2 ɛTimɔti 1:5 - ɛWee ne ìTsɛm iHywas

⁵ Nggɛ taate ne ìnang ne itin mo da ne iphɛ so idee ne itin nɛ wo, ne iphɛ kaa tsa iphɛ so ndɔ ɛgyinɛ-ɛgyinɛ mo ɛLoos sa, ɛgyinɛ mo ɛYunis sa ta bok ko. Ngge ne nang ne itin nɛ ˆɛ ma bok iphɛ ɛlyilyɛghaa wo.

2 ɛTimɔti 1:5 ပူးပေါင်းရင်းမြစ်များ

ɛYohana 1:47

Kɛ ne sɛ ɛYɛso gha yaang ɛNatanyɛl legha ɛ hyel ɛ phɛɛs ɛlɔ ɛbhɛ gha, ne ɛ boote daa ne ito ɛNatanyɛl de ɛ yɔng ngo, “Ji so ɛnyi niSɛrɛla ɛririk kɛghaa ɛ yaaso. Sɔng sɛɛ ji ta rip ɛbhɛ ɛdɛ ɛkɔn nang.”

ɛTomɛ 16:1

ɛBulus sa ne ɛSila gha ne phɛ ne iDaribe gbik ne iLisitira. ɛNggyɛ wo nibhɛ ne bhɛ sɛ ɛdɛ haa ne roos sa ne i bok ɛbhɛ ɛTimɔti ne ɛgyinɛ kaa ne so ɛkuk ne ilem niYahodawa ne ɛ kɛ nang ne itin nɛ, ɛkyɛɛ ne ɛ ji so ɛnyi ne iGirik.

ɛTomɛ 26:26

Nzó ɛgɔm ma i yɛɛ nikɔn nɛnaa wo, nzi ne bol ne irway nge tɔrɔk tang ɛnik ɛnu ɛyisɛ ɛbhɛ. Nzi yɛɛ ncɛncɛng, sɔng idɛ bol lɛdee wo kɛ te ɛbhɛ bap nang, daa ɛli sɔng kɛ mɔn nibhɛ gying nang.

iRooma 14:14

iShwɛɛ nge da ndɔ ɛDaray ɛYɛso gha kɛ te me nggɛ seng ncɛncɛng, sɔng idɛ ire de sonɛ ne kaa ku ryɔng iphɛ iphɛ so ibebhe yɛ nang. Wu ɛdɛ ɛnyi gha kɛ ne bo ndɔ ne irway ɛbhɛ wu idɛ ire de sonɛ ne iphɛ so ɛbebhe yɛ, iphɛ kɛ ne teye ɛbebhe yɛ ɛlɔ ɛbhɛ.

iRooma 14:5

Ɛdɛ ɛnyi gha kɛ bo ɛdɛ ɛtuk ka wu ɛ phyin ɛbyin nituk kɛ, ɛdɛng kɛ ne ku bo nituk ka gbik wu nibhɛ so nidaan nɛ. Te ɛrɔngɔ ne seng ncɛncɛng wu irway ɛbhɛ ifɛ bok ɛbhɛ ɛlɛy.

iRooma 15:14

Nigwaa ɛn, me ne ito nge nzi yɛɛ ɛli ne ɛ kɛ jam ɛn gbom, ɛ bok ɛn ishweng ngga gbik ɛli ne aa yɛɛ ne mɛmɛ ɛn nigwaa mon nɛ.

iRooma 4:21

Ɛ yɛɛ ncɛncɛng ɛTaanggbey ya bok ito ne shwaak ìtsɛm be ne ɛ kɛ rop po ne ɛbhɛ wo.

iRooma 8:38

Daa ɛli ne nzi yɛɛ ncɛncɛng, sɔng ɛkɔn sonɛ ne aa yɛɛ ne hosop njwɛɛn ne ishwim ɛKiriti da nang. Sɔng iku yaa yɛɛ nɛ nang. Sɔng iken yaa yɛɛ nɛ nang. Sɔng nimalɛka yaa ne ma yung yɛɛ nɛ nang, sɔng ikpabyik niphoo yaa ne yɛɛ nɛ nang. Sɔng nikɔn ɛlyilyɛghaa nɛ ninaa nɛ nibhɛ sɛ yaaso yaa ne yɛɛ nɛ nang.

