2 ɛTimɔti 3:11 - ɛWee ne ìTsɛm iHywas

¹¹ ˆƐ ta yɛɛ nggbang ngga ne ɛ ɛmpyep pa ne ɛ kɛ sɛ me ivel iNtakiya da, ne iKɔnyum de, ne iLisitira de ne itak iyɔm ba ne nggɛ bone ɛbɔk ka. Gbik ne iphɛ ɛlɛy ɛTaanggbey ɛbhɛ kɛ ne phɔt me ndɔ ne nggbang ngɛ da nggyɛ wo.

2 ɛTimɔti 3:11 ပူးပေါင်းရင်းမြစ်များ

ɛTomɛ 13:45

Ne sɛ niYahodawa na kɛ yaang ɛgbaang ne idira ninyi wo, nibhɛ ne yaa waa irway, nibhɛ hyis ɛBulus segha ne ɛnyɛs, nibhɛ re ishamas nibhɛ jii ishamas ivol ɛbhɛ da.

2 ɛBiturus 2:9

iPhɛ ɛlɛy, nikɔn nɛnaa wo kɛ ne tɔɔrek njwɛɛn wu te njwɛɛn seng wu ɛTaanggbey ya i yɛɛ ne phɔt ninaa ne tel ɛnik ɛbhɛ na nɛ nibhɛ so ndɔ ne tɛrɛk ga ihywee-ihywee de. ɛTaanggbey ya ne ta yɛɛ ɛli ne aa hyep nibebhe na phyii bhɛ hɔn ɛtuk ne hyɛ ɛshara gha.

2 ɛTimɔti 4:7

Nggɛ ta itsom be yɛnɛng, nggɛ taal nggbiy da, nggɛ boos ìnang ne itin de byirik.

ɛTomɛ 26:22

Gbik ne iphɛ ɛlɛy ɛTaanggbey kɛ ne phyik me nggɛ hɔn izenge wo. iPhɛ ne nggɛ kyinak ɛbɛ wo nzi tɔng igbaang ninyi nɛ nihala yɛ gbik ibol nikɔn de ne nggɛ yaang ngo. Sɔng ihak ibol ne nzi bol nang. Nzi yang bol ibol nikɔn de nɛ ninabawa gbik ne ɛMuusaa kaa ku yɔng wu nibhɛ sɛ tes.

ɛTomɛ 26:17

Naa bhɛ phɔt tɛ ndɔ ne iwɔ ninyi mo niYahodawa na gbik nɛ ninyi na ne hame nibhɛ so niYahodawa na, naa tom mɛ ɛlɔ nibhɛ,

ɛTomɛ 23:10

Ne sɛ ishisim be kɛ hantey yɛ gbom, ɛgbaang ɛndiinday nisooja wo ne wum ɛnik wu yaa yung le ɛnggyɛ wo i kpɛɛ ɛBulus segha, ne ɛ yɛk ngɛ wu tɛ nisooja na phɔt ɛbhɛ ne ihwet nibhɛ phɛ ne ibarakyi nibhɛ.

ɛTomɛ 20:19

Nggɛ laasek ito nge n mɔn ɛtomɛ ɛDaray ya nɛ niyilis ne irwisɛ nge. Nggɛ kyinak gɛgɛy daa ne ihywee ne cɔk irway da nɛ niYahodawa na kɛ cɔk me nɛwo.

ɛTomɛ 13:14

Nibhɛ le ne iFaga de nibhɛ ne phɛ ne iNtakiya ne ɛ so ne ivel ne iBisidiya. Ne sɛ ɛTuk ne iWɛsɛ niYahodawa na nibhɛ ne bhɛ lel ndɔ ne ijwee ne itɔɔy yo nibhɛ soos.

ɛTomɛ 9:16

Na tɔɔrek ɛbhɛ nggbang ngga ne iphɛ so ngbingbing ɛ sɔ mpɛ ɛlɔ me wo.”

ɛTomɛ 14:8

Ne iLisitira de, ɛdɛ ɛnyi gha kaa sonɛ ne kɛ ku yɛk ɛbhɛ ɛ so ɛlɔɔm ne hame ɛ kɛ ku hyel.

iRooma 15:31

Boote ɛn ne ɛTaanggbey ya ɛli ne naa bhɛ sɛ iphɔrɔt ne iwɔ ninaa ne sang roos ne iYahudiya na, te iphyik ga ne n phɛɛs ne nang ne iYɛrushɛlɛm de bhɛ say ye ne irway ihwala ɛlɔ ninaa ne roos ɛlɔ yɛwo.

2 iKɔrɔntos 1:5

ɛLi ne njwɛɛn i sɔ nggbang ga ɛli ne ɛKiriti gha ne ito ɛbhɛ de kɛ sɔ wo, ɛlɛy ne yaa ne ma ta lenɛ ne ɛDaray ya njwɛɛn sɛ iwɔrɔp ɛTaanggbey da.

2 iKɔrɔntos 1:7

Sɔng njwii to irway ne nyinɛn nang, daa ɛli ne njwii yɛɛ ihywee ne nggbang mos da ne ɛ sɔ ɛn, ɛlɛy ne aa ne ma sɛ ɛn ihywee ne iwɔrɔp ba ne kɛ wɔrɔp njwii nɛ wo.

2 iKɔrɔntos 12:10

Daa ɛli ne nzo ɛhaa ɛKiriti gha, iphɛ kɛ ne te me n bok irway ihwala ndɔ ne ikyɔkyɔt de, ne itowos da, ne ɛmpyep pa, ne nggbang ngga gbik ne icɔk irway da. Daa ɛli ne i sɛ nzo kyɔkyɔt to nang nten nɛ ne nzi ne ji bok ihwet.