2 ɛTimɔti 4:17 - ɛWee ne ìTsɛm iHywas

¹⁷ ɛTaanggbey ya kaa ne phyik me ɛ nang me ihwet, te lenɛ ne me wo sanga ibol ɛbhɛ de gbik, tɛ ninyi na ne hame nibhɛ soye niYahodawa na phok iphɛ. Ɛ kaa ne phɔt me ɛnu ne izaa gha, kaabi ndɔ ɛshara ne iku gha.

2 ɛTimɔti 4:17 ပူးပေါင်းရင်းမြစ်များ

ɛMacu 10:19

Sɛ ne sɛ nibhɛ kɛ wumus nyini wo, sɔng ɛ sap ɛn ibol de ne aa phɛ bol ɛn nang. Nten nɛdee nggyɛ wo, sɛ bhɛ nang nyini ɛkɔn na ne aa bol ɛn.

ɛLuka 1:1

iGyɛ ne ndiinday ɛTiyɔfɔlɔs; ninyi gbom, kɛ ku haa nikɔn na nɛ nibhɛ kaa tes ndɔ njwɛɛn no.

ɛLuka 21:15

Nzɛ nang nyini ivol ne ntsɛntsɛng ɛli ne hame ɛdɛ ɛhaa ne iphup mon na sɛ yee ne hyere ibol mon de, ɛ ta re ishamas ne nyinɛn.

ɛTomɛ 23:11

Ne sɛ ɛlɔ yɛ kɛ teye ɛtuk, ɛDaray ya ne yɛɛs ɛ kyinak cɛcɛk ne ɛBulus sa ɛ yaak ɛbhɛ, “Te irway nviit! ɛLi ne ɛ kɛ tɔng ninyi na ibol nge de ne iYɛrushɛlɛm be iphɛ ne so nggbinggbing ɛ ta bhɛ tɔng iphɛ ɛlɛy ne iRooma de dɔng.”

ɛTomɛ 9:15

ɛDaray ya ne jung yaak ɛbhɛ, “Cwi, nggɛ ku kasa ɛShawulu yegha te ɛ mɔn me ɛtomɛ. Ɛbhɛ aa bhɛ tɔng ninyi na ne hame nibhɛ so niYahodawa na nɛ nigɔm gbik nɛ niSɛrɛla na ibol nge de.

iRooma 15:31

Boote ɛn ne ɛTaanggbey ya ɛli ne naa bhɛ sɛ iphɔrɔt ne iwɔ ninaa ne sang roos ne iYahudiya na, te iphyik ga ne n phɛɛs ne nang ne iYɛrushɛlɛm de bhɛ say ye ne irway ihwala ɛlɔ ninaa ne roos ɛlɔ yɛwo.

2 iKɔrɔntos 12:9

Ɛ kɛ ne yaak me, “iZɛɛng nge de kɛ hɔn nɛ nɛ, daa ɛli ne i lenɛ ne itaasek ga ne yaang ndiinday nge.” iPhɛ ɛlɛy naa ne hante ne hal ɛgyɛy ya ndɔ ne itaasek nge da ne irway ihwala te ihwet ne ndiinday ɛKiriti de shɛɛ ndɔ mee.

iFisus 3:8

Gbik ɛli ne mee nggɛ taasek n shɛs ndɔ ninyi ɛTaanggbey ya, ɛTaanggbey ya kɛ ne nang me izɛɛng ne sanga iBol iYɛnɛng ngɛdee wo ndɔ ninaa nɛ nibhɛ sang so niYahodawa na, ibol ɛwɛng ne ɛ sang ɛgak ne i sɛ lenɛ ne ɛYɛso ɛKiriti.

1 ɛTimɔti 1:12

N bok irway ihwala ne ɛDaray njwɛɛn ɛYɛso ɛKiriti gha, ne ɛbhɛ ɛ kɛ nang me ihwet da ndɔ ɛtomɛ yɛghaa wo. Ɛbhɛ ɛ kɛ yaang sɛ kyinak daa ne ibol nge, ɛ nang me ɛtomɛ ɛbhɛ gha.

2 ɛTimɔti 2:1

iGyɛ ne ɛngɔn nge wo, kyinak gɛgɛy ndɔ ne izɛɛng ngge ne ɛTaanggbey ya kɛ nang ngɛ ndɔ ɛYɛso ɛKiriti gha.

2 ɛTimɔti 2:9

Daa ɛli ne nzi tɔng iBol iYɛnɛng ngge, nzi ne sɔ nggbang gbom, kɛ phyii rop me te ɛnyi ɛbebhe. Gbik ne iphɛ ɛlɛy, sɔng yaa ne yɛɛ ne rop ibol ɛTaanggbey de nang.

2 ɛTimɔti 3:11

ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

2 ɛTimɔti 4:5

iGyɛ ne ɛTimɔti wo nang, wum ito mo ndɔ nikɔn na gbik, rop iku ndɔ ne nggbang ngga, mɔn ɛtomɛ ɛhaa ne sanga ibol iyɛnɛng ngge, shwaak ɛtomɛ mo gha gbik ɛli ne ɛ so ɛkpuru ɛTaanggbey ya.

ɛTitus 1:3

Kaa ne sɛ nten nɛ kɛ tuu, ne ɛ phaal itin de ndɔ ne ibol ɛbhɛ. iPhɛ ne nzi ne sanga wo, iphɛ ne kɛ tek me nɛ ne iwɔ nge lenɛ ne boote ɛTaanggbey ɛHaa ne Phɔt Njwɛɛn.

iBirani 11:33

Kaa lenɛ ne ìnang ne itin nibhɛ de, nibhɛ ne re nigɔm ne itsom, nibhɛ bol ɛshara ntin, nibhɛ ne say ɛkɔn na ne ɛTaanggbey kɛ ku sim-mɛ, nibhɛ cwamas ninu nikuramanza.

1 ɛBiturus 5:8

Wum ɛn itso mon ɛ shɛɛ ɛn ɛkanang. ɛHaa ne iphup mon na, ne ɛ so ɛShɛtan na i kaan, ɛɛ bunga ikun te ɛkuramanza, ɛɛ tɔk ɛnyi ne aa kpɛɛ, ɛ re.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.