2 ɛBiturus 1:12 - ɛWee ne ìTsɛm iHywas

¹² iPhɛ ɛlɛy, naa ne i tas nyini nɛ nikɔn nɛnaa wo cɛcɛɛy, gbik ɛli ne ɛ jung yɛɛ ɛn nibhɛ wo, ɛ kɛ ta kyinak ɛn gɛgɛy daa ne itin de ne ɛ kɛ say ɛn no.

2 ɛBiturus 1:12 ပူးပေါင်းရင်းမြစ်များ

ɛTomɛ 16:5

iPhɛ ɛlɛy idira ninaa ne roos de ne hante ne ihwet ndɔ ne ìnang ne itin de, nibhɛ ne ta i hanas se nɛ nibhɛ tes gbogbom.

iFilibi 3:1

ɛTsim mɛ gbik nigwaa nge ne nzi sim, yɛk ɛn irway ihwala daa ɛli ne ˆɛ so ɛn ndɔ ɛDaray ya. Sɔng iphɛ some ɛkɔn ne tak iyɔm nggyi ta haa nyini nikɔn nɛnaa wo nang. Nikɔn nɛnaa wo yang so tɛ nibhɛ phyik nyini.

iKɔlɔsi 1:5

Daa ɛli ne ìnang ne itin mon de so daa nikɔn na ne ɛ kɛ yɛk ɛn ne irway ne kɛ tek nyini nɛ daa ne irywa. Ɛ kaa tsa ɛ phok ɛn ibol nikɔn nɛdee wo ndɔ ne ibol ne itin de ne iphɛ so ibol iyɛnɛng ngge.

iKɔlɔsi 2:7

ˆƐ see ɛn iling ˆɛ lɔl ɛn nyini ndɔ ɛbhɛ te ìnang ne itin mon de yɛk ihwet ɛli ne njwi kɛ ku mɛmɛ nyini nɛ wo, irway ihwala mon da yɛɛnɛ njɛnjɛt ɛbyin nɛ loghɛt.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

2 ɛTimɔti 1:6

iPhɛ phɛ kɛ te nzi tas sɛ nɛ, nzi bo te ɛ shɔke ne igboo ne ìnang ngga ne ɛTaanggbey ya kaa nang ngɛ lenɛ ne nggɛ yɛk kɛ ne iwɔ ɛwɛng ngo.

iBirani 10:32

Taate ɛn nɛ ɛli ne iphɛ kaa te ne nyinɛn ne ira ɛtsim ba, nten de ne ɛ kaa tsa ɛ say ɛn iwɛwɛy de, ɛ sɔ ɛn nggbang ngga ɛ kyinak ɛn ne irway nviit da.

iBirani 13:9

Sɔng ˆɛ tek ɛn imɛmɛ ifas, ihywee-ihywee kpuru ihywɛɛ mon de nang. iPhɛ kɛ jam mɛ ˆɛ hante ɛn irway mon ne ihwet ne izɛɛng ɛTaanggbey, sɔng daa ne roos ikpii ne re ire nang. Sɔng ninyi na nɛ nibhɛ roos ikpii yɛdaa nggyɛ wo i sɛ iphyik nang.

1 ɛBiturus 5:10

Yaa ne sɛ ɛ kɛ sɔke ɛn ne nggbang ngga ndɔ nten ncɛt nang, ɛTaanggbey ne ɛ so ɛhaa ne izɛɛng nga gbik ko, ne ɛ kɛ yel-le nyini wo te ɛ sɛ ɛn ihop ndɔ ne ndiinday ne inat ɛbhɛ de lenɛ ne ɛYɛso ɛKiriti gha, sɛ ne te nyini niphas sɛ, ɛ lɔl nyini, ɛ te nyini hyɔrɔ, ɛ ji hante nyini ne ihwet. Ɛbhɛ wo ne ito ɛbhɛ ɛ sɛ mɔn ɛlɛy wo.

1 ɛBiturus 5:12

ɛSilibanos ne ɛ soye ɛgwaa, ɛhaa ne ɛ so sɛ kyinak daa ne ibol ɛbhɛ ndɔ ne ibol ne roos de, ɛbhɛ kɛ phyik me ne haal ɛwee yɛwoo wo. Nggɛ ne haal ncɛt te n te nyini itsɔngɔl gɛgɛy, n da yaak nyini wu iyɛnɛng ntin ɛTaanggbey yɛdee wo, kyinak ɛn gɛgɛy nɛ ndɔ yɛ.

2 ɛBiturus 1:13

Nzi wɛɛ te iphɛ kɛ jam mɛ nzɛɛ ku i tas nyini nɛ nikɔn nɛnaa nggyɛ gbik nten de ne nzo ɛken,

2 ɛBiturus 1:15

iPhɛ ɛlɛy, naa ne mɔn ɛkɔn na ne naa yɛɛ ne mɔn nɛ te n tek nyini nɛ nikɔn nɛnaa wo ne ɛ sɛɛ i tas ɛn nɛ ɛtsim ne iku nge gha.

2 ɛBiturus 3:1

Nigwaa nge ne nzi sim, ɛwee ne ifaa yɛwoo wo ne nzi haa nyini nɛ. Ngge ne haa nyini ifɛ gbik te n taate nyini nɛ te ɛ tas ɛn ihywee ne icwas da ne ɛTaanggbey ye i sim ne irway mon gbik.

2 ɛBiturus 3:17

iPhɛ ɛlɛy, nigwaa nge ne nzi sim, daa ɛli ne ɛ ku yɛɛ ɛn ɛlɛ wo, ne ɛ shɛɛ ɛn ɛkanang, ɛlɔ nɛ imɛmɛ ne irywɛɛk ne ninaa ne sang roos ikpii da yaa yung hɔ ihywɛɛ mon nibhɛ te nyini ɛ ho ɛn.

1 ɛYohana 2:21

Sɔng nggɛ haa nyini nɛ daa ɛli ne ˆɛ doo ɛn itin de nang. Nggɛ yang haa nyini nɛ daa ɛli ne ˆɛ yɛɛ ɛn itin de. ˆƐ ta yɛɛ ɛn sɔng itin de i yɛk irywɛɛk nang.

2 ɛYohana 1:2

Njwii sim nyini wo daa ɛli ne itin ne ibol so ndɔ mos, iphɛ yaa ne ku i shɛɛ ndɔ mos so ishwɛɛ ne inat.

ɛYahuza 1:17

Nyinɛn nigwaa en ne nzi sim, ne ˆɛ taate ɛn ne ɛkɔn na nɛ ninɔn ne tom ɛDaray njwɛɛn ɛYɛso ɛKiriti gha kaa ku tɔng wu ɛ sɛ te wo.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.

ɛYahuza 1:5

Nzi yɛɛ ɛ ku yɛɛ ɛn ibol lɛdee wo, nzi ne sim na ne taate nyini nɛ wu ɛTaanggbey ya kaa phɔt ninyi ɛbhɛ na ne ivel ne iMasad da, ne ɛ kyii mɔɔng ɛ bunga ninaa nɛ nibhɛ sang nang ne itin nɛ wo.