Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 ɛBiturus 1:1 - ɛWee ne ìTsɛm iHywas

1 ɛWee yɛwoo wo le ɛlɔ ɛSimɔn ɛBiturus ne ɛbhɛ ɛ so ɛkpuru ne ɛngɔn ne tom ɛYɛso ɛKiriti. Ɛbhɛ phɛɛs ɛlɔ ninyi ne kɛ lenɛ ne icik ɛTaanggbey ne ɛhaa ne phɔt njwɛɛn ɛYɛso ɛKiriti nibhɛ say ìnang ne itin ne iphɛ shɛs ne yɛnɛng te idee mos.

အခန်းကိုကြည့်ပါ။ ကော်ပီ




2 ɛBiturus 1:1
40 ပူးပေါင်းရင်းမြစ်များ  

Nibhɛ kaa ne so ɛlɛ: ɛHaa ɛyisɛ yɛ kaa so ɛSimɔn ne ɛYɛso gha kaa nang ɛbhɛ idɛ irywɛɛk ko ɛ bok ɛbhɛ ɛBiturus, ne ɛgwaa ɛbhɛ ɛNdarawus, ne ɛYakub ne ɛ so ɛngɔn ɛZɛbɛdi, gbik ne ɛgwaa ɛbhɛ ɛYohana.


Kaa ne sɛ ɛYɛso gha i hyel ɛmbambang ne ɛLing ne iGalili gha, ne ɛ yaang nidɛng nigwaa na ifaa, ɛSimɔn ne i ta bok ɛbhɛ ɛBiturus, ne ɛgwaa ɛbhɛ ɛNdarawus. Nibhɛ kaa ne i cwaasek ne ɛkara ndɔ ɛling nga daa ɛli nɛ nibhɛ so ninaa ne lok izing.


iKabyik nge bok irway ihwala ne ɛDaray ɛhaa ne phɔt me,


iPhɛ, iphɛ kɛ te ɛTaanggbey ya, ndɔ ne ntsɛntsɛng ɛbhɛ de, ɛ kaa boote ɛ yɔngɔ, “Naa tom nibhɛ nɛ niNabawa na, gbik nɛ ninɔn ne tom nge, nibhɛ sɛ ne bhɛ phobho nidɛng, nibhɛ ne ji baasek nidɛng nggbang.


ɛNdarawus sa ne phɛ ne ɛSimɔn na ɛlɔ ɛYɛso gha. ɛYɛso gha ne yɛɛn ɛSimɔn negha ne ɛ ji yaak ɛbhɛ, “I bok kɛ ɛSimɔn, ɛngɔn ɛYohana, yaa ne yaa bok kɛ ɛKyɛfas.” Kaabi i bo “iKɛɛ.”


ɛNyi gha ne ɛ sim aa mɔn me ɛtomɛ gha, iphɛ ne so nggbinggbing ɛ roos me; te ɛlɔ gha ne nzo nɛ, te ɛkpuru nge gha ne ma so ne ɛlɔ yɛ ne mang. ɛKyɛɛ nge gha sɛ ne nang ɛnyi gha ne ɛ mɔn me ɛtomɛ ne ndiinday.”


ɛYɛso gha ne ta yaak nibhɛ, “Te irway ne laal shɛɛ ne nyinɛn! ɛLi ne ɛkyɛɛ gha kɛ tom me wo, nzi ne ma tomos nyini.”


ɛSimɔn ɛBiturus sa kaa tɔng njwɛɛn ɛli ne ɛTaanggbey ya kaa tɔɔl ishwim ndɔ ninyi na ne hame nibhɛ so niYahodawa na ɛli ne ɛ kaa bo nidɛng ndɔ nibhɛ wo nibhɛ teye ninaa ɛbhɛ.


ɛBulus ne ɛ so ɛkpuru ɛYɛso ɛKiriti ne ɛYɛso, ne ɛTaanggbey kɛ yel-le ɛbhɛ te ɛ teye ɛngɔn ne tom ɛDaray, ɛ ta kasa ɛbhɛ te ɛ sanga iBol iYɛnɛng ɛTaanggbey.


Kaabi nzi bo te njwɛɛn byinkit i te en itsɔngɔl gɛgɛy ngkak. Te n te nyini itsɔngɔl gɛgɛy, ɛ ma te ɛn mɛɛn itsɔngɔl gɛgɛy ndɔ ne ìnang ne itin de.


Daa ɛli iBol iYɛnɛng ngge iphɛ phaal ɛli ɛTaanggbey ya i say ɛnyi wu ɛ so cik. Ninyi na ne say icik kɛdee nggɛ wo lenɛ ne nang ne itin nɛ, ɛli ne kɛ haa i bo: “ɛCik ka yaa shɛɛ ɛken lenɛ ne nang ne itin nɛ.”


