2 ɛTimɔti 1:7 - ɛWee ne ìTsɛm iHywas

⁷ Daa ɛli ne sɔng ɛTaanggbey ya kɛ nang njwɛɛn ikabyik ne iphɛ i nang njwɛɛn ɛnik nang, ɛ kɛ yang nang njwɛɛn ikabyik ne ihwet, ne ishwim gbik ne wum ito.

2 ɛTimɔti 1:7 ပူးပေါင်းရင်းမြစ်များ

ɛLuka 10:19

Phok ɛn! Nggɛ nang nyini igbɔm daa ne ito ɛhaa ne iphup be, aa sɛng ɛn ne izɔ gbik nɛ nitapoo, ɛ mbalak ɛn. Sɔng ɛkɔn yaa ne sɛ nyini nang.

ɛLuka 15:17

“Kɛ ne sɛ ihywɛɛ ɛbhɛ kɛ bhɛ kyii ɛlɔ ɛdaan. Ne ɛ ji yɔngɔ, ‘Ɔɔy!’ Nikpuru ɛkyɛɛ nge naa nibhɛ re de, nibhɛ tek, iphɛ dee naa ne ku ne ikpyak ɛbɛ buu.

ɛLuka 24:49

Naa ne bhɛ tom nyini ne ɛHaa gha ne ɛKyɛɛ nge kɛ ku sim-mɛ wo. Ne ɛ shɛɛ ɛn ne iYɛrushɛlɛm be ɛ hyep ɛn te nang nyini ihwet ɛdaa ne irywa ba.”

ɛLuka 8:35

Ninyi na ne phɛ, tɛ nibhɛ bhɛ yaang ɛkɔn na ne ɛ kɛ te wo. Kɛ ne sɛ nibhɛ kɛ phɛ ɛlɔ ɛYɛso gha, nibhɛ ne bhɛ sɛ ɛnyi gha nɛ niphoo na kɛ wuru ndɔ ɛbhɛ wo kɛ soos ne itiita ɛYɛso de, ɛ bok ɛtura ne ibek ɛbhɛ, ihywɛɛ ɛbhɛ kɛ bhɛ kyii. Ninyi na ne wum ɛnik.

ɛYohana 14:27

Naa tek nyini ne irway ne laal; irway ne laal nge ne naa nang nyini. Sɔng nzi nang ifɛ ɛli ne ɛzay ya nang ngo nang. Sɔng ɛ tek ɛn irway mon tak nyini iyɔm mang, sɔng ne ɛ wum ɛn ɛnik kang.”

ɛTomɛ 1:8

Ɛ sɛ ne sɛ ɛn ihwet ne sɛ́ sɛ iKabyik ɛTaanggbey de kɛ yɛɛs nyini wo, ɛ sɛ ne sanga ibol nge de ne iYɛrushɛlɛm, ne iYahudiya, ne iSamariya, ne ɛgak ɛzay yo gbik.”

ɛTomɛ 10:38

Ɛ yɛɛ ɛn ɛli ne ɛTaanggbey ya kaa sit ɛYɛso ne iNazarat tegha ne iKabyik ɛTaanggbey ne ihwet da. ɛYɛso gha kaa ne roos nilɔ na gbik ɛɛ mɔn nikɔn niyɛnɛng ɛ ta tes ninaa ne ɛShɛtan na kaa bok ito de daa nibhɛ wo niken, daa ɛli ne ɛTaanggbey kaa so ne ɛbhɛ.

ɛTomɛ 20:24

Gbik ne iphɛ ɛlɛy, sɔng nggɛ ne bo iken nge ɛnu ɛkɔn nang wu naa yang yɛɛ ne taal ɛtomɛ gha ne ɛDaray ɛYɛso gha kɛ yɛk me nɛ wo, ɛtomɛ ne tɔng ninyi na ibol iyɛnɛng ne izɛɛng ɛTaanggbey de.

ɛTomɛ 21:13

ɛBulus sa ne kyii nɛ ne ɛ yaak njwii, “iKyee iphɛ kɛ te ɛ san ɛn ɛ bees ɛn mɛɛn irway daa? Nzi tɔng nyini nggɛ ku yɛk ne irway yɛ, sɔng ma yung yɔng wu irop ne yaa bhɛ rop me ne iYɛrushɛlɛm be zɔng nang, te ma yung yɔng yaa bhɛ phoo me daa ne ibol ne nang irywɛɛk ɛDaray ɛYɛso wo ne ndiinday.”

