2 ɛTimɔti 2:24 - ɛWee ne ìTsɛm iHywas

²⁴ Sɔng ɛhaa ne mɔn ɛtomɛ ɛDaray ya teye ɛhaa ne boos izok ge nang; te ɛ yang teye ɛnyi ɛyɛnɛng ɛlɔ ninyi na gbik, ɛhaa ne yɛɛ ne mɛmɛ ninyi nɛ ne ɛhaa ɛbɔk.

2 ɛTimɔti 2:24 ပူးပေါင်းရင်းမြစ်များ

ɛMacu 12:19

Sɔng ɛ sɛ́ ne yaa ishamas ɛɛ rɛrɛ shwalala nang, sɔng ɛ sɛ́ ne i kyangase ɛ bol ne nkpiinɛ nang.

ɛYohana 6:52

niYahodawa na ne yaa tɛbhɛs en ndɔ nibhɛ nibhɛ bo, “ɛNyi yɛghaa wo yaa mɔn ɛlii ɛ nang njwɛɛn ibek ɛbhɛ de njwɛɛn re woo?”

ɛTomɛ 15:2

Sɔng ishamas ncɛt ne ɛBulus sa gbik ne ɛBanabas sa kaa ne re nɛ ninyi yɛnaa nggyɛ wo daa ne ibol lɛdee wo nang. iPhɛ ɛlɛy, ninaa ne roos sa ne karase ɛBulus segha ne ɛBanabas sa gbik nɛ nidɛng ninyi na nibhɛ tom nibhɛ ne iYɛrushɛlɛm be tɛ nibhɛ bhɛ sɛ ninɔn ne tom ma nɛ ninu ne ikɔɔn na nibhɛ phom nibhɛ ibol lɛ.

ɛTomɛ 23:9

iPhɛ ɛlɛy, ɛgbaang ne ishisim ne yilitsik ndɔ nibhɛ. Nidɛng ninaa ne kpɛl ɛshara gha nɛ nibhɛ kaa soye niFarisawa na ne yilitsik nibhɛ bol ivaa nibhɛ ivol nibhɛ yɔngɔ, “Sɔng njwii yaang ɛnyi yɛghaa wo kɛ ben nang. Yaa rɔk ɛdɛ ɛmalɛka ɛbhɛ kɛ boote ne ɛbhɛ, hang idɛ ikabyik ɛTaanggbey yɔɔ.”

ɛTomɛ 7:26

Ne cwiil ihwɛlɛ yɛ, ɛMuusaa gha ne sɛ nidɛng nigwaa ɛbhɛ na nibhɛ ifaa nibhɛ hal en, ɛMuusaa gha ne i tɔk ɛli ne aa hobhose nibhɛ. Ne ɛ yaak nibhɛ, ‘Nisaa en, ɛ so ɛn nigwaa, ikyee iphɛ kɛ te ɛ lɛng ɛn nyini woo?’

2 iKɔrɔntos 10:1

Mee ne ɛBulus so ne ito nge nzi roro ne nyinɛn, mee wo ne i bo wu nzo hywɛɛ wo ne i sɛ nzo nɛ nyinɛn no, ne ji yɔng wu nzo nzaratat to ne i sɛ n sang so ne nyinɛn no. Nzi ne roro ne nyinɛn ndɔ ne irywɛɛk ɛKiriti ne ɛ so ihywɛɛ ɛ ta so lyaak.

2 iKɔrɔntos 10:4

Daa ɛli ne sɔng nikɔn ne itsom mos sa so ninaa ɛzay ya nang, nibhɛ so ninaa ɛTaanggbey nɛ nibhɛ bok ihwet. Nibhɛ ne njwii mɔn ne ɛtomɛ njwi bunga ne icwas ne irywɛɛk ga ne ifɛ bok ihwet da.

2 iKɔrɔntos 6:4

Njwii yang gbaat itso mos de ndɔ ne nikɔn na gbik, te njwi tɔɔrek wu njwi soye nikpuru ɛTaanggbey ya. Njwii gbaat itso mos de ndɔ ɛbɔk gbom, ne nggbang, ndɔ ne phyingɛl ne i phyii njwi, ne ndɔ ɛmpyep.

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iFisus 4:2

Shɛɛ ɛn lyaak cɛcɛɛy, te ɛ so ɛn hywɛɛ, ne ɛbɔk. Boos ɛn nigwaa ndɔ ne ishwim.

iFilibi 2:14

Mɔn ɛn nikɔn na gbik wɛlɛng ivol mumuk gbik ne ishamas.

iFilibi 2:3

Sɔng ˆɛ mɔn ɛn ɛdɛ ɛkɔn na ndɔ ne sim ito gbik ne tɔɔk ɛn ito nang. Yang laasek ɛn ito mon de, te ɛ ɛrɔngɔ bo ito ɛbhɛ te ɛgwaa ɛbhɛ phyin ɛbhɛ.

iKɔlɔsi 3:13

Boos ɛn ɛbɔk nɛ nigwaa na. Wu ɛdɛng ndɔ mon no kɛ ne bees ɛdɛng ngɛ, hana ɛn ɛbhɛ nɛ. Te ɛli ne ɛDaray ya kɛ hana nyini nɛ ɛfɔt mon no ne ˆɛ ma i han ɛn nyini nɛ.

