2 ɛTimɔti 2:25 - ɛWee ne ìTsɛm iHywas

²⁵ Te ɛ mɛmɛ ninaa ne iphup ne imɛmɛ ɛbhɛ da nɛ ndɔ ne ihywɛɛ, yaa rɔk lenɛ ɛlɛ wo ɛTaanggbey ya nang nibhɛ ɛnkiinɛ nibhɛ san ɛbɔk, nibhɛ seng itin de.

2 ɛTimɔti 2:25 ပူးပေါင်းရင်းမြစ်များ

ɛMacu 11:29

Nang ito mon ndɔ ne ikpii nge da tɛ nɛ mɛmɛ ɛn nɛ ne mee. Nzo lyaak, ne n da so hywɛɛ, aa ne sɛ ɛn ifɔng ndɔ ne irway mon.

ɛMacu 21:32

Daa ɛli ne ɛYohana gha kaa yɛɛs ɛ tɔɔrek nyini ɛnkiinɛ ɛcik ko, sɔng ɛ kaa ne nang ɛn ne itin nɛ ne ɛbhɛ nang. Ninaa ne saasel ijam nvel la, nɛ nikuk ne re shwaa na ne nang ne itin nɛ ne ɛbhɛ. ɛLi ne ɛ kɛ jung ta yaang ɛn ɛlɛ wo, sɔng ɛ kɛ ne kyii ɛn ɛ san ɛn ɛbɔk ɛ nang ɛn ne itin nɛ ne ɛbhɛ nang.”

ɛMarakus 1:15

Ɛ kaa ne tɔng nibhɛ, ɛ bok nibhɛ, “Nten nɛ kɛ tuu. iGbɔm ɛTaanggbey ba yek cɛcɛk! San ɛn ɛbɔk te ɛ nang ɛn ne itin nɛ ibol iyɛnɛng ngedee wo!”

ɛYohana 5:34

Sɔng nzi ne bo wu iphɛ so ngbingbing ɛten ɛsii ɛbhɛ tɔng nyini ɛnyi gha ne nzo wo nang, nggɛ maa boote ɛlɛ wo te ɛ phɔrɔt ɛn.

ɛTomɛ 11:18

Ne sɛ nibhɛ kɛ phok ibol lɛdee wo, nibhɛ ne kɔɔng ishamas de, nibhɛ ne yaa dɛp ɛTaanggbey ye nibhɛ bo, “ɛTaanggbey ya kɛ ma sim ninyi na ne hame nibhɛ so niYahodawa na nɛ tɛ nibhɛ san ɛbɔk nibhɛ sɛ iken.”

ɛTomɛ 2:38

ɛBiturus sa ne yaak nibhɛ, “Te ɛrɔngɔ ndɔ mon no san ɛbɔk, te yɛk ɛbhɛ ne ibatisima ndɔ ne irywɛɛk ɛYɛso ɛKiriti wo. Yaa ne lenɛ ɛlɛy ɛTaanggbey ya ne hana nyini ne ɛfɔt mon no, i nang nyini izɛɛng ne iKabyik ɛTaanggbey de.

ɛTomɛ 20:21

Nggɛ kpɛng niYahodawa na gbik nɛ ninyi na ne hame nibhɛ soye niYahodawa na, n nzi bo tɛ nibhɛ hyere irway nibhɛ ɛlɔ ɛTaanggbey nibhɛ san ɛbɔk nibhɛ nang ne itin nɛ ne ɛDaray njwɛɛn ɛYɛso gha.

ɛTomɛ 5:21

Ne sɛ nibhɛ kɛ phok ɛlɛ wo, nibhɛ ne wuru ne ihwɛlɛ gbyigbyik nibhɛ phɛ ndɔ ne iDeng ngge, nibhɛ yaa bhɛ mɛmɛ ninyi na nɛ. Ne sɛ ɛgɔm nibo gha nɛ ninyi ɛbhɛ na kɛɛ tuu, ne yel-le itɔrɔng ngge nɛ ninu nikɔɔn niSɛrɛla na, nibhɛ ne ji tom mɛ ne ijwee ne nyang ngo te bhɛ bo ninɔn ne tom ma yɛɛs nɛ.

