2 ɛTimɔti 3:15 - ɛWee ne ìTsɛm iHywas

¹⁵ Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

2 ɛTimɔti 3:15 ပူးပေါင်းရင်းမြစ်များ

ɛMacu 22:29

ɛYɛso gha ne kyii nibhɛ nɛ, ne ɛ yɔngɔ, “Ɛ kɛ ben ɛn, sɔng ɛ yɛɛn ɛWee ne ibol ɛTaanggbey yo gbik ne ihwet ɛbhɛ da nang.

ɛLuka 1:15

Ɛ sɛ so ɛgbaang ɛnyi ɛnu ɛyisɛ ɛDaray ya. Sɔng ɛ sɛ ne sɔ inɛn nzɔwɔkɔk nang, sɔng nɛ ɛ ta sɔ idee ne iphɛ yaa te ɛbhɛ ito ziizii nang. Sɛ ne yɛk ɛbhɛ ne iKabyik ɛTaanggbey hyɔrɔ ne ile ne ne shesheng ɛbhɛ.

ɛLuka 2:40

ɛNgɔn na ne hɔn, ɛ yɛk ihwet. Ne ɛ bok ntsɛntsɛng gbom, iyɛnɛng ɛTaanggbey ne so daa ɛbhɛ.

ɛLuka 24:27

ɛYɛso gha ne ji kpɛl nibhɛ ɛkɔn na ne ɛWee ne iBol ɛTaanggbey yo kɛ bol daa ne ito ɛbhɛ de. Ɛ kaa tsa ne ɛkɔn na ne ɛMuusaa kɛ bol ɛ phyii bhɛ hɔn ne ɛhaa nɛ ninabawa na kɛ ma bol lo.

ɛLuka 24:32

Nibhɛ ne yaa phomos en ndɔ nibhɛ, nibhɛ bo, “Sɔng irway mos ba kɛ maa re te igboo wo nten de ne ɛ kɛɛ bol ne njwii nkiinɛ wo ɛɛ kpɛl njwit ɛwee ne Ibol ɛTaanggbey yo nang nge?”

ɛLuka 24:45

ɛYɛso gha ne ji phaal irway nibhɛ da tɛ nibhɛ seng ɛkɔn na ne kɛ haa ndɔ ne ɛWee ne iBol ɛTaanggbey yo.

ɛYohana 5:47

Daa ɛli ne ɛMuusaa gha kɛ ne sang nang ɛn ne itin nɛ daa ɛkɔn na ne ɛ kɛ haa wo, aa ne mɔn ɛn ɛlii ɛ nang ɛn ne itin nɛ ne ibol de ne nzi tɔng nyini woo?”

ɛTomɛ 10:43

ɛNyi yɛghaa nggyɛ wo nɛ ninabawa na gbik kɛ ne tɔng ibol lɛ wu gbik ɛnyi gha ne ɛ kɛ nang ne itin nɛ, sɛ ne hana ɛbhɛ ne ɛfɔt ɛbhɛ wo lenɛ ne irywɛɛk ɛYɛso wo.”

ɛTomɛ 13:29

Ne sɛ nibhɛ kɛ mɔn ɛYɛso yegha ɛli ne ɛWee ne iBol ɛTaanggbey yo kɛ ku bol lo, nibhɛ ne ji ɛtura ɛbhɛ daa ne ihon no nibhɛ bhɛ rɛɛ ɛbhɛ ndɔ ne ikpuu.

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

ɛTomɛ 17:2

ɛBulus sa ne bhɛ lel ndɔ ne ijwee ne itɔɔy ɛli ne ɛ ku mɔn no. Ne ɛ bo Nituk ne iWɛsɛ niYahodawa na itwat ɛ phɛɛs ndɔ ne ijwee ne itɔɔy yo nibhɛ ne i bol nibhɛ wɛɛ ibol lɛ nɛ ninyi na ndɔ ne ɛWee iBol ɛTaanggbey yo.

ɛTomɛ 26:24

Ne sɛ ɛBulus sa tɔ ndɔ ne ivol da ɛFɛsitus sa ne tɔɔk izɔlɔs ɛ yɔngɔ, “ɛBulus ɛ bok nisan! Ɛ kɛ tɔng gbom, ishweng ngɛ kɛ ne hyere yɛ ito!”

iRooma 1:2

ɛTaanggbey ya kaa ku sim-mɛ ne ile daa ne iBol iYɛnɛng ngɛdee wo lenɛ nɛ ninabawa ɛbhɛ nɛ nibhɛ kɛ haa ndɔ ne ɛWee ne iBol ɛTaanggbey yo.

