2 ɛBiturus 1:16 - ɛWee ne ìTsɛm iHywas

¹⁶ Sɔng ivol ne nggbyɛrɛs ne njwi kaa tas ndɔ ne ntsɛntsɛng mos njwi tɔng nyini nten de ne njwi kaa tɔng nyini ibol ne ihwet ɛDaray njwɛɛn ɛYɛso ɛKiriti gha gbik ne iyɛɛs ɛbhɛ da nang. Ne irwisɛ mos, njwi kaa yaang ito-ndiinday ɛbhɛ de.

2 ɛBiturus 1:16 ပူးပေါင်းရင်းမြစ်များ

ɛMacu 16:27

ɛNgɔn ɛnyi gha sɛ ne yɛɛs ndɔ ne ito-ndiinday ɛKyɛɛ ɛbhɛ nɛ nimalɛka, ɛ mɔn ɛrɔngɔ iyɛnɛng daa ɛkɔn na ne ɛ kɛ mɔn.

ɛMacu 16:28

Nzi tɔng nyini itin nɛ, ɛbyin mon so ɛbɛ wo ne hame nibhɛ sɛ kus nyɛɛn nibhɛ kyi yaang ɛNgɔn ɛNyi yaaso ndɔ ne igbɔm ɛbhɛ da.”

ɛMacu 17:1

Kɛ ne sɛ nituk ɛtaraa kɛ phee, ɛYɛso gha ne bo ɛBiturus se, ne ɛYakub, ne ɛgwaa ɛbhɛ ɛYohana ɛ phɛ nɛ daa ɛco ne idɛ gbaang ne ɛwarang ngo, nibhɛ bhɛ shɛɛ nɛ ɛdak kɛ ndɔ nibhɛ.

ɛMacu 24:27

ɛTuk ne yɛɛs ɛNgɔn ɛNyi gha so te irywa ne te derep ne ifɛ te derep ifɛ tolte ɛzay gbik, ifɛ le daa ne iwap ɛdak ifɛ bhɛ hɔn iwap ɛkɔrɔk.

ɛMacu 24:3

Kɛ ne sɛ ɛYɛso gha kɛ soos daa ne iGol Niphaa de, ninɔn ne icwam ɛbhɛ na ne bhɛ sɛ ɛbhɛ gying, nibhɛ phom ɛbhɛ nibhɛ yɔngɔ, “Tɔng njwii, nggyibhii nɛ nikɔn nɛnaa wo sɛ tes soo? ɛYakɔn ɛbhɛ sɛ ne tɔɔrek nyu ne yɛɛs mo de ne izee ne taal ɛzay dee?”

ɛMacu 28:18

ɛYɛso gha ne yɛɛs cɛcɛk, ne ɛ yaak nibhɛ, “Kɛ nang me igbɔm ɛdaa ne irywa da ne ivaa ndɔ ɛzay ya gbik.

ɛMarakus 13:26

Nɛ nten nɛ, ninyi na ne ji yaang ɛNgɔn ɛNyi gha kɛ wuru ndɔ ne inɔp, ne ito-ndiinday ne igbɔm ɛ yaaso nɛ.

ɛMarakus 14:62

ɛYɛso gha ne kyii nɛ ɛ yaak ɛbhɛ, “Me nzo me ɛbhɛ.” Ɛ sɛ yaang ɛn ɛNgɔn ɛNyi gha, kɛ soos ne iwɔ ne irwye ɛDaray ɛTaanggbey yo, n yaaso ndɔ ne inɔp ɛdaa ne irywa.

ɛLuka 1:2

Nibhɛ kɛ haa nikɔn na ne njwi kɛ phok ɛnu ninaa nɛ nibhɛ kaa yaang ɛli nɛ nibhɛ kɛ tes so, nibhɛ ji tɔng ibol lɛ wo.

ɛLuka 9:43

Gbik ninyi na ne yaang ɛkɔn ne kparat, daa ne igbom ɛTaanggbey de. Ninyi na gbik kaa ne wum en zii daa nikɔn ne ɛYɛso gha kɛ mɔn no, ne ɛ boote nɛ ninɔn ne icwam ɛbhɛ na, ɛ yaak nibhɛ,

ɛYohana 1:14

iBɔrɔk ne ibol de kaa ne teye ɛTen ɛsii ɛ shɛɛ ndɔ njwɛɛn, njwɛɛn ne yaang ndiinday ɛbhɛ, ndiinday de ne iphɛ so idee ɛNgɔn ɛDaan ɛKyɛɛ. Ɛ kaa ne so hyɔrɔ ne izɛɛng gbik ne itin ne ibol.