ɛTomɛ 26:11

Nggaa ne ta i roos idee ne itɔɔy niYahodawa de gbik nzi baasek nibhɛ nggbang nzi sim te nzɛɛ yɛk nibhɛ ne nggbinggbing nibhɛ toke irywɛɛk ɛYɛso wo. Ngga phok njenjek nibhɛ gbom, iphɛ ne te me n roos nihak nigarang nɛ nibhɛ kaa sonɛ nzi bhɛ baasek nibhɛ nggbang ngga.”

ɛTomɛ 26:25

ɛBulus sa ne yaak ɛbhɛ, “ɛNdiinday ɛFɛsitus, sɔng n bok nisan nang. iTin nɛ ne nzi tɔng ndɔ ne ihywɛɛ.

ɛTomɛ 6:8

Kɛ ne so ɛnggyɛ wo, ɛTaanggbey ya ne sit ɛSitivin ne gha ne ɛwɛng, ne ɛ yaa mɔn igbaang nikɔn ne kparat, nɛ nikɔn ne ɛnik ndɔ ninyi na.

ɛTomɛ 9:22

ɛShawulu gha ne hante ne ihwet ne sanga ibol ɛTaanggbey de, ne ɛ tɔng niYahodawa na nɛ nibhɛ so ne iDimaskus de itin nɛ wu ɛYɛso gha ɛbhɛ ɛ soye ɛKiriti gha ɛli ne hame nibhɛ aa re ɛbhɛ ne ishamas.

iRooma 5:5

Sɔng iyɛk ne irway da yaa ne te buu nang, daa ɛli ne ɛTaanggbey ya kɛ sit ishwim ɛbhɛ da ndɔ ne irway njwɛɛn da lenɛ ne iKabyik ɛTaanggbey de ne ɛTaanggbey ya kɛ nang njwɛɛn.

iRooma 8:15

Daa ɛli ne iKabyik ge ne ɛTaanggbey ya kɛ nang nyini wo sɔng iphɛ soye dee ne aa te ɛn nyini nikpuru ɛ yɛk ɛn ɛnik nang. Kwa! iKabyik kɛdee wo kɛ yang te nyini ɛ te ɛn nyini ninɔn ɛTaanggbey, i ne lenɛ ne iphɛ wo, njwɛɛn ne yel-le ɛTaanggbey yegha i yɔngɔ: “Abba! ɛTaa nge.”

1 iKɔrɔntos 2:4

Sɔng nggaa tɔng ibol iyɛnɛng ngge de ndɔ iwɔrɔp, ne ntsɛntsɛng nang. iVol nge da kaa yang tɔɔrek igbom ne iKabyik ɛTaanggbey,

iGalatiya 5:22

Nikɔn na ne iKabyik ɛTaanggbey de ne yaak ko nibhɛ naa lɛ: ishwim, irway ihwala, irway ne laal, ɛbɔk, iyɛnɛng, irway ne phyik nigwaa, ìnang ne itin,

iKɔlɔsi 1:8

Ɛbhɛ ɛ kɛ ne tɔng njwii ibol ne ishwim ba ne ɛ bok ɛn no ne iKabyik ge kɛ nang nyini wo.

iBirani 2:15

Kɛ ne ta lenɛ ɛlɛ wo, ɛ biri gbik ninyi na nɛ nibhɛ kɛ ku teye nikpuru na lenɛ ne ɛnik ne iku wo nɛ nibhɛ phok ko.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.

1 ɛYohana 4:18

Sɔng ɛnik so ndɔ ne ishwim ɛTaanggbey da nang. iShwim ihyɔrɔ da i yang roos ɛnik ko, wu njwɛɛn ne bok ɛnik ko, iphɛ kɛ tɔɔrek wu njwɛɛn i tel nggbang ne sɛ bak njwɛɛn ɛlɔ ne ɛfɔt ne njwɛɛn kɛ mɔn. ɛNyi gha ne ɛ bok ɛnik ko, sɔng ɛ so hyɔrɔ ne ishwim ba nang.