2 ɛTimɔti 2:19 - ɛWee ne ìTsɛm iHywas

¹⁹ Gbik ne iphɛ ɛlɛy, ibol ɛTaanggbey de kɛ ne ku see ye te ikɛɛ ɛtum ne ijwee gɛgɛy. Kɛ ku baa ne icwɛɛm, i haa ne ibol de ne iphɛ bo, “ɛTaanggbey ya i ku yɛɛ ninaa ɛbhɛ na.” Gbik ne “ɛNyi gha ne ɛ bo wu i soye ɛhaa ɛDaray ya, te ɛ shɛɛ kyakyak ne ɛtomɛ ɛbebhe gha.”

2 ɛTimɔti 2:19 ပူးပေါင်းရင်းမြစ်များ

ɛMacu 24:24

Daa ɛli nɛ nikiriti ne irywɛɛk ka nɛ ninabawa ne irywɛɛk ka sɛ wuusi, nibhɛ tɔɔsel nyu ne igbaang nikɔn ne kparat tɛ nibhɛ luk ninyi na ne ɛTaanggbey ya kɛ ku kasa wo, wu nibhɛ yaa yɛɛ nɛ.

ɛMacu 28:19

iPhɛ ɛlɛy, ne ɛ cwi ɛn ɛbhɛ tɔng ɛn igbagha ɛzay yo gbik wu tɛ roos me, nibhɛ tes en ninɔn ne icwam nge, ɛ yaak ɛn nibhɛ ne ibatisima de ndɔ ne irywɛɛk ɛkyɛɛ, ne irywɛɛk ɛNgɔn ne ihoo ne iKabyik ɛTaanggbey.

ɛMacu 7:23

Nzɛ ne ma yaak nibhɛ, ‘Sɔng nzi ku yɛɛ nyini nang, bak ɛn ne ɛlɔ yɛ ɛlɔ nge gha, nyinɛn ninaa ne mɔn ibebhe de.’

ɛMacu 7:25

iNɛn ne reey, ihywel lo ne bonɛ ɛzay, igbil ne bɛm, ifɛ ne suun ijwee wo gbom, sɔng ifɛ ne ho nang daa ɛli ne kɛ lɔl ifɛ ne ɛphang.

ɛMarakus 12:16

Nibhɛ ne bhɛ bo idinari de nibhɛ nang ɛbhɛ. ɛYɛso gha ne ji phom nibhɛ ɛ yɔngɔ, “iZazurum ɛhay ne kɛ yɛk ne idinari yɛdee woo? iRywɛɛk ɛhay ne kɛ ne ta haa ne ɛdak kɛwoo?” Nibhɛ ne yaak ɛYɛso yegha, “iZazurum ɛKɛɛsat gbik ne irywɛɛk ɛKɛɛsat.”

ɛMarakus 13:22

niKiriti ne irywɛɛk, nɛ ninabawa ne irywɛɛk sɛ ne wuusi gbom. Nibhɛ sɛ ne tɔɔrek nyu nikɔn ne kparat ta gbom tɛ nibhɛ luk ninyi na. Sɛ ne sɛ nibhɛ kɛ sɛ ikɛk, nibhɛ sɛ ne hɔ ihywɛɛ ninyi de ne ɛTaanggbey ya kɛ ku kasa wo.

ɛLuka 13:27

“Gbik ne ɛ jung yɔngɔ, ‘Sɔng nzi yɛɛ nyini nang. Cwi ɛn gɔɔ, ɛ sɔ ɛn nyini nibebhe ninyi!’

ɛLuka 6:48

Ɛ so te ɛnyi ne aa lɔl ijwee; ɛ kɛ ne tsa ɛ rum ivel, ɛ cwaasek ne ikpɛɛ, ɛ lɔl ɛtum mɛ, ɛ ji lɔl ijwee ɛbhɛ wo dak ne ɛtum mo. Kɛ ne sɛ inɛn ne ihywel kɛ bo ɛzay, mpɛ ne kyi ijwee wo, ifɛ ne i shɛɛ kɔs, daa ɛli ne kɛ lɔl ifɛ daa ne ɛtum ɛyɛnɛng.