ɛYohana 17:2

Daa ɛli ne ɛ kɛ nang ɛbhɛ igbɔm daa ninyi na gbik, te ne ɛ nang gbik ninyi na ne ɛ kɛ nang ɛbhɛ wo iken ne inat.

iRooma 1:4

Ndɔ ne ibol de ne ɛ le ɛlɔ ɛTaanggbey ya ne idee ne iwɛwɛy ɛbhɛ de nang, kaa ne tɔɔrek ɛli ne ɛ so ɛngɔn ɛTaanggbey ya nten de ne kaa yiisik ɛbhɛ tsik ndɔ ne ikpuu da lenɛ ne ihwet ne iKabyik ɛTaanggbey de. Ɛbhɛ ne ɛ so ɛYɛso ɛKiriti ɛDaray njwɛɛn.

1 iKɔrɔntos 1:17

Phok ɛn, sɔng ɛKiriti gha kɛ tom me wu te n yaak ninyi ne ibatisima nang, ɛ kɛ yang tom me te n sanga ibol iyɛnɛng ngge, sɔng ndɔ ne ntsɛntsɛng ɛten ɛsii nang, daa ɛli ne ibol ne iku ɛKiriti de daa ne ihon no yaa yung te buu.

1 iKɔrɔntos 1:23

Njwit to, njwi ne tɔng ibol ɛKiriti ne kɛ gangat daa ne ihon. iBol lɛ kɛ teye ɛkɔn ne kyibhɛ niYahodawa na, iphɛ ne kyi ta teye iwamang ɛlɔ ninyi na ne hame nibhɛ so niYahodawa na.

1 iKɔrɔntos 1:7

iPhɛ ɛlɛy, sɔng ɛ kɛ ne wɔs ɛn ɛdɛ ɛwɛng ne ikabyik ka ɛli ne ɛ kɛ sit ɛn irwisɛ ɛ hyep ɛn ibhɛ kyii ɛDaray njwɛɛn ɛYɛso ɛKiriti yegha nang.

1 iKɔrɔntos 2:1

Nigwaa en, ɛli ne nggaa yɛɛs ɛlɔ mon na, sɔng nggaa ne bol ne nyinɛn ndɔ ne yɛɛ ne ivol gbik ne ntsɛntsɛng ɛten ɛsii ɛli ngga tɔng nyini ibol ɛTaanggbey de ne kaa rɛɛ wo nang.

1 iKɔrɔntos 2:4

Sɔng nggaa tɔng ibol iyɛnɛng ngge de ndɔ iwɔrɔp, ne ntsɛntsɛng nang. iVol nge da kaa yang tɔɔrek igbom ne iKabyik ɛTaanggbey,

1 iKɔrɔntos 5:4

I sɛ ɛ kɛ tum ɛn nyini ndɔ ne irywɛɛk nge wo, icwas nge ne so daa mon, gbik ne ihwet ɛDaray njwɛɛn ɛYɛso.

2 iKɔrɔntos 2:17

Sɔng njwi so te ɛbyin ninyi na nɛ nibhɛ sanga ibol ɛTaanggbey de tɛ nibhɛ tɔk iryat nang. Njwi yang so ninyi ne ɛTaanggbey ya ɛbhɛ ɛ kɛ tom njwii, njwii ne bol itin nɛ ɛTaanggbey i ne yɛɛ, daa ɛli ne njwi so ninaa ɛtomɛ ɛKiriti gha.

2 iKɔrɔntos 4:2

Njwi kɛ yang mbaray nikɔn ncwa na ne i rɛrɛs so, sɔng njwii iwul irywɛɛk nang, sɔng njwii hyeem ibol ɛTaanggbey de njwi tɔng nang. Njwii yang tɔng itin de wɛsɛrɛk, ɛTaanggbey i yɛɛ iphɛ ɛlɛy, gbik ninyi na ne yɛɛ wu iphɛ so itin nɛ ndɔ ne irway nibhɛ.

iFisus 4:14

Kɛ mɔn ɛlɛ wo te njwɛɛn kɔɔng nge kaan ne ihywɛɛ njwɛɛn de tɛ ninɔn nishɛɛrɛng nga. Te njwɛɛn sang teye ninyi ne i kaan ne ihywɛɛ nibhɛ te icwen ne igbil kɛ luu. Te njwɛɛn sang teye ninyi ne imɛmɛ ne iluk i hyeem ihywɛɛ nibhɛ ifɛ bok ngɛ nilɔ na kang-ka-kang.