ɛTaanggbey ya ɛbhɛ kɛ te ɛ so ɛn ndɔ ɛYɛso ɛKiriti gha, ɛbhɛ ta te ɛKiriti gha teye ntsɛntsɛng njwɛɛn. Kɛ ne lenɛ ne ɛKiriti gha ɛTaanggbey ya say njwɛɛn wu njwɛɛn so cik ɛnu ɛyisɛ ɛbhɛ, njwɛɛn ta teye ninyi ne wɛwɛy ɛTaanggbey ya, njwɛɛn ta teye ninyi ne kɛ phɔt.


Mee nggɛ taasek n shɛs ndɔ ninɔn ne tom ma gbik, sɔng nggɛ ma yung hɔn ɛli ne sɛ yaak me ɛngɔn ne tom ma nang, daa ɛli ne nggɛ baasek idira ninaa ne roos ɛTaanggbey de nggbang.


Nzo ne ishwɛɛ ne ito nge. Hang ma n sang some ɛngɔn ne tom ɛYɛso gha naa? Hang nggɛ ma sang yaang ɛDaray ɛYɛso yegha naa? Hang kɛ ma sang lenɛ ne ɛtomɛ nge ɛ say ɛn ɛDaray yegha naa?


Kɛ ku haa ndɔ ne ɛWee ne iBol ɛTaanggbey yo i bo, “Nggɛ nang ne itin nɛ, iphɛ phɛ kɛ te nggɛ boote wo.” Daa ɛli ne njwi bok ikabyik ne ìnang ne itin idaan nɛ wo, njwi kɛ ne ma nang ne itin nɛ, iphɛ phɛ kɛ ne te njwii bol lo.


Sɔng ɛKiriti gha kɛ ku mɔn ɛfɔt nang, gbik ne phɛ ɛlɛy, ɛTaanggbey ya kɛ ne bo ɛbhɛ te ɛhaa ne ɛfɔt, te ne lenɛ ne ɛKiriti gha njwɛɛn ne te cik ɛnu ɛyisɛ ɛTaanggbey ya.


iPhɛ kɛ ɛlɛ wo daa ɛli ne ɛTaanggbey ya ne ɛ kɛ tom ɛBiturus segha ne ibol iyɛnɛng ɛbhɛ de ɛlɔ niYahodawa na, ɛbhɛ kɛ ne ma tom me ɛlɔ ninaa ne hame nibhɛ soye niYahodawa na te mbɛ tɔng nibhɛ ibol idaan nɛ.


Ne ile de, sɔng ɛTaanggbey ya kaa ku tɔng niten nisii ibol lɛdee wo nang. ɛLyilyɛghaa wo, ne lenɛ ne iKabyik ɛbhɛ, ɛ kɛ ne phaal ninabawa nɛ gbik nɛ ninɔn ne tom mɛ nɛ nibhɛ so kang.


Ɛbhɛ ɛ kɛ ne ta naas ninyi na ìnang ngga kang-ka-kang, tɛ nidɛng teye ninɔn ne tom, nidɛng teye ninabawa, nidɛng teye ninaa ne sanga iBol iYɛnɛng, nidɛng teye ninaa ne hyep ᐩigyol ɛTaanggbey, nidɛng teye nikyɛɛ ne icwam.


ɛDaray ɛdaan, ìnang ne itin idaan, ibatisima idaan nɛ.


ɛWee yɛwoo wo le ɛlɔ ɛBulus ne ɛTimɔti, nikpuru ɛYɛso ɛKiriti ɛbhɛ phɛɛs ɛlɔ ninyi ɛTaanggbey nɛ nibhɛ so ne iFilibi, gbik nɛ nindiinday ne idira ne ninaa ne roos gbik nɛ ninaa ne phyik ne ɛtomɛ ndɔ ne idira ninaa ne roos de.


Daa ɛli ne sɔng kɛ nang nyini izɛɛng ngge te ˆɛ nang ɛn ne itin nɛ ne ɛKiriti gha zɔng nang, kɛ nang nyini te ˆɛ ma sɔ ɛn nggbang ngga ɛlɔ ɛbhɛ gha ne mang.


n shɛɛ ndɔ ɛbhɛ. Sɔng yaa ne lenɛ ne icik nge ne nggɛ roos iMɛmɛ ɛMuusaa da gbyak ko nang, yaa yang lenɛ ne icik ge ne iphɛ le ne ìnang ne itin ne ɛKiriti. Kaabi icik ge ne i sɛ iphɛ ɛlɔ ɛTaanggbey lenɛ ne ìnang ne itin de.


Nggɛ taate ne ìnang ne itin mo da ne iphɛ so idee ne itin nɛ wo, ne iphɛ kaa tsa iphɛ so ndɔ ɛgyinɛ-ɛgyinɛ mo ɛLoos sa, ɛgyinɛ mo ɛYunis sa ta bok ko. Ngge ne nang ne itin nɛ ˆɛ ma bok iphɛ ɛlyilyɛghaa wo.


ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,


ɛbhɛ phɛɛs ɛlɔ ɛTitus, ɛngɔn ne itin nge ndɔ ne ìnang ne itin mos. Te izɛɛng gbik ne irway ne laal, ne ifɛ le ɛlɔ ɛTaanggbey ne ɛ so ɛTaa, ne ɛYɛso ɛKiriti ɛHaa ne Phɔt Njwɛɛn shɛɛ ne igyɛ.


Njwɛɛn i shɛɛ ɛlɛ wo i hyep ɛtuk ɛwɛng nga ne njwɛɛn kɛ yɛk ne irway da. Nten de ne ito-ndiinday ɛTaanggbey ne nindiinday ɛHaa ne Phɔt njwɛɛn ɛYɛso ɛKiriti gha sɛ tɔɔl le wo.


ɛWee yɛwoo wo le ɛlɔ ɛYakub, ɛkpuru ɛTaanggbey gbik ne ɛhaa ɛDaray ɛYɛso ɛKiriti. Ɛbhɛ phɛɛs ɛlɔ ninyi ɛTaanggbey ne kɛ te shwaa ndɔ ne igbagha ɛzay yo gbik ko te itaang ɛnduwubɔ ne iphɛ ifaa niSɛrɛla de. Nzi kyiisi nyini gbom.


ɛWee yɛwoo wo le ɛlɔ ɛBiturus, ɛngɔn ne tom ɛYɛso ɛKiriti, ɛbhɛ phɛɛs ɛlɔ ninyi ɛTaanggbey, ninaa ne ɛ kɛ kasa, ne kɛ te nibhɛ shwaa, nibhɛ kɛ tes en ninaa ne kpoo ne ivel ne iPantus, ne iGalatiya, ne iKapadosiya, ne iSiya, gbik ne iBitaniya.


Nggbang ngga kɛ yɛɛs nyini te mpɛ tɔɔrek iwɛwɛy ne ìnang ne itin mon da. I tɛɛsek iwɛwɛy ne izinariya de ne iphɛ so ɛkɔn na ne iphɛ yaa phyɔngɔle iphɛ taal le wo ne igboo. ɛLɛy ne i ne ma tɛɛsek iwɛwɛy ne ìnang ne itin mon de ne iphɛ phyin izinariya de ne ndiinday. ɛLɛ wo ne ìnang ne itin mon nɛdaa wo sɛ ne yɛɛs nyini ne idɛp, ne ndiinday, gbik ne igbom ɛtuk ka ne sɛ phaal ɛYɛso ɛKiriti yegha te igbagha ɛzay yo gbik yaang ɛbhɛ.


Nyinɛn no ne ɛ kɛ ne nang ɛn ne itin nɛ wo, ikɛɛ yɛdee nggyɛ wo ne so nyini ɛkɔn ɛyɛnɛng. Ninyi na nɛ nibhɛ kɛ ne mbaray tang nang ne itin nɛ wo nang, “iKɛɛ de nɛ ninaa ne lɔl ijwee na kɛ ne mbaray yo, iphɛ kɛ ne kyii teye ɛkangashi yɛ.”


Mee wo ne nzo ɛnu ne ikɔɔn na, ɛgwaa mon ɛhaa ne roos sa, nzi ne bol nɛ nigwaa ninu ne ikɔɔn na nɛ nibhɛ so ndɔ mon no. Nggɛ yaang ne irwisɛ nge nggbang ngga ne ɛKiriti gha kɛ sɔ wo, nzɛ ne ma sɛ ihop ndɔ ne ndiinday ɛbhɛ de ɛtuk ka ne ɛ sɛ yɛɛs so.


Kɛ ne lenɛ nɛ nikɔn nɛnaa wo ɛTaanggbey ya ne nang njwɛɛn ibol ɛbhɛ ne ɛ kɛ ku sim-mɛ, ne iphɛ shɛs ne yɛnɛng gbom. Te ne lenɛ ne nibhɛ te ɛ yɛɛ ne shɛɛ ɛn ne ɛbhɛ ndɔ ne iTaanggbey ɛbhɛ, ɛ ta phɔrɔt ɛn ndɔ ibebhe ɛzay de ne ihyop ne ibek ge i hɔ wo.


ɛWee yɛwoo wo le ɛlɔ ɛYahuza ne ɛ so ɛkpuru ɛYɛso ɛKiriti, ɛ ta so ɛgwaa ɛYakub. Ɛbhɛ phɛɛs ɛlɔ ninyi na ne ɛTaanggbey kɛ yel-le, nɛ nibhɛ shɛɛ ndɔ ne ishwim ɛTaanggbey ne ɛ so ɛTaa, ninaa ne ɛYɛso i hyep nibhɛ.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