2 ɛBiturus 1:19 - ɛWee ne ìTsɛm iHywas

¹⁹ iPhɛ ɛlɛy, njwi kɛ ne hante ne yɛk ihwet daa ne ivol ninabawa de nɛ nibhɛ kaa tɔng ngo. iPhɛ kɛ ne jam mɛ ɛ kyii ɛn ne ihywɛɛ mon yɛnɛng daa ne iphɛ, daa ɛli ne iphɛ so te igboo ne ifɛ tol i ndɔ gbyik ihwɛlɛ phyii wuru. iWɛwɛy ɛDaray de i ne tol ndɔ ne irway mon da te ɛli ne ɛyuyɔrɔ ɛraam ne ihwɛlɛ gha i tol ɛzay ya.

2 ɛBiturus 1:19 ပူးပေါင်းရင်းမြစ်များ

ɛMacu 4:16

Ninyi nɛ nibhɛ so ndɔ igbyik, nibhɛ kɛ yaang ɛgbaang ɛwɛwɛy. Gbik ɛli nɛ nibhɛ so ne ivel da ne izazurum ne iku de kɛ te gyɔɔ wo, ɛwɛwɛy kɛ ne jung wuru ɛbhɛ tol nibhɛ.”

ɛYohana 5:35

ɛYohana gha kaa so te ɛPitila ne ɛbhɛ kaa re ɛbhɛ naas iwɛwɛy, ne ɛ sim ɛn aa roos ɛn iwɛwɛy yɛ ɛ phok ɛn iyɛnɛng ngɛ ndɔ ne nten ncɛt.

ɛYohana 5:39

Ɛ phɛl ɛn ɛWee ne iBol ɛTaanggbey yo cɛcɛɛy daa ɛli ne ɛ wɛɛ ɛn te ndɔ yɛ ne aa sɛ ɛn ne iken ne inat de. iVol lɛdaa nggyɛ wo ifɛ ne bol daa ne ito nge.

ɛYohana 8:12

ɛYɛso gha ne ta boote nɛ ninyi na, ɛ yaak nibhɛ, “Mee nzo iwɛwɛy ɛzay de, ɛhiha ɛnyi ne ɛɛ roos me wo nang, sɔng aa ne hyel ndɔ gbyik kang, aa yang bok iwɛwɛy ne iken.”

ɛTomɛ 15:29

Nibhɛ naa ɛlɛ: sɔng ɛ re ɛn ire ne ikpii nang, sɔng ne ɛ re ɛn inwam ne kɛ sang hyɛ nang, sɔng ɛ re ɛn inwam nɛ neyi yɛ nang, sɔng ne ɛ ra ɛn nzangas nang. Wu ɛ kɛ mɔn ɛn nikɔn nɛ na wo, ɛ kɛ mɔn ɛn ɛkɔn na ne ɛ kɛ jam. Shɛɛ ɛn ncaang.’ ”

ɛTomɛ 17:11

niYahodawa ne iBiriya na ne kaa ne phyin ninaa ne iTasɔlɔnika na ne iyɛnɛng. Nibhɛ kaa say ibol nibhɛ de ne irway ihwala, nibhɛ phɛl ɛWee ne iBol ɛTaanggbey yo izenge ne ihwɛlɛ tɛ nibhɛ yaang hang ibol ɛBulus de so itin nɛ yoo.

iBirani 2:2

iBol de nɛ nimalɛka na kaa tɔng nikyɛɛ-nikyɛɛ njwɛɛn na kaa so itin nɛ ɛtsak, iphɛ ne ta so itin nɛ wu gbik ɛnyi gha ne ɛ kaa mbaray tang roos iphɛ wo ɛ kaa sɔ nggbang ngga ne mpɛ so kacɛng ne ɛkɔn na ne ɛ kɛ mɔn no.

ɛYakub 2:8

Wu ˆɛ kɛ ne ɛ roos ɛn iMɛmɛ ne igbɔm ɛTaanggbey da ne kɛ haa ndɔ ɛWee ne iBol ɛTaanggbey de i bo, “Sim ɛhaa ɛcɛcɛk mo gha ɛli ne ɛ sim ito mo,” ˆɛ kɛ ne mɔn ɛn ɛkɔn ɛyɛnɛng.

1 ɛBiturus 1:10

Daa ne ibol ne iphɔrɔt tɛdee wo, ninabawa na nɛ nibhɛ kaa tɔng ibol lɛ wo kaa bo nten nibhɛ phɛl iphɛ tɛ nibhɛ seng ibol ne izɛɛng ngɛdee wo ne ɛTaanggbey ya sɛ nang nyini wo.

1 ɛYohana 5:10

Gbik ɛnyi gha ne ɛ kɛ nang ne itin nɛ ne ɛNgɔn ɛTaanggbey ya, ne ɛ bok ishɛɛda yɛdee wo ndɔ ne irway ɛbhɛ. Gbik ɛnyi gha ne ɛ kɛ ne sang nang ne itin nɛ ɛTaanggbey ya, ɛ kɛ ne bo ɛTaanggbey yegha ɛ so ɛhaa ne irywɛɛk. Daa ɛli ne ɛ kɛ sang nang ne itin nɛ ne ishɛɛda ɛTaanggbey de ne ɛ kɛ nang daa ɛNgɔn ɛbhɛ gha.

3 ɛYohana 1:6

Ninyi yɛnaa nggyɛ wo ne ˆɛ kɛ phyik nibhɛ wo i naas ishɛɛda ne ishwim mo da ndɔ ne idira ninaa ne roos de. Re ɛnu ɛyisɛ ne phyighis nibhɛ ndɔ ne ihywel nibhɛ da ɛli ne iphɛ yaa nang ɛTaanggbey yegha irway ihwala.

Nikɔn ne kɛ Phaal 2:28

“ɛLi ne nggɛ say igbɔm da ɛlɔ ɛKyɛɛ nge gha, nzɛ ne nang ɛbhɛ igbɔm ba, ne n da nang ɛbhɛ ɛyuyɔrɔ ɛ ɛraam ne ihwɛlɛ gha.

Nikɔn ne kɛ Phaal 22:16

“Mee ɛYɛso, nggɛ tom ɛmalɛka nge te ɛ yɛɛs ɛ tɔng nyini ivol lɛdaa wo ndɔ ne ijwira ninaa ne roos da. Mee nzo iling ne ijwee ɛDoda, n da so icwaang ɛbhɛ. Ne nzo ɛgbaang ɛyuyɔrɔ ɛraam ne ihwɛlɛ ne ɛ tol.”