iFilibi 3:21

Ɛbhɛ ɛ bok ihwet ne kyii nɛ nikɔn na gbik ndɔ ne igbɔm ɛbhɛ. Sɛ ne lenɛ ne ihwet ɛbhɛ yɛdaa nggyɛ wo, ɛ hyere ibek ne taasek njwɛɛn nɛdee wo iphɛ teye idee ne ito-ndiinday te idee ɛbhɛ.

1 iTasɔlɔnika 2:19

iKyee iphɛ ne so ɛkɔn ne sit irwisɛ mos, ne irway ihwala mos, ne ɛkɔn ne ito ne igbɔm mos, ne ɛkɔn ne hal ɛgyɛy mos ɛnu ɛyisɛ ɛDaray njwɛɛn ɛYɛso gha ɛtuk ne yɛɛs ɛbhɛ gha kang ne nyinɛn noo?

2 iTasɔlɔnika 2:9

Sɛ seng ɛsang-phok ka daa ɛtomɛ ne ihwet ɛShɛtan. Ɛ sɛ mɔn nikɔn ne kparat, ne ikyarakyut gbik nɛ nikɔn nɛ nibhɛ so ishoo yɛ ihywee-ihywee.

1 ɛTimɔti 1:4

Yaak nibhɛ tɛ nibhɛ kɔɔng tɔng ivol ne nggbyɛrɛs da gbik ne ibol ne irɛɛk nikyɛɛ-nikyɛɛ de ne iphɛ sang bok ɛgak ko. Daa ɛli ihywee nikɔn nɛnaa wo i yɛɛs ne ishamas zɔng. Sɔng nibhɛ phyik ne ɛkɔn ndɔ ɛtomɛ ɛTaanggbey ya ne i saras lenɛ ne ìnang ne itin de nang.

1 ɛTimɔti 4:7

Shɛɛ kyaam ne nggbyɛrɛs ne bɛɛs ɛTaanggbey yegha gbik ne ivol ɛbuu da. Yang gbaat ito mo te ɛ shɛɛ ihywee ne ishwɛɛ ɛTaanggbey da.

ɛTitus 1:14

Tɛ nibhɛ kɔɔng nge tenes nggbyɛrɛs niYahodawa da ne ifɛ sang so itin de. Tɛ nibhɛ ta kɔɔng nge roos ikpii ninyi da nɛ nibhɛ mbaray itin de.

2 ɛBiturus 2:3

Ndɔ ne irisɛ nibhɛ de, nikyɛɛ ne icwam mɛnaa nggyɛ wo sɛ ne tɔng nyini irywɛɛk nɛ nibhɛ kɛ ku ryɔng nge nɛ tɛ nibhɛ sɛ ɛkɔn ne ibek mon. ɛHaa ne bol ɛshara nibhɛ gha kaa ne ku hyɛ nibhɛ ɛshara gha ne ile, ɛshara nibhɛ gha i ne hyep nibhɛ.

1 ɛYohana 4:14

Njwi kaa ne yaang njwi ne tɔng ninyi wu ɛTaanggbey ya kɛ tom ɛNgɔn ɛbhɛ te ɛ teye ɛHaa ne Phɔt ɛzay ya.

ɛYahuza 1:14

ɛNɔk ka ne ɛ so ɛhaa ne izam ɛniitaa yɛ lenɛ ne ɛDɛmu ma, kaa ne ma ku boote daa ninyi yɛnaa wo ɛ yɔngɔ, “Yaang ɛn ɛDaray ya yaaso nɛ nimalɛka ɛbhɛ ne kɛ tul kang nɛ nibhɛ kɛ hɔn ninom ma daa ɛco ninom ne ᐩishin daa ɛco ne ᐩishin,

Nikɔn ne kɛ Phaal 1:7

Yaang ɛn! Ɛ yaaso ndɔ ne inɔp, ninyi na gbik sɛ yaang ɛbhɛ, nɛ ninaa nɛ nibhɛ kɛ tolo ɛbhɛ ne nibhɛ kugha wo. iLwem ɛzay da gbik sɛ san ɛbhɛ. ɛTsak! Ɛlɛy ne phɛ sɛ te. Ɛɛy.