iRooma 16:26

ɛlyilyɛghaa wo nang, kɛ ne ji phaal iphɛ, iphɛ kɛ te wɛsɛrɛk lenɛ ne ibol de nɛ ninabawa na kaa ku i haa. Kɛ ne lenɛ ne ibol ɛTaanggbey ne inat de ne ɛ kɛ yɛk ngɛ ne phaal igbagha wo nɛ gbik tɛ nibhɛ nang ne itin nɛ nibhɛ ta roos.

iRooma 2:27

Ninyi na nɛ nibhɛ sang hyɛghɛ icwee da ndɔ ɛli ne iMɛmɛ ɛMuusaa da i bo wo, nibhɛ kyii hyep iMɛmɛ yɛwo sɛ phoo yɛ ne. Nyinɛn niYahodawa na, ne ɛ bok iMɛmɛ da ne kɛ haa wo, ɛ ta so ɛhaa ne hyɛghɛ icwee da, ɛ kyii tes ɛkɔn na ne iMɛmɛ yɛ kɛ bol lo tsaan no.

1 iKɔrɔntos 1:21

ɛTaanggbey ya ndɔ ne ntsɛntsɛng ɛbhɛ de ɛ kɛ ring ninyi ɛzay ya ne seng ɛbhɛ lenɛ ne ntsɛntsɛng nibhɛ. ɛTaanggbey ya kɛ yang mɔn ɛtomɛ ne ibol de nɛ ninyi na i bok iphɛ, “iBol iwamang ngge,” ne njwii sanga wo, ɛ phɔt ninaa nɛ nibhɛ kɛ nang ne itin nɛ ne iphɛ.

iFisus 6:4

Nyinɛn nikyɛɛ wo nang, sɔng ˆɛ bak ɛn ninɔn mon na njenjek nang. Yang gbaat ɛn nibhɛ ndɔ ne ihywɛɛ, te ˆɛ boos ɛn nibhɛ ndɔ ne imɛmɛ ɛDaray da.

1 ɛTimɔti 4:13

Nyɛɛn nggyi yɛɛs so, see ito ne tɔng ɛWee ne iBol ɛTaanggbey yo ndɔ ne idira ninaa ne roos de, te ɛ sanga iphɛ, ɛ mɛmɛ nibhɛ nɛ.

2 ɛTimɔti 1:1

ɛWee yɛwoo wo le ɛlɔ ɛBulus, ɛngɔn ne tom ɛYɛso ɛKiriti lenɛ ne icwas ɛTaanggbey. Kɛ tom me te n tɔng ninyi ibol ne iken ne ɛYɛso ɛKiriti kɛ sim-mɛ ndɔ ne ìtsɛm ne ɛbhɛ.

2 ɛTimɔti 1:5

Nggɛ taate ne ìnang ne itin mo da ne iphɛ so idee ne itin nɛ wo, ne iphɛ kaa tsa iphɛ so ndɔ ɛgyinɛ-ɛgyinɛ mo ɛLoos sa, ɛgyinɛ mo ɛYunis sa ta bok ko. Ngge ne nang ne itin nɛ ˆɛ ma bok iphɛ ɛlyilyɛghaa wo.

2 ɛBiturus 3:16

Ɛlɛ wo ne ɛBulus sa i bol ndɔ ne iwee ɛbhɛ da gbik ne i sɛ ɛhaa daa nikɔn nɛnaa wo. Ndɔ ne iwee ɛbhɛ da, nidɛng nikɔn na ne sonɛ nɛ nibhɛ bok nggbang ne seng. Nibhɛ nɛ ninaa ne sang seng ɛkɔn na nɛ nibhɛ so kyɔkyɔt, tang iling ngge i hyeem ibol lɛ wo. ɛLɛ wo nɛ nibhɛ ne ta hyeem ɛbyin ne iWee ne iBol ɛTaanggbey de. Nibhɛ ne hɔ ito nibhɛ iku.

Nikɔn ne kɛ Phaal 19:10

Ne n ho ne ita ɛbhɛ te n re ɛbhɛ ntsong. Ne ɛ yaak me, “Yɛwɛy! Sɔng ˆɛ mɔn ɛlɛ wo nang! Ma nzo me ɛkpuru ɛYɛso gha te igyɛ wo nɛ nigwaa mo ninaa ne roos sa nɛ nibhɛ i naas ishɛɛda ne itin de ne ɛYɛso gha kɛ phaal lo. ɛTaanggbey ne ˆaa re ɛbhɛ ntsong ngga.” Daa ɛli ne itin de ne ɛYɛso gha kɛ phaal lo i nang ihwet ne tɔng ibol ɛTaanggbey de.