ɛYohana 10:14

“Mee nzo ɛhaa ne ntsabhak ɛyɛnɛng nga, nzi ne yɛɛ ntsabhak nge de, ntsabhak nge de ne ma yɛɛ me,

ɛYohana 13:18

Ne re ɛnu ɛyisɛ ɛ yɔngɔ, “Sɔng nzi bol daa ne ito mon gbik kang; nzi yɛɛ ninaa ne nggɛ kasa. iPhɛ ne so ɛlɛ wo te shwaak ɛkɔn na ne ɛWee ne ibol ɛTaanggbey yo bol, ɛbhɛ bo, ‘ɛNyi gha ne ɛ kɛ re ire de ne mee wo, ɛbhɛ aa kyii hyereey ne mee.’

ɛYohana 3:33

Gbik ɛnyi gha ne ɛ kɛ ne say ibol ɛbhɛ de nang, ɛ kɛ ne sim ɛtsak wu ɛTaanggbey ya so ɛhaa ne itin nɛ.

ɛTomɛ 11:26

Ne sɛ ɛBanabas sa kɛ bhɛ sɛ ɛShawulu yegha ne ɛ bo ɛbhɛ nibhɛ yɛɛs ne iNtakiya de. Nibhɛ ne bo ishay idaan nibhɛ shɛɛ ne idira ninaa ne roos de nibhɛ i mɛmɛ ninyi na nɛ gbom. Ne iNtakiya de ne kaa ne tsa nɛ yaa yeres ninaa ne roos sa niKirita na.

ɛTomɛ 15:17

ɛByin ne igbagha gha sɛ ne tɔk me ne nzo ɛDaray ya. Tɛ ninyi na nɛ ne hame nibhɛ so niYahodawa na, ne nggɛ kasa nibhɛ wo tɛ nibhɛ teye ninaa nge.

ɛTomɛ 9:14

iPhɛ dee ɛ kɛ ne yɛɛs ɛbɛ wo daa ne igbɔm nindiinday nibo na wu te ɛ wumus gbik ninyi na nɛ nibhɛ yeres daa ne irywɛɛk mo wo nɛ ɛbɛ wo.”

iRooma 11:2

Sɔng ɛTaanggbey ya kɛ mbaray ninyi ɛbhɛ na ne ɛ kaa ku yɛɛ ne ile de nang. Ɛ yɛɛ ɛn ɛkɔn na ne ɛWee ne iBol ɛTaanggbey yo i bol daa ne ito ɛLiya de ɛli ne ɛ kaa phɛ ne ishwin ɛbhɛ da ɛlɔ ɛTaanggbey ya daa ne ito niSɛrɛla de ɛ bo,

iRooma 12:9

Te ishwim mon da teye ivaa ne itin nɛ. Mbaray ɛn nyini ɛkɔn na ne ɛ so ɛbebhe te ɛ wum ɛn ɛkɔn na ne ɛ kɛ jam gɛgɛy.

iRooma 15:20

iRway nge da has cɛcɛɛy te nzɛ ku i sanga iBol ɛYɛnɛng ngge ɛlɔ gha ne hame kɛ ku phok ne ibol ɛKiriti de, daa ɛli ne yaa yung yɔng wu nge mɔn ɛtomɛ ngɛ gha ɛlɔ gha ne ɛhak ɛnyi kɛ ku tsa nɛ.

iRooma 15:9

Tɛ ninyi na ne hame nibhɛ so niYahodawa na ta nang ɛTaanggbey ye ne ndiinday daa ne isan iyɔm ɛbhɛ de. Te ɛli ne ɛWee ne iBol ɛTaanggbey yo i bo, “iPhɛ ɛlɛy ɛDaray, Naa ne nang ngɛ ne ndiinday ndɔ ninyi na ne hame nibhɛ so niYahodawa, naa yɛk ne iywel, te nang irywɛɛk mo wo ne ndiinday.”

iRooma 8:28

Njwii yɛɛ ndɔ nikɔn na gbik ɛTaanggbey ya mɔn ninyi na nibhɛ sim ɛbhɛ nikɔn niyɛnɛng, ninyi na ne kɛ yel-le tɛ nibhɛ shwaak nikɔn na nɛ nibhɛ kɛ te i yel-le nibhɛ wo.

iRooma 9:11

Kaa ne tang yɛk ninaa ifaa yɛnaa nggyɛ wo. Nibhɛ kaa tɔ tang ku shɛɛ yaa mɔn ɛkɔn ɛyɛnɛng hang ɛkɔn ɛbebhe yɔɔ, ɛTaanggbey ya ne boote ne ɛRɛbɛka gha te i sɛ i shwaak ibol ɛnyi de ne ɛ kɛ ku kasa wo. Sɔng yaa ne shwaak ko daa ɛtomɛ nibhɛ nang, yang so daa ne yel-le ɛTaanggbey.