1 iTasɔlɔnika 2:7

Njwi kɛ boos nyini ihywɛɛ ɛli ne nikuk i boos ninɔn nishesheng nibhɛ.

1 ɛTimɔti 6:11

iGyɛ ne ɛTimɔti wo ne ɛ soyɛ ɛnyi ɛTaanggbey, tel nikɔn nɛnaa wo. See ito ne tɔk ihywel cik, ne ishwɛɛ ihywee ne ishwɛɛ ɛTaanggbey, ne ìnang ne itin, ne ishwim, ne rop iku gbik ne ihywɛɛ.

ɛTitus 1:1

ɛWee yɛwoo wo le ɛlɔ ɛBulus, ɛkpuru ɛTaanggbey ne ɛngɔn ne tom ɛYɛso ɛKiriti. Kɛ kasa me i tom me te n phyik ìnang ne itin ninaa ne ɛTaanggbey kɛ kasa, n da tɔɔrek nibhɛ ɛnkiinɛ ne seng itin de ne iphɛ yaa tɔɔrek ɛli ne yaa shɛɛ ishwɛɛ ne ifɛ yaa nang ɛTaanggbey ye irway ihwala,

ɛTitus 1:7

ɛNdiinday ne idira ninaa ne roos sa so ɛnyi ne kɛ tek ɛbhɛ ne ɛtomɛ ɛTaanggbey ya ndɔ ne iwɔ ɛbhɛ. iPhɛ ne so nggbinggbing ɛ sang ɛkɔn ne tok ɛlɔ ninyi, sɔng ɛ tɔɔrek igbɔm nang, sɔng ɛhaa ne shii te njenjek nang. Sɔng ɛhaa ne sɔ igbuut ɛ te ziizii nang. Sɔng ɛhaa ne lɛng irywen nang, sɔng ɛhaa ne sim ibuu nang.

ɛTitus 1:9

Te ɛndiinday ya soye ɛnyi ne ɛ kɛ wum ibol ɛTaanggbey de ne sɛ kyinak ngɛ wo gɛgɛy, ɛli ne kɛ mɛmɛ ɛbhɛ nɛ wo. Yaa ne lenɛ ɛlɛ wo ne ɛ te ɛbyin ninyi na itsɔngɔl gɛgɛy lenɛ ne imɛmɛ ne itin, ɛ ta i nep ninaa nɛ nibhɛ bok iphup be ne imɛmɛ ne itin da.

ɛTitus 3:2

Sɔng nibhɛ bol ivol ikpɛɛ daa ɛnyi nang. Tɛ nibhɛ bok irway ne laal, nibhɛ shɛɛ hywɛɛ, nibhɛ laasek itso nibhɛ ɛlɔ ninyi na gbik.

ɛYakub 1:1

ɛWee yɛwoo wo le ɛlɔ ɛYakub, ɛkpuru ɛTaanggbey gbik ne ɛhaa ɛDaray ɛYɛso ɛKiriti. Ɛbhɛ phɛɛs ɛlɔ ninyi ɛTaanggbey ne kɛ te shwaa ndɔ ne igbagha ɛzay yo gbik ko te itaang ɛnduwubɔ ne iphɛ ifaa niSɛrɛla de. Nzi kyiisi nyini gbom.

ɛYakub 3:17

Ntsɛntsɛng ngge ne ihywɛ ne le ɛlɔ ɛTaanggbey ya nang, idee ɛyisɛ yɛ, ihywɛ so wɛwɛy, ihywɛ i ne yɛɛs ne shɛɛ ncaang, ihywɛ bok ihywɛɛ, ihywɛ so lyaak, ihywɛ bok isan iyɔm, ihywɛ bok izɛɛng, sɔng ihywɛ i tɔɔrek sim ito nang, sɔng ihywɛ ne bok iluk nang.

ɛYakub 4:2

ˆƐ tɔk nikɔn sɔng ne ˆɛ sɛ ɛn nang, iphɛ ɛlɛy ne ˆɛ phobho ɛn ninyi. ˆƐ yɛk ɛn irisɛ gbom daa nikɔn nihak ninyi sɔng ne ˆɛ sɛ ɛn nang, iphɛ ɛlɛy ne ˆɛ tum ɛn ishamas ˆɛ lɛng ɛn nyini. Sɔng ˆɛ kɛ sɛ ɛn ɛkɔn na ne ˆɛ sim ɛn no nang daa ɛli ne ˆɛ kɛ sang phom ɛn ɛTaanggbey ye.

1 ɛBiturus 3:8

ɛTsim mɛ gbik, te icwas mon da teye ijwaan nɛ. Ɛɛ san ɛn iyɔm nigwaa, ɛɛ sim ɛn nigwaa, ɛ ta i phyighis ɛn nigwaa wɛlɛng itɔɔsek ito.

ɛYahuza 1:3

Nigwaa nge ne nzi sim, nggɛ ku bok icwas ne haa nyini nɛ daa ne ibol ne iphɔrɔt njwɛɛn de, ne nggyi yaang iphɛ kɛ jam mɛ nzɛ kyii haal nyini nɛ te n te nyini itsɔngɔl gɛgɛy ɛli ne ˆaa kyinak ɛn daa ne imɛmɛ ne itin ɛYɛso de ne ɛTaanggbey ya kɛ nang ninaa ne roos ɛbhɛ na ɛdaan na zɔng ngo.