kyus lenɛ ne ibol ɛbhɛ ne iphɛ bok ihwet. ɛTsim mɛ ne ɛ kɛ phaal ɛnkiinɛ ne kuus ɛfɔt to, ne ɛ ji soos ɛcuruu ne igbɔm ne iwɔ ne irwye ɛTaanggbey ɛHaa ne Ndiinday gbik.

1 ɛBiturus 1:5

iSha mon nɛdee lɛ, nyinɛn no ne ɛTaanggbey ya i hyep nyini daa ne ihwet ɛbhɛ lenɛ ne ìnang ne itin mon de. iCwas ɛbhɛ da i bo te ɛ sɛ ɛn iphɔrɔt da ne sɛ phaal ɛtuk ne taal ɛzay ya.

iRooma 9:24

Njwɛɛn ne ma so ndɔ ninaa ne ɛTaanggbey ya kɛ yel-le wo, sɔng niYahodawa zɔng nang, gbik nɛ ninaa ne hame nibhɛ soye niYahodawa na.

iFilibi 3:8

Nggɛ bo nikɔn na gbik te isusɔng lenɛ ne nggɛ seng ɛDaray nge ɛYɛso ɛKiriti yegha. iSeng ngga ne nggɛ seng ɛKiriti yegha phyin nikɔn na gbik. Kɛ lenɛ ne ɛbhɛ nggɛ ne wɔs nikɔn na gbik, nggɛ bo nibhɛ te isusɔng te nzɛ iryat ɛKiriti de,

2 ɛBiturus 1:6

Daa ne iyɛɛ ɛTaanggbey ya ne ɛ hante ɛn ne wum ito mon, daa ne wum ito mon de ne ɛ hante ɛn ne irway nviit, daa irway nviit da ne ɛ hante ɛn ne ihywee ne ishwɛɛ ɛTaanggbey.

2 ɛBiturus 1:8

Daa ɛli ne wu ɛ bok ɛn nikɔn nɛnaa wo gbom mo, ɛ ta i hɔnɔs ɛn ndɔ nibhɛ, nibhɛ yaa ne te ɛ te ɛn cwacwat ɛ yɛk ɛn ikpam lenɛ ne iyɛɛ ɛDaray njwɛɛn ɛYɛso ɛKiriti yegha.

2 ɛBiturus 1:10

iPhɛ ɛlɛy, nigwaa en ne ɛ mɔn ɛn ɛkɔn na ne aa yɛɛ ne mɔn ɛn te iphɛ tɔɔrek wu ɛTaanggbey ɛbhɛ kɛ yel-le ɛ ta kasa nyini. Wu ɛ kɛ mɔn ɛn ɛlɛ wo, sɔng aa ne kyibhɛ ɛn ɛ ta ho ɛn nang.

2 ɛBiturus 2:20

Yung yaang ɛbɛ, ninyi na kɛ sɛ iphɔrɔt ndɔ ibebhe ne ɛzay yɛdee wo, lenɛ nɛ nibhɛ kɛ seng ɛDaray njwɛɛn ɛYɛso ɛKiriti ye ne ɛbhɛ ɛ so ɛhaa ne phɔt njwɛɛn. Wu nibhɛ kɛ ne kyi ta kyii nibhɛ lel ndɔ ne ibebhe yɛdee nggyɛ wo, nibhɛ teye nikpuru ne iphɛ, ɛtsak ishwɛɛ ɛtsim ninyi yɛnaa nggyɛ wo yaa ne phyin ivaa ɛyisɛ da ne ibebhe.

2 ɛBiturus 3:18

Yang raras ɛn ndɔ ne izɛɛng gbik ne ishweng ɛDaray njwɛɛn ɛYɛso ɛKiriti, ɛhaa ne phɔt njwɛɛn. Te ne nang ɛbhɛ ne ndiinday ne inat! Ɛɛy.