1 iKɔrɔntos 1:2

Ɛbhɛ phɛɛs ɛlɔ ninaa ne roos ɛgarang iKɔrɔntos, ne ɛlɔ ninyi ne kɛ tek ɛTaanggbey ye nɛ ndɔ ɛYɛso ɛKiriti. Ne ɛlɔ ninyi ne kɛ yel-le nibhɛ tɛ nibhɛ teye ninaa ɛTaanggbey gbik nɛ ninyi nilɔ na kang-ka-kang nɛ nibhɛ yeres daa ne irywɛɛk ɛDaray ɛYɛso ɛKiriti ne ɛ so ɛDaray nibhɛ gha gbik ne ɛhaa njwɛɛn na.

1 iKɔrɔntos 8:3

ɛNyi gha ne ɛ ne sim ɛTaanggbey yegha nang, ɛTaanggbey ya ne yɛɛ ɛbhɛ.

2 iKɔrɔntos 7:1

Daa ɛli ne kɛ ku sim njwɛɛn nɛ nikɔn nɛnaa wo gbik ko nigwaa nge ne nzi sim, ne njwɛɛn kuus ito njwɛɛn daa nikɔn na nɛ nibhɛ aa te ibek njwɛɛn de ne irway njwɛɛn da yɛk ivebhe da, te njwɛɛn ku tul en kang lenɛ ne ɛnik ɛTaanggbey ne njwɛɛn bok.

iGalatiya 4:9

ɛLyilyɛghaa wo ne ɛ kɛ ji seng ɛn ɛTaanggbey ririk, hang naa yɔng ɛTaanggbey ya kɛ seng nyini ririk yɔɔ. iKyee iphɛ kɛ ne te ɛ sim ɛn aa ta kyii ɛn ɛlɔ nigɔm ne ikpabyik ɛzay yɛghaa wo nɛ nibhɛ so buu wo nibhɛ sang kyi ta so ɛkɔn naa? iKyee phɛ te ɛ sim ɛn aa ta tes nyini nikpuru nibhɛ naa?

iFisus 2:20

Kɛ lɔl nyini daa ne ɛtum nɛ ninabawa gbik nɛ ninɔn ne tom ma kaa see, ɛtum mo ne ɛYɛso ɛKiriti gha ne ito ɛbhɛ ɛ soye ɛkangashi yɛ.

iFisus 3:15

ɛTaa gha ne kɛ lenɛ ne ɛbhɛ icwaang ɛdaa ne irywa wo gbik icwaang ɛzay yo sɛ irywɛɛk nibhɛ wo.

iFisus 4:30

Sɔng ˆɛ bees ɛn iKabyik ɛTaanggbey de irway nang. iKabyik ge ne iphɛ so ɛlamba gha daa ne mon no, ne iphɛ kɛ tɔɔrek wu ˆɛ so ɛn ninaa ɛTaanggbey ya ˆɛ hyep ɛtuk ka ne ɛTaanggbey ya sɛ phɔt nyini wo.

1 ɛTimɔti 3:15

Wu kɛ ne bees me nten, ɛwee yɛwoo wo yaa ne teyɛ ɛ seng ihywee ne ishwɛɛ da ne njwɛɛn yaa shɛɛ ndɔ ne ijwee ɛTaanggbey yo, ne iphɛ so idira ninaa ne roos ɛTaanggbey ne iKen na, ɛkangashi gha gbik ne ɛtum ne itin de.

1 ɛTimɔti 6:19

ɛLɛ wo nɛ nibhɛ yaa mɔn nibhɛ tuma ito nibhɛ iryat ne ihywɛ ihywɛ sɛ soye ɛtum ɛzay ya ne ɛ yaaso wo, tɛ nibhɛ sɛ iken de ne iphɛ phɛ soye iken ne itin de.

iBirani 11:10

ɛBaraying nga kaa shɛɛ ishwɛɛ yɛdaa nggyɛ wo daa ɛli ne ɛ kaa sit irwisɛ ɛ hyep ɛgarang nga ne ɛTaanggbey ɛbhɛ kɛ ryɔng tum mɛ ɛ lɔl.