2 iKɔrɔntos 6:6

Njwi kɛ ne tɔɔrek nyini na wu njwi soye ninaa ɛtomɛ ɛTaanggbey ya lenɛ ne iKabyik ɛTaanggbey de ne iphɛ so ndɔ mos, lenɛ ne ishwɛɛ kang mos, ne ishweng mos, ne ɛbɔk mos, ne iyɛnɛng mos, ne ishwim mos ivaa ne itin nɛ,

1 ɛTimɔti 1:5

ɛKɔn na ne kɛ cwaak ɛyisɛ ndɔ ne ibol lɛdee wo so ishwim, ivaa ne ifɛ le ndɔ ne irway iwɛwɛy, ne izɔlɔs ne irway iywɛnɛng gbik ne ìnang ne itin ne itin.

1 ɛTimɔti 4:6

Yaa sɛ ˆɛ kɛ mɛmɛ nigwaa na nɛ nikɔn nɛnaa wo, ˆaa ne teyɛ ɛkpuru ɛyɛnɛng ɛYɛso ɛKiriti gha. ɛHaa ne ɛ kɛ hɔn ndɔ ne ibol ne ìnang ne itin de gbik ne imɛmɛ iyɛnɛng ngga ne ˆɛ roos so.

2 ɛTimɔti 1:12

ɛKɔn nɛghaa wo ɛbhɛ kɛ te nzi sɔ nggbang ngga ne nzi sɔ wo. Gbik ne iphɛ ɛlɛy, sɔng ne n bok ncwa yɛ nang, daa ɛli ne nzi yɛɛ ɛhaa ne nggɛ nang ne itin nɛ ne ɛbhɛ, nzi ne yɛɛ ncɛncɛng aa yɛɛ ne hyep ɛkɔn na ne ɛ kɛ tek me nɛ ne iwɔ wo ɛTuk ɛDaray ya phyii tuu.

2 ɛTimɔti 3:15

Taate nɛ ɛli ɛ ku yɛɛ iBol ɛTaanggbey de ne ile ne ɛngɔn mo de. ɛWee ne iBol ɛTaanggbey ne ɛbhɛ yɛɛ ne teyɛ ɛ te ntsɛntsɛng, ɛbhɛ hyel ne nggyɛ ndɔ ne ɛnkiinɛ ne sɛ iphɔrɔt da lenɛ ne ìnang ne itin de ndɔ ɛYɛso ɛKiriti gha.

iBirani 11:13

Gbik ninyi yɛnaa wo kaa ne kus ndɔ ne ìnang ne itin nibhɛ de. Sɔng nibhɛ kaa say nikɔn na ne ɛTaanggbey ya kaa rop nɛ nibhɛ wo nang. Nibhɛ kaa yang yaang nikɔn nɛ kyakyak. Nibhɛ ne phok yɛnɛng ngɛ, nibhɛ ne nang ishɛɛda yɛ wɛsɛrɛk wu nibhɛ soye ninaa ne ikpoo ndɔ ɛzay ya, sɔng ninaa ne ivel lɛ nang.

iBirani 6:9

Nigwaa nge ne nzi sim, ɛli ne njwii kyi bol ɛlɛ wo, njwi ne yɛɛ ncɛncɛng wu ɛ mɔn ɛn nikɔn niyɛnɛng nɛ nibhɛ kɛ tɔɔrek wu ɛ kɛ phɔrɔt ɛn.

1 ɛBiturus 1:22

ɛLyilyɛghaa wo ne kɛ ne te nyini wɛwɛy ndɔ ne ɛfɔt mon no daa ɛli ne ɛ roos ɛn itin de, ɛ ta i sim ɛn nigwaa mon na ne ishwim ne itin da. iPhɛ ɛlɛy, ne ɛ sim ɛn nigwaa mon ndɔ ɛkyukyum ne irway.