ɛTomɛ 5:31

ɛTaanggbey ya ne nang ɛbhɛ ne nindiinday, ɛ tek ɛbhɛ ne iwɔ ne irwye ɛbhɛ, ɛ teye ɛndiinday ne ɛhaa ne phɔt, te ne lenɛ ɛlɛy niSɛrɛla na san ɛbɔk i hana nibhɛ ne ɛfɔt nibhɛ wo.

ɛTomɛ 8:22

San ɛbɔk ɛlɔ ne ibebhe yɛdee wo, te ɛ roo ne ɛTaanggbey ya. Hang aa hana yɛ ne icwas ivebhe yɛdaa wo yɔɔ.

iGalatiya 6:1

Nigwaa en, wu kɛ sɛ ɛnyi gha mɔn ɛfɔt to, nyinɛn no ne ɛ so ɛn ndɔ ne ikabyik ge, ne ɛ kyi ɛn ne ɛbhɛ ne nkiinɛ wo hywɛɛ. Tɛ ne ɛ ma wɛɛ ɛn nyini yɛnɛng, ɛlɔ ne aa ma yung kyibhɛ ɛn daa ne tɛrɛk kɛ ne mang.

1 ɛTimɔti 2:4

ɛTaanggbey ya ne ɛ sim te gbik ninyi na sɛɛ sɛ iphɔrɔt da, nibhɛ ta seng itin de.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

2 ɛTimɔti 3:7

iHywee nikuk kɛnaa nggyɛ wo i saghe ne mɛmɛ nɛ nikɔn niphas cɛcɛɛy, gbik ne iphɛ ɛlɛy, sɔng nibhɛ kɛ ne seng itin de nang.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

ɛYakub 1:17

Gbik ɛdɛ ɛkɔn ɛyɛnɛng hyɔrɔ gha ne kɛ nang ɛ le daa ne irywa. Ɛ le ɛlɔ ɛTaanggbey ne ɛ so ɛTaa, ɛhaa ne ɛbhɛ ɛ kɛ ryɔng iroy, ne ifɛl gbik nɛ niyuyɔrɔ nɛ nibhɛ soye iwɛwɛy daa ne irywa. ɛHaa ne hame ɛ sunuuy, ɛ sang hyeeme te ɛlɔ ɛsirim.

1 ɛBiturus 3:15

Yang nang ɛn ɛKiriti yegha ne ndiinday ndɔ ne irway mon da daa ɛli ne ɛbhɛ ɛ so ɛDaray. Shɛɛ ɛn ɛkanang cɛcɛɛy ɛli ne aa kyii ɛn ɛnyi gha nɛ ne ɛ kɛ phom nyini ɛkɔn na ne ɛ kɛ te ɛ kɛ yɛk ɛn irway mon daa ne roos ɛKiriti yegha. Gbik ne iphɛ ɛlɛy, ne ɛ mɔn ɛlɛ wo ndɔ ne ihywɛɛ, ne ìnang ne ndiinday.

1 ɛYohana 5:16

Wu ɛdɛ ɛnyi gha kɛ yaang ɛgwaa ɛbhɛ i mɔn ɛfɔt ne ɛbhɛ kɛ sang hɔn iku ne ikabyik, te ne ɛ boote ne ɛTaanggbey daa ɛhaa ne ɛfɔt ta, ɛTaanggbey ya yaa ne nang ɛbhɛ iken. Nzi bol daa ɛnyi gha ne hame ɛfɔt ɛbhɛ wo kɛ hɔn ɛli ne aa ku iku ne ikabyik. ɛDɛ ɛfɔt to ne sonɛ ne ɛbhɛ i hɔn iku de. Sɔng nzi ne bo wu te bol ne ɛTaanggbey ya daa ne ɛfɔt tɛwoo nggyɛ wo nang.