2 ɛBiturus 3:14

iPhɛ ɛlɛy, nigwaa nge ne nzi sim, ɛli nɛ ɛɛ ne hyep ɛn ɛtuk kɛghaa nggyɛ wo, ne ɛ mɔn ɛkɔn na ne aa yɛ ne mɔn ɛn te ɛ shɛɛ ɛn ɛnu ɛyisɛ ɛTaanggbey ya wɛwɛy tang ɛkɔn ne rip, te ne ɛ bok ɛn irway ne laal ne ɛnu ɛyisɛ ɛbhɛ gha.

1 ɛYohana 2:19

Ninaa ne iphup ɛKiriti yɛnaa wo kaa so ndɔ njwɛɛn ne ile, nibhɛ kɛ ne tek njwɛɛn, daa ɛli ne sɔng nibhɛ gha ku soye ninaa njwɛɛn nang. Sɛ yɔng nibhɛ kaa ku soye ninaa njwɛɛn na, nibhɛ sɛ ne tɔ ne njwɛɛn no. Nibhɛ kɛ tek njwɛɛn, iwuru nibhɛ da kɛ ne tɔɔrek kpas wu hang nibhɛ soye ninaa njwɛɛn.

Nikɔn ne kɛ Phaal 17:8

iNyam igywebhe de ne ˆɛ kɛ yaang ngo, ihywɛ kaa ku sonɛ itsen nɛ, sɔng ihywɛ ne sonɛ ɛlyilyɛghaa wo itsen nɛ nang. iHywɛ ne yungaa wuru ndɔ ne iBong kyukyum be ihywɛ phɛ ɛlɔ gha ne yaa bhɛ phoo ihywɛ nɛ. Ninyi ɛzay ya ne hame kɛ ku haa irɛɛk nibhɛ de ndɔ ne ɛWee ne iKen no ne ile ne ɛtum ɛzay yo sɛ́ ne wum en zii. Nibhɛ sɛ́ wum en zii nten de nɛ nibhɛ kɛ yaang inyam igywebhe de, daa ɛli ne ihywɛ kaa ku sonɛ itsen nɛ, sɔng ihywɛ ne sonɛ itsen nɛ ɛlyilyɛghaa wo nang, ihywɛ sɛ́ ne ta bhɛ kyii dɔng.”

Nikɔn ne kɛ Phaal 2:13

Nzi yɛɛ ɛlɔ gha ne ɛ sonɛ wo soye ɛlɔ ne ɛShɛtan bok ne igbɔm. Gbik ne phɛ ɛlɛy, ɛ kɛ ne wum irywɛɛk nge gɛgɛy, sɔng ɛ kɛ hana ìnang ne itin mo da ne mee wo nang. Ɛ kaa ma yung mɔn ɛlɛy nten de ne kaa phoo ɛNtipas se ne ɛ kaa soye ɛshɛɛda nge gha ne sɛ say ibol ɛbhɛ ndɔ ɛgarang mon na ne ɛShɛtan na bok ne igbɔm ba.

Nikɔn ne kɛ Phaal 21:14

iWabha ɛgarang ngo kaa bok ikpɛɛ ne itsum ɛnduwubɔ ne ifɛ ifaa. Ne haa irɛɛk ninɔn ne tom ɛnduwubɔ nɛ nibhɛ ifaa ɛNgɔn ne Pharak ge ne itsum ba. ɛWowoo ɛtum ne i bok irywɛɛk ɛngɔn ne tom ɛdaan.

Nikɔn ne kɛ Phaal 22:4

Nibhɛ sɛ yaang ɛyisɛ ɛTaanggbey ya, irywɛɛk ɛTaanggbey yo ne so ne icwiri nibhɛ.

Nikɔn ne kɛ Phaal 3:8

Nzi yɛɛ nikɔn na ne ɛɛ mɔn no gbik. Nzi yɛɛ ihwet mo da so ncɛt, gbik ne iphɛ ɛlɛy ɛ kɛ roos imɛmɛ nge da gbik, sɔng ɛ kɛ ton irywɛɛk nge wo nang. Nggɛ ne phaal ɛnu ne izuk ɛnu ɛyisɛ mo ne hame ɛnyi ya yɛɛ ne gangke